::منتدى الجبلان الرسمي:: - دلـــــــــــــــــة القهــــــــــــــــوهـ....!!

القهــــــــــــــــوهـ العربيـــــــــــــــهـ...

http://www4.0zz0.com/2008/08/13/00/174832056.jpg

(( 1 ))

ياما حلا عقب العشا شبـة النـار
عقب الهجوع لا رقد كـل كوبـه
بقفرية ياعبيد يـودع لـه اشعـار
وسواة فنجـال يشـوق بصبوبـه
حبه على المطلوب من بن وبهـار
يعجبك بالفنجال صبغـه وروبـه
كيف يجوز لشارب الكيف والكار
لو دوروا به غمـزة مـا لقوبـه
في مجلس فيه المشاكيـل حضـار
بغيبة ردي الحـظ عنهـم بنوبـه
اللي يخزوون المسيـر بالانظـار
تكاظموا واللي جليـس شوشوبـه
تلافتوا على بعضهـم بالانظـار
وتغامـزوا مابينهـم وضحكوبـه
الناس فيهم يافتـى الجـود هـذار
مسترحل لبليـس زيـن ركوبـه
عراض غرة مسلم غافـل غـار
يعرضه للناس لـو مـا حكوبـه
دايـم لغـرات الاجاويـد عقـار
يظهرعيوب ولا درى عن عيوبـه
وفيهم تبيني لايسـرك ولاضـار
ماغير يحسب للربايـع ضروبـه
وفيهـم حصينـي قبـوع قمـار
يوصف على ماقيل به طير ذوبـه
وفيهم بليهي على الكـود صبـار
يصبر ولو زادت عليه الصعوبـه
لا جا زمان فيه غليـن الاسعـار
غدى لربعـه بالمكاييـل جلوبـه
وانا جا نهار الضيق بالموسم الحار
يرخص بعمره مايعـد محسوبـه

.com]http://www9.0zz0.com/2008/08/13/01/192784312.jpg[/url]

(( 2 ))

يادلتي لايجزعك واهـج النـار
ماجبتـك إلا باغـي تحْتضينـه
أبي ليا جونا مشاكيـل وخيـار
اقلّطك والرزق ربـي ضمينـه
ياعنك ماغظلم حجاجي عن الجار
ولايوم ماعنا تقـازى الظّغينـه

(( 3 ))

يازين شبة نارها العصر ياخليف
لا مالـت الفيـه وزان البـراد
كسرت فنجال على غاية الكيـف
لاعج ريحه مثل ريـح الزبـاد
جونا مسايير يبون العجاريـف
لى أوحو دنين النجر مثل المنادي
جابوا سوالف طيبين المحاريـف
اللي عليهـم يقهـرون الطـراد

http://www7.0zz0.com/2008/08/13/01/134527816.jpg

(( 4 ))

قم يالمقهوي دن نجـر ومحمـاس
واحمس لنا من حب صنعا نماهـا
احمس وزين حمسة البـن بقيـاس
دقـه ولقمهـا وعجـل سـواهـا
وصبه لممرور على الخيل مدبـاس
تقفي عنه صم الرمـك لانصاهـا
من فوق ماتاخذ على الخيل مرواس
لاجدعت خبثـات الانفـس حذاهـا
واثنه لمن حوله على الزبر جـلاس
اهل السموت اللـي بعيـد مداهـا
ابن عبيكه هرجتـه مابهـا بـاس
تطرب لها كرام اللحى من حلاهـا
طول الجدار وقصرة الرجل نوماس
لا صار مـا للرجـل داع دعاهـا
تصير بعيون الرفاقه معـك بـاس
لاصار ماتدعى تره مـن عناهـا
يصير قـالات ويصيـر لـولاس
ونوبن من الادنيـن ياتـي بلاهـا
قلبك يصير ويضرب القلب عوماس
والنفس تقدح عقب زايـد غلاهـا
خلك على بابك تقل لـون حـراس
لاجـو عليهـن محتريـن عشاهـا
لاجن مع الخل الشمالي لها اضراس
والكل تشكي رجلهـا مـن حفاهـا
نرحب بهم من قبل تجديع الالبـاس
ونقلط لهم تمر الحـلا مـن نماهـا
ونذبح لهم كبش مربى بالاطعـاس
ونقلطه من قبـل يقـرب مساهـا
هذي سلوم جدودنا قبـل مـن راس
واللي بعدنـا كـان ربـي هداهـا

http://www7.0zz0.com/2008/08/13/01/916477987.jpg

(( 5 ))

الله على الفنجال مع هجعة النـاس
بـدلال نـارٍ مايبطـل سنـاهـا
مع حمسة يملا بها كـل محمـاس
ويقلبـه قـرم يعـرف استـواهـا
قم يافرج شبّه تر الكبـد والـرأس
العين اشوفه قازيـه مـن خطاهـا
حط الجروم اللي من العـام يبـاس
لياما يطوح ضوها مـع فضاهـا
واحمس على جمر ترى ماله اجناس
وكفّه ليـا منـه عرقهـا غشاهـا
واودع بهاره هيل ورهه بالاجراس
ياخالط الفنجال تـر هـو حلآهـا
ودقه بنجـر يسمعـه كـل نعـاس
ولاتغلق الضبة علـى مـن بغاهـا
وصفه وصبه تر هو الصفى بقياس
ماهو خطاة الخامل اللـي طهاهـا
اللي يحطه باوسط النـار مرفـاس
لمـا يطيـر قبوهـا مـع غماهـا

http://www9.0zz0.com/2008/08/13/01/192784312.jpg

وسلامتكم

اختكم / مهاوي المطيري..