|
كيف النشامى
كيف النشامى
البعض للأسف الشديد عنده عادة سيئه وهي مد يدة اليسرى في تناول القهوة أو حتى بعض المعاملات الخاصه مثل مدة يده باستلام مبالغ نقدي أو وثائق فتجده يمد يده اليسرى , وهذاخطاء كبير يحدث من البعض من غير قصد وفى الواقع تعتبر أهانه للضيف أو المضيف فقد أحببت أن أكتب هذا الموضوع كنصيحه للأشخاص الذين يمارسون هذه العاده السيئه: فالقهوة كيف للنشامى , ولها احترامها وتقديرها في مجالس الرجال , ويجب استعمال أو مد اليد اليمنى لتناول الأكل أو شرب اوالمال أو العصيرات أو أخذ الفنجال في مجالس الرجال. ويذكر أن رجل غريب أتى إلى قبيلة قحطان فنزل ضيفا (ن) على فراج بن ريفة القرقاح , فلما صبت له القهوة, تناول الفنجال بيسراه وشربه أيضا بيسراه , مع العلم أن الفنجال قدم له كالعادة باليد اليمنى. فقال ابن ريفه هذه الأبيات الرئعه , والتي ينتقد بها ويعيب الرجل الذي يمد يده اليسرى, وسط المجالس أمام الناس , يقول الشاعر فيها واصفا (ن) هذه العادة: يا ماخذ كيف النشاما بيسراك = مد اليمين اللي عساها الجباره وألا ترى المجلس بيصلح بلياك= ولا أنت كفوءٍٍِِِ للي كثيرٍ بهاره وإن كان قصدك وهقك كبر مركاك= الثوب ما يستر ليا صار عاره وإن كان ما تفرق بين يسراك ويمناك= فحياة من مثلك حياته خساره أتمنى هذا المضوع ينال على أعجابكم |
|
الله يبيض وجهك يالقرم وهذا من طيب اصلك
وعندي تنويه ان اللي مايقدر ياخذ الفنجال بيمناه لسبب وجيه يقول يسرا ماتشناك ويكون الرد يسراك يمناك او يسارك يمينك وعجفاك سمينك والله يعطيك العافيه يابن دليبح على التوضيح |
عز الله صدق بن ريفه
بيض الله وجهك على هالمواضيع اللي تنومس شكرا يابن دليبح |
نادرا مانشوف احد يستخدم يده اليسرى في مجالس الرجال .. الا لسبب وجيه مثل ماقاله سوار الذهب ...
ولاهنت ياخالد على الموضوع .. |
اخوي خالد تقبل مروري واعجابي وانت من النشامى بموضوعك الجميل
|
يعطيكم العافيه على المرور
|
يعطيك العافيه اخوي خالد
اشكرك لتطرقك لهاذه الامور البسيطه في فعلها وكبيره بمعناها واحب اتطرق الى خطا منتشر بشكل كبير ويجهله الغالبيه مع الاسف انك اذا قلطة على الصحن للاكل عيب تاكل من اللحم باول لقمه يعني اول لقمه تاكل فيها عيش فقط وثاني لقمه بكيفك عشان اذا اكلة للحم باول لقمه بيقولون عنك مشفوح ومو شايف خير :) وهذي من شيم العرب وعزة نفسهم والله انا تعلمة هلمعلومه من الوالد ومن يوم عمري ست سنين ونا مطبقها حتى اذا اكلة لحالي ((----- مشقي نفسه بن الحلال ومايخص القهوه الرياجيل مايشربون القهوه الي يسوونها الحريم بل صاحب المجلس هو الي يسوي قهوتهم كما انه من المعيب ان تشرب اقل من ثلاث فناجيل في المره الاولى ومن المعيب ايضا ان تنزل الفنجال على الارض فيه شغلات كثيره لاتحضرني حاليا متى ماتذكرتها بكتبها لكم اتمنى من باقي الاخوه كتابة اي معلومه لديهم لحفضها للاجيال القادمه |
اخوي خالد تقبل مروري واعجابي وانت من
النشامى بموضوعك الجميل |
وإن كان ما تفرق بين يسراك ويمناك= فحياة من مثلك حياته خساره
لاهنت علي القصه والقصيده شكرا لك |
|
امحق امحق
انا ولدك يابوي :) قمزتلك رجالين ؤعقبتهم جنك ماتشوفهم ؤقمت اترحب بسعود سعود ؤنعم يستاهل من غير قصور فلباقين بس اتعقب الرياجيل كانك ماتشوفهم هذا هوا الخطا بعينه ولي سويته اهانه اعتبرها لي وللاخ الجبلي ؤجاي تعلمنى السلوم :w: امحق سلوم جان هذي سلومك اعط الرجال حقوقها وحترمها |
|
هههههههههههههههههههههههههههههههههههه
العيباااني هداااك الله ياخووك اعذر الرجااال..يمكن ماشافك ولاشي.. وبعدين اعتذرلك خالد وماقصر........ والله يالعيبااني ماتوقعتك هلوون ......... على العمووم خااالد سامحييلك ... لاهنتوو |
الله يهدينا ويهدي الجميع
ومسموح يلغالي والعتب على النظر |
|
خالد بن دليبح لاهنت اخوي على الموضوع المميز تسلم اخوي ...
اخوك شــعــّـاااقــ |
|
| الساعة الآن 07:07 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
