::منتدى الجبلان الرسمي::

::منتدى الجبلان الرسمي:: (http://www.aljblan.net/vb/index.php)

- همس القوافي (http://www.aljblan.net/vb/forumdisplay.php?f=53)

- - طرقي سعود (http://www.aljblan.net/vb/showthread.php?t=6434)

طرقي سعود

ياناس عني بلغو طرقي سعود = دام النشاما بالشدايد صفوله
وان شاف من باب الفتن جند وحشود= ناطا عليه وصف ربعي يهوله
مطير ياربعي ترى الطيب محمود = انا اشهد انلي بالمواقف حموله
تكفون لاثارت دخاخين بارود = وكلن على ربعه عزومه عجوله
تثبت مواقفكم وهل العالم شهود = مواقفن نارث وراها بطووله
والله ياربعي ترا طرقي سعود = فيه التواضع والبعاد شهدوله
والله ياربعي ترى طرقي سعود = مواقفه توصف معاني الرجواله
والله ياربعي ترى طرقي سعود = معدن نظيف ونفس ماهي ملوله
مبطي وبفعل الطيب والطيب مجحود = من سبة الي احفروا وادفنوله
واليوم عاد الحق والحق بيسود = غصبن على الي طيبكم مارقوله
علوى هل الردات زود على زود = وبريه لاثقلت عليك الحموله
وتسمع بني عباد للنخوه ردود = يما خذوا مع باعدي الوقت جوله
اليوم بيعه واعرف الجود موجود = بيعه على علم نشوف امحصوله
تكفون فزعتكم مع طرقي سعود = والمطيري لانخاكم صوتوله

يستاهل ابو فهد قصيده جزله مثل راعيها بيض الله وجهك

يستاهل ابوفهد

و صح لسانك يا بن سهيل

تكفون فزعتكم مـع طرقـي سعـود .... والمطيـري لانخـاكـم صوتـولـه

الله يوفقنا في الإنتخابات ويهدي باقي ربعنا مطير إن شاء الله ... ويوفقهم جميعاً لما يحبه ويرضاه

يستاهل اابو فهد

صح السانك

وقفة الجبلان والمطران وحده وانا اخوك

ابن سهيل
أولا نقول لك ألف حمدلله على السلامه
و

صح لسانك مليون واشكرك على مشاعرك التي ابديتها لأخونا طرقي سعود والذي كررت إسمه بالقافية للتأكيد بموقفك تجاهه والتأكيد بإستحقاقيته ونقول الله يوفقه ان شاءالله.
وهذه دعوة لجميع أفراد قبيلة مطير بإختيار من يستحقون للترشيح والتصويت لهم حتى لاتتشتت الأصوات فيخسر الجميع.

حيالك الله اخووي بعيد الهقاوى
الله يسلمك من الشر انشالله
وصح الله بدنك يالغاالي
واشكر جميع الي مروا على الصفحه وبيض الله وجيهكم
تقبلوا مرورى
اخوكم
بــ سهيل ــن

للتنويه ترا القصيده لخوي
الشاعر
مبارك ثامر المسيب
ALMajh00L

السلام عليكم ورحمة الله وبركاته

صح الله لسانك يا بن سهيل ويستااهل الخال عزالله انه ونعم ..

انت سبقتني مير انا امس كل الي حوالي وخصووصن جدتي وامي يبون قصيده

وترقبووها قريب انشاءالله ما بقاء واحد من الجبلان ما دق وقال الحين دورك يا فهد

هههههه انا الي علي بسويه انشاءالله والباقي على ربعنا..

الحين دور القصيد يا اهل القصيد كلنا يرفع الصوت عالي ..

تقبل مروري اخوكم \ فهد الطوير الجبلي

بن سهيل

صح السان اخوك .. ولاهنت . .

ويستاهل طرقي .. ويبشر بالسعد . .

والى الامام دوماً ..

:(

..

..