|
كون الدعيله بين الجبلان والظفير
السلام عليكم ورحمة الله وبركاته
حدث كون الدعيله بالصمان عندما غزة الظفير بقيادة حمدان بن سويط على الجبلان بالصمان فقد كانة سنة وفرة ؤربيع في سنه من السنين وقد اتفق الجبلان والظفير وتعاهدوا على ان لا يغزي احدهم الآخر حتى انتهاء الربيع فاتى ركب من مطير وغزوا الظفير وظن بن سويط ان ركب المطران غزوا الظفير بايعاز من الجبلان لان حلال الظفير كان من دون حراسه فقرر بن سويط غزو علوى لياخذ من حلالهم بدلا من حلال الظفيرا الي اخذوه المطران وسمع الجبلان بذالك الخبر فارسل الشاعر زيد بن غيام بهاذه القصيدة لابن سويط ياطارشن مني الا جيت حمدان : سلم لابن ملوح ذرب اليميني امنول حنا انتعزز بحمدان : وثره على الغره عدو بطيني ينصى السبوق ؤيلقا ابا القد مليان : ؤلازم تشوف العين شوف يقيني اما درع في نزل هايف وجفران : ولا خطيرن في حدا النزلتيني ؤتسانه بغانا عند خبرا دغيمان : ؤقله ترانا دايم الطارفيني اما خذيت البوش والكيف لك زان : و لا عن الصابور تنزح يميني فغزا بن سويط الجبلان حسب وصف بن غيام لموقعهم وانهم بانتضاره فقتل بن سويط فرس بن غيام الدعيله وهي فرس حمدانيه واخذوا من حلال الجبلان فلحقوا الجبلان بالظفير وقتل الفارس عقاب بن شبلان حمدان بن سويط وستردوا الجبلان حلالهم وكسروا الظفير فقال الشاعر بن وازع الجبلي في مجلس الظفير هاذه القصيده علمن لفاني شوش الراس تشويش : ربع فقلبي عقب ماهو سناوي يوم الظفير استفزعو باهل الهيش : لموا بني خالد وكل الشواوي راحوا يدقون الغبا والنشانيش : يبا يجيبون الغنم والقهاوي ؤجوهم بني عمي بعلط ؤمراييش :ؤحاموا عليهم معطبين الاهاوي حالو على الصابور والخيل والجيش : وعذر من الشيخه كبير العزاوي ؤسلامتكم فمان الله |
لاهنت دمي جبلي
مفخره من مفاخر الجبلان ترفع الراس الله يعطيك العافيه علىالمواضيع المميزه والمفيده وفي انتظارك جديدك |
يعطيك العافيه يادمي جبلي. . .
عزالله انهااا مفخره من مفاخر الجبلان. . . لاهنت يادمي جبلي. . . |
بيض الله وجهك يالذيب,,,
على سرد مثل هذه القصص التاريخيه اللي ترفع الراس,,, وبإنتظار جديدك,,, |
الله يعطيكـ العافيه اخوي دمي جبلي ،،،
مفخره من مفاخر الجبلان ،،،،، لاهنت على الموضوع المميز ،،،، |
السلام عليكم ورحمة الله وبركاته
يعافيكم يالربع الجبلان كاسرين الظفير مرتين بالصمان ولكن سنجعل كل موضوع على حده بس الي ابيه منكم تظيفون على هالسوالف من سوالف شيبانكم مهو تسولفون معي كانكم اجانب وبكم هاذي فعايل جدانكم فمان الله |
يعطيك العافيه على النقل
لكن القصه مهي كامله سمعت ان عقاب ابن شبلان ذبحوا تحته سبع من الخيل وذبح فارس الظفير المشهور ساتر ابن خويط يقول الخس في الدعيله يوم جيتم باحتمالي== يوم فعل عقاب هو والغيهبيه ساتر ابن خويط من شلفاه مالي== يالطيور الي مخالبها قويه ورد ابن سويط على ابن غيام قبل معركه الدعيله قصيدة حصلت عليها في المنتدى الظفير يقول حمدان حي الجواب الى لفانا مسيان== جابه لنا القرم الشجاع الذهيني من واحدن من قومكم يابن شبلان== هرجه صحيح وكل قوله رزيني ماهو بلازم تذكر فلان وفلان== حنا نعرف اهل الوفاء الطيبيني حنا نعرف فعلولكم سر وعلان== وانتم بعد لفعولنا خابريني حنا لازعلنا وصلنا بالاضعان== نعم ومايخفي لزوم يبني لاخير في هرجن على خير وكدان== لاصار ماتشهد له الحاضريني وسلامتكم منقول من منتدى الظفير القصيدة قبل معركه الدعيله تقبلوا تحياتي |
دمي جبلي .. الله يعطيك العافيه ..
ولا نقدر نزيد على كلامك شي .. والله لا يهين اخوي المردد على التكمله ..! |
السلام عليكم ورحمة الله وبركاته
وشلونكم يالربع يعافيكم يابني العم ومشكورين على تعليقاتكم اخوي مردد البيت الاخير حسب ماقراته هاكذا ساتر بن خويط من شلفاه مالي : جادعينه من ظهر بنت العبيه فمان الله |
لاهنت وتسلم يمناك
|
لاهنت اخوي
|
مشكور وماقصرت
ولاهنت اخوي |
يعطيك العافيه على الموضوع
المطران الي غزم على الظفير هم الصهبه ومعهم الحصيني القعيمي وكانه المنع مع الظقير والجبلان فقط والعنه منعو الحصيني فذهب الذي يثبت قصيدت بن غيام يا فاطري يوم البدوي قوم لبدان تري السعد قدام مير اتبعيني امه احولك على جو عرفان وله انحدربك على الكمعتيني من بعد ماكنا من العام رفقان خرب صداقتنا علينا الحصيني يا طارشن مني ليجيت حمدان ليجيت ابن ملوح ذرب اليميني وشكرا اخوك عفريت |
الله يعطيكم العافيه
انتم حستو السالفه فوق تحت ولكن اقرب واحد فيكم عرفها هو اخوي عفريت نعم كان الحصيني القعيمي مع الصهبه يوم الغزوه ومع الشيخ سعود الفغم بتحديد بس ياليت اتوضح شنو تعني بالمنع ؟ وضح الله يجزاك خير وشكر اخوك / فلاح الحصيني الجبلي |
| الساعة الآن 09:40 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
