::منتدى الجبلان الرسمي:: - بدر بن صاهود / ومنصور ابوطفره

::منتدى الجبلان الرسمي:: (http://www.aljblan.net/vb/index.php)

- مجلس شعراء وقصائد الجبلان (http://www.aljblan.net/vb/forumdisplay.php?f=49)

- - بدر بن صاهود / ومنصور ابوطفره (http://www.aljblan.net/vb/showthread.php?t=21727)

بدر بن صاهود / ومنصور ابوطفره

بدر بن صاهود

سلام الله سلام وفيه من طيب الكلام جـزال
..................سلام من ضمير(ن) صادق(ن) مادارته سيه
سلامٍ والسـلام اول كـلام يقولـه الرجـال
..................لأن ذكر الله يسلط على الشيطـان موليـه
وبعد ذكر الله أسمع ياند يبي واستلم بالحال
..................كتابن سلمه للصاحـب اللـي فيـه ماريـه
ابوطفره رفيق وصاحبن طيب خوي ارجـال
..................أعلومـه كلبوهـا طيبـه ماهـي ادوينيـه
كتابي سلمه منصور وأجلس واشرب الفنجال
..................وخذ رد الكتـاب وسلمـه لاجيـت بيديـه
وترى الموضوع يامنصور يبغى واحد حلال
..................امجرب وانت انا خابرك من ناس هواويـه
انا لي مده اشكي واشتكي والجرح بي لازال
..................يقولولن الدكاتـر علتـك بالقلـب مخفيـه
سبايب جادل في خدها البـراق حبـة خـال
..................هنوف شفتها تمشي بوسط السوق عصريه
عسا ياشرق تسقيك السحايب والمطر همال
..................جعل سوق مشابه صاحبي تسقيـه سيليـه
عذابي يابو مطلق يوم لد وشال نص الشال
..................تبين شامـة فـي خدهـا والعيـن حوريـة
وعذابي يوم قفا والخصر من مشيته لامـال
..................كما عودن تلافحه الهبايـب روحـه وجيـه
وعذابي يوم شفت الردف غطاه الشعر شلال
..................مقسم جسمها تقسيمـة الفنـان فـي زيـه
احليها سوات المهره اللـي تنطـر الخيـال
..................كما شقرا تبا كاس الملك بأرض السعوديـه
وانا احب الغزل واحب نظم القاف والمـوال
..................ومفهومي حياه بلا غزل ماتستـوي شيـه
وانا ابسألك عما قلت هل في هالكلام اهبـال
..................وابي منك الاجابه واضحه ميه علـى ميـه

رد منصور ابوطفره

هلا يامرحبا عد البروق وعـد سيـل سـال
..................وعدد ما غنـت الورقـا وماهبـت شماليـه
وعدد ماشقت الشرقه وظل العصر لامن مـال
..................على مكتوب ابوناصر هـلا يامرحبـا حيـه
هلا بك ياعقيد من شيوخ(ن) جالهـم منـوال
..................على صهوة ظهور الخيل يوم البعض رجليـه
بعيدين المغازي يوم ذاك الوقت فيـه اهـوال
..................سلالة مقدم الجبلان على النامـوس والهيـه
وتشكيلي بعد جتني مراسيلك حسـن خصـال
..................مضارب سودها بوصفك على قلبـك قديميـه
سهوم عيونها تلحق على الرجال لامـن قـال
..................انا شفّي عـذاب الغيـد وأعـوق السنافيـه
ونور خدودها بدر(ن) وفي خمسة عشر شوال
..................و حلايا تقود الصيـد فـي جيّـان وعريـه
وعاتقها ! على قولك غزال وفيه ريب جفـال
..................بعـد ماجفلـوه اللـي قناصتهـم عليمـيـه
ونحرها بارق قبلة ووسطة ضيّـع السلسـال
..................وجدايلها على الردفيـن طيـه فوقهـا طيـه
قبال وخصرها ناحل والياقفّت يميـل اعقـال
..................سنام احوار مردومن عليهـا وسـط محميـه
لها وصفن بذكره ضيّع الشاعر وش اللي قال
..................وصايفها (( حليمه بنت بولنـد )) الكويتيـه
وانا مالوم مثلك يوم شاف الموت والولـوال
..................وابا انصحك يابـدر بنصايـح دون خرجيـه
اذا هي يابدر شفّك وليلـك يابـدر قـد طـال
..................اخذ جاسر! وابو جاسر ! وقابل فيـه واليـه
واذا عندك يابن لامي نوايا وفيه ثانـي حـال
..................انـا مانـي بمفتيلـك ولاعنـدي صلاحيـه

وسلامتكم

سعود ...~

نَصٌ أَشَبَعَنِيْ عِشَقَاً !!
هنيئاً لَنَا في هذه الذائقه "الشامخه" ...~

عذب انت .. و كفى !

الله الله
أبداع بل قمة في الإبداع
صوت وصدى جميل ومليء بالعذوبه
والأحساس وصح الله لسانهم على الأبيات
التي نالت على إعجابي ولاهنت يا سعود
على طرحك للهاتين الشامختين

ماني
شكرا لمرورك
ولاهنتي ..

فهد عيد
لاهنت علي المرور ..
شكرا لك

لاهنت اخووى سعووود على طرحك الرائع

ولانت علي مرورك
شكرا لك

صح السان ابو عزوز
وصح السان ابو مطلق
ولاهي غريبه عليهم هالجزاله
ولاهنت ياسعود علي مانقلة
قواك الله

يامرحبا يا اهذريبك
لاهنت علي مرورك

صح لسااان الشعاااار
شاعرين جميلين
والله يعطيك العااافيه ياسعود على النقل
ولاهنننننننننت

مرحبا يا فهد
ولانت
شكرا
لمرورك

سعود بن لآمي
لـآهنت وبيض الله وجهكـ

على هالنقل الرااايع

وصـح لسسآن

الشاعر بدر بن صاهود
وصح لسان الشاعر
منصور ابوطفره
صوت وصدى ولا اروع
لـآهنت لـآهنت لـآهنت

بندر الجنيدي ..
لاهنت علي مرورك .. وشكرا لك

الي مر ولا كتب ثاني مره لا يمر :p

سعود بن لامي شكرن لك على اختيارك للقصيده والرد
وكلك ذوووق00
تقبل مروري

مخلاب .. يامرحبا يابو عبدالعزيز
واذا ما اخترنا قصيده لك .. ماله داعي نجيب قصايد :)
صح لسانك ولاهنت .. وننتظر ابداعك في همس القوافي ..
ولاهنت علي المرور ..

صــح السانك يا بدر
وصــح السان منصور ابو طفرااه

ولاهنت يا ناقلهاا

صـح آلسسان ابو عـزوز
وصـح آلسان ابو مـطلق
ولأهـنت ياسعـود وقـوآك آللـه على هآلنقـل ولأتحرمنأ من هآلتميـز
تقـبل مـروري

لاهنتم علي المرور

صح اللسانهم

بدر صاهود

ونايف ابو طفره

شعار ومجاراه في قمة الروعه

وتسلم على النقل المبدع

لاهنت

الله الله
أبداع بل قمة في الإبداع
صوت وصدى جميل ومليء بالعذوبه
والأحساس وصح الله لسانهم على الأبيات
التي نالت على إعجابي ولاهنت يا سعود

سلام عليكم ولاهنتم علا هاذي القصيد الجميله