لك خافقي.. وأكثر مشاعره عايله
 

صباح الخير








قصيدة على البحر الهلالي







ارجو ان تنال اعجابكم

















الليل درهم فل اسود جدايله

وظن الطواري صادني في حبايله



شرَق وغرَب لين بعثر غصونها

حتى الورق متساقطُ من عمايله



لولا جذور الطيب ما تصمد جذوره

منهو فعول جدود.. تزهي فعايله



يا حيف يا طاري تقارش صويبها

منك أزرق الدمعات بخدود سايله


ويا حيف من زول حساب المقفين

قفَت وهي من خلف الضلوع جايله



المقفيه.. لو تدري حاصل صدودها

ما أقفت ولا شافت أبد في بدايله



الشوق موجه والشواطي تعيقني

رمل الحشا لأقدام هالشوق شايله



لو ينفع المشتاق ما جال خاطره

ما اشتاق أحد للي صعيبه وسايله



جبته على طرق الهلالي وشوفني

لك خافقي.. وأكثر مشاعره عايله



إما تجي ونعلق أجراس شوقنا

وإما على قبري.. ترابك تهايله

صح لسانك يابو مزيد

قصيدة جزلة ووافية

وصح الله لسانك مليون ولا يكفوون

على الأبداااع وبإنتظار جديدك بأحر من الجمر

من العجله أخطيت في شطر




ارجو منكم اللي يقدر يعدله يساعدني




منك أزرق الدمعات الخدود شايله





الصحيح




منك أزرق الدمعات بخدود سايله





وشكرا

ان شاءالله يجي يامحمد هههههه
خل نتفائل بالخير

وصح لسانك يابن جبرين
شاعر مبدع ومميز ولك بصمة خاصة.

لاتحرمنا من جديدك.

صـح لــســانـك

لاهنت . . . على ايراد الجزلـه بـأرك الله فيك

تحياتي لك بود

تم التعديل

يا جماعه انتوا ما عدلتوا خربتوا هههههههههههههههههه

الشوق موجه والشواطي تعيقني

رمل الحشا لأقدام هالشوق شايله


هالطرق تبدع فيه يامحمد

صح لسانك الف

اعجبني هالبيت كثيرااا لعمق الصوره الشعريه

دمت راااائع

وخلك متفائل على قوله بعيد

^ _ ^

جميل يامحمد


وعذب


الله لا يهينك

مرحبا يابو مزيد

يمكن انا ومحمد بنفس الوقت سوينا تعديل

وعلى قولتك يمكن اني حستها

بس مدري وش القصة

رجعت عليها وظبطت التنسيق,

وماادري اذا فيها شي آمرنا وحنا جاهزين.

لاننا مجتهدين ههههههههههه

ياسلام ياسلام



طرق جميل ,, وصاحبه اجمل


صح اللسانك يامحمد

لا هنت يا بن جبرين على البداع

مافيك حيله بارك الله فيك

تقبل مروري على متصفحك

صح لسانك يابن جبرين

ولاهنت على الابداع

صح بدنكم



واشكركم عالمرور



انا كتبت رد على كل تعليق لكن انمسح بعدها بيوم




عالعموم لاهنتم

محمد بن جبرين


صح السانك حتى ترضى يا الجزل والمبدع


طرق قليل من يتقنه ونت بدعت فيه يا محمد


لاهنت

http://www.aljblan.net/vb/images/Quo...t-top-left.gifاقتباس:http://www.aljblan.net/vb/images/Quo...-top-right.gifhttp://www.aljblan.net/vb/images/Quo...ot-by-left.gifالمشاركة الأصلية كتبت بواسطة راعي المغاتير http://www.aljblan.net/vb/uae4host/buttons/viewpost.gif http://www.aljblan.net/vb/images/Quo...t-by-right.gifhttp://www.aljblan.net/vb/images/Quo...p-right-10.gif محمد بن جبرين


صح السانك حتى ترضى يا الجزل والمبدع


طرق قليل من يتقنه ونت بدعت فيه يا محمد


لاهنت
http://www.aljblan.net/vb/images/Quo...t-bot-left.gifhttp://www.aljblan.net/vb/images/Quo...-bot-right.gif



صح بدنك يا بو عابد



وما عليك زود





واسعدني مرورك يا الغالي