|
ياصخيف الذرعان
الشاعر المعروف بندر بن سرور العتيبي رحمه الله شاعر فحل وتحفظه كتب التاريخ للابد
كان بندر في حياته مشاغبا ومزعجا للسلطات في المملكة اثناء حكم الملك فيصل حيث كان يهرب البضائع من الكويت ليكسب من خلال ارباحها لاختلاف السعر في ذلك الوقت .. وكان أمير المنطقة الشرقية سعود بن جلوي غاضبا من بندر حيث قبض عليه اكثر من مره ويخرجه أمير عتيبة تركي بن ربيعان امير الفوج التاسع بالحرس الوطني وهو من شيوخ قبيلة عتيبة اللي لهم كلمة عند الملك والحكومة وكان ياخذون تعهد على بندر بعدم التهريب الا انه مطنشهم ولا يسمع الكلام .. المهم وصل للامير بن جلوي ان بندر هرب بضاعه ولا قدروا يمسكونه فحلف بن جلوي ان يقتل بندر اذا قبض عليه ومعروف عن بن جلوي قسوته وشدته وجبروته اثناء حكمه للمنطقة الشرقية .. ووصل لبندر كلام الأمير وتهديده بس ما ارتدع .. وفي يوم وبعد المغرب بشوي كان بندر نازل مع النفود بسيارته الونيت وتفاجأ ان حرس الحدود مخيمين اسفل النفود وأيقن انه مقبوض عليه لا محاله فهو لا يستطيع العودة لأن النفود عالي وإذا نزل معناها مسكوه فأوقف السيارة وترجل منها ورجع على أقدامه وصادف سيارة وركب معاه وطلب منه يوصله لبيت الشيخ تركي بن ربيعان ووصل له حوالي الساعة وحده بالليل وقام يطق الباب بقوه والليل هادىء وصحى كل اللي بالبيت وكان الشيخ بن ربيعان بالدور العلوي وراحت بنته تفتح الباب وبندر يطق الباب بقوه وفتحت الباب وهي ما تعرفه ولا قد شافت بندر وقال لها ابوها من اللي عند الباب يا بنت قالت رجال كنه مرجوج يبغاك ( وسمعها بندر وهي تصفه بالمرجوج ) قال خليه يدخل للمجلس وغير الشيخ ملابسه وقامت البنت تسوي القهوه ولما دخل المير تركي بن ربيعان وخلفه بنته معها القهوه التفت عليها بندر وقال ياصخيف الذرعـان مانـي بمـرجـوج رجّـتـنــي الدنيا قدر (ن) و حـيـلـه يا بنت لـولا اللـي علـى تاسـع الفـوج تـركــت نــجــد وعــــزوةٍ بالقـبـيـلـه لاشــك حاديـنـي عـلـى نـجـد هـيــدوج مسقـي الفيافـي ليـن يـدرج مسيـلـه تركـي ليـامـن الـبـلاوي غــدن عــوج حـمــل عتـيـبـة كـلـهـا مـــا تـشـيـلـه يرسي كما مينا البواخر علـى المـوج ومنـيـن مــا صــك البـحـر يرتكيـلـه مـــادام تـركــي حـــيٍ مـــا ودي أدوج وإن غاب غبت من الرجوم الطويله عرف الشيخ بن ربيعان من الأبيات ان بندر في مشكلة ويبي الفزعة وأبتسم الشيخ وقال أبشر يا بندر وش طلبك وأخبره بالسالفه وأنه خايف ينمسك ويبيه يشفع له عند ابن جلوي قال له أبشر يا بندر وركب بندر مع الشيخ بن ربيعان بسيارة الشيخ وراحوا للدمام ووصلوا لقصر الأمير بعد صلاة الفجر بدقايق وكان الامير سعود بن جلوي متعود كل يوم بعد الفجر يجلس بالمجلس يتقهوى ويسمع صفحتين من كتاب الحديث فأوقف بن ربيعان سيارته مقابل المجلس بس بعيد وكان الوقت لا زال ظلام ونزل لوحده وسلم على الامير وجلس بجانبه ولما صب المقهوي الفنجال للشيخ بن ربيعان انزل على الأرض ووالتفت عليه بن جلوي وقال وش فيك نزلت الفنجال قال بن ربيعان لي طلب قال اشرب فنجالك واللي تطلبه جاك فشرب بن ربيعان الفنجال وقال طلبه وزعل بن جلوي وقال والله لو اني داري انك جايه علشان بن سرور كان ما عطيتك طلبك وأنت تدري اني غاضب منه لكن دامك شربت الفنجال فطلبك جاك |
اشكرك على الموضوع يابن دليبح ولكن اود توضيح شيئ وهو ان بنت بن ربيعان تعرف من هو بندر بن سرور وتعرف شكلة ولذلك حينما سالتة من خلف الباب من انت رد عليها وقال انا بندر بن سرور ولذلك قالت لوالدها ان المرجوج عند الباب مع العلم ان المقربين لبندر وقبيلتة كانوا يطلقون علية المرجوج...اما التوضيح الاخر ففي موضوع ذكرت بأن بنت بن ربيعان اتت خلف والدها ومعها القهوة ولما رأها بندر قال ههذة الابيات والحقيقة ان بندر قال هذة الابيات لوالدها ولم تأت خلف والدها ولم تدخل المجلس الذي فية بندر والجميع يعرف بأن بنات القبائل لاتدخل مجالس الرجال وتخالطهم..وهذة عادات القبائل في نجد..اعتقد ان من نقل لك القصة اخطا في ايرادها بالشكل الصحيح ولذلك حبيت ان اوضح هذا الشي وارجو ان تقوم بتعديل هذا الخطأ لان فية اساءة لقبيلة كاملة.. وشكرا تقبل مروري اخوك مهاجر |
أشكرك على توضيحك لهذه القصه و في الحقيقه أنا قرأتها في إحدى المنتديات و أثارت هذه القصه أعجابي وأحببت أن أنقلها إلى منتدى الجبلان
وشكر على هذا التوضيح يا المهاجر وتقبل تحيات اخوك : خالد بن دليبح |
لاهنت ياخالد ... المهم انها بنت ابن ربيعان دشت ولا مادشت .. قصه جميله وقصيده أجمل تسلم يمناااااااك علي النقل |
الموضوع هذا اعتقد اني وضحته لخالد بن دليبح وردة كان راقي واتمنى تقرا كلامي زين وتشوف الموضوع |
يعطيكم العافية علىمروركم الجميل سعود والمهاجر:):):)
|
تركي اليامن الليالي غدن عوج
يشيل حملن ماتشيله قبيله هالله هالله رحمة الله عليه شاعر مبدع وجبل شامخ في عالم القصيد بندر بن سرور يقول في قصيدته اللي كانت من اكبر مشاكساته على نطاق السياسه يانجد بردك هب والحر اكلنا=متلطمين ن بالعمايم وصيام وسيوفنا وارماحنا نكسنا=وسيوفهم وارماحهم روس الاقلام والحضر قفوا بالملايين عنا=اللي خذوه العام واللي ورا العام مابه وزير امن البدو صار منا=دايم وضايفنا عساكر وخدام وفي كل جمعه ياكل السيف منا=باتفه سبب يحكم علينا بالاعدام ان كان مالله عزنا في وطنا=سقنا الركايب لين حافظ وصدام اشكرك يابن دليبح على النقل اللي امتعنا لاهنت بن معرقب |
يعطيك العافية على النقل
ولكن حتى كلمات القصيدة فيها شيء من التغيير . اشكر مهاجر على بعض الايضحات التي قام بها. خالد بن دليبح اشكرك على جهدك الطي وننتظر منك المزيد والكثير. |
يعطيك العاافيه ولاهنت ...
|
خالد بن دليبح
يعطيكـ العافيه ع الموضوع وطبت وطاب منقولك |
بن معرقب...بعيد الهقاوى .... عذب المشاعر...راعي الوضحا...
لاهنتو على المرور..وزاد موضووعي جمالا بمرووركم... |
خالد بن دليبح يعطيك العافيه على موضوعك الطيب وانا اقول مثل ماقال اخوي المهاجر يجب اتدقيق وتمحيص في الموضوع قبل طرح ولي كل مجتهد نصيب ويعطيك العافيه خالد على الاجتهاد((( تقبل مروري اخوي خالد ))
|
اخووي خاالد
شكراا على نقل هالقصه والابياات واستمتعت بقرااءتهااا وبمتاابعه الردوود والتوضيح جميل هذاا التفااعل بجد شكراا لك اخوووي |
والنعم ببندر بن سرور
وبالامير تركي بن ربيعان وفي بنته وسواء دخلت ولا مادخلت ماينقص ولايزيد ياصخيف الذرعـان مانـي بمـرجـوج رجّـتـنــي الدنيا قدر (ن) و حـيـلـه يا بنت لـولا اللـي علـى تاسـع الفـوج تـركــت نــجــد وعــــزوةٍ بالقـبـيـلـه لاشــك حاديـنـي عـلـى نـجـد هـيــدوج مسقـي الفيافـي ليـن يـدرج مسيـلـه تركـي ليـامـن الـبـلاوي غــدن عــوج حـمــل عتـيـبـة كـلـهـا مـــا تـشـيـلـه يرسي كما مينا البواخر علـى المـوج ومنـيـن مــا صــك البـحـر يرتكيـلـه مـــادام تـركــي حـــيٍ مـــا ودي أدوج وإن غاب غبت من الرجوم الطويله شااعر لاقبله ولابعده الله يرحمه ويغفرالله يعطيك العاافيه يااخالد وتسلم يمناااك ____________ |
مسا ءالخير ياشباب احب اوضح شي لكل من يقول سواء دخلت البنت او مادخلت المسالة يااخوان مسالة عادات وتقاليد ولو السالفة هذي عن شخص من مطير ماقبلنا ان القصة تورد بالشكل هذا وان البنت دخلت مع ابوها على شخص غير محرم لها. احب اوضح ان اللي كتب الموضوع تقبل ردي وتوضيحي بكل رحابة صدر.ارجو من كل معارض لتوضيحي ان يفكر بالمسألة. اشكرك يابن دليبح على رحابة صدرك |
الله يعافيك يا خالد
على القصيده اللى اكثر من رائعه تسلم ونتطر من المزيد خاصه لابن سرور تقبل مرورى |
يسلموووووووووووو خيوووووو ع القصـــه الرائعه والابياااااات الرائعه تحيااااااااتي |
يعطيكم العافيه على المرور الطيب :):):):):):)
|
لا هنت يا خالد السالم على المرور :):)
|
ماقصرتي يا فزولها :):)
|
أشكرك على المرور :):):)
|
يعطيك العافيه
ودمت بودي |
يعطيك العافية أخوي(خالد بن دليبح)على مرووورك الــذي عطر صفحتي تحيــــــــــــااااتـــــى لك أخووووك(فهد عيد الجبلي) |
يعطبكم العافيه على المرور
|
| الساعة الآن 08:29 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
