قالو تهيض قلت مابـه هواجيـس = والعالم الله حتـى نومـي عقوبـه
قالو توسوس قلت جملت وسواويس = شيطان فكري حايمن في دروبـه
يامر وينهي حاكمن لعبت إبليـس = ملعون جدن حاكمك فـي ذنوبـه
همٍ سطابي كرس الجهد تكريـس = همن لفاني عذب الشعـر صوبـه
كلمت عواذل مرسلتها جواسيـس = شخصٍ يشيل الجمر في حثل ثوبه
هيسٍ ولد هيسٍ خويه بعـد هيـس = والغرو الأحمق طايرن في هبوبـه
والشخص الآخر خوته للدبابيـس = ينقل كلام النـاس يومـن لفوبـه
مشاعري تكفين مابـك أحاسيـس = شبي شبوب الرمث ماحلى شبوبـه
ياهيه أنا فارس بعيـد ألمراميـس = فارس ولد علوى بطيبـه حكوبـه
أقنب كما قنـب الذيابـه بلاقيـس = وأعوي على العليا وصوتي دروبه
ماهمني ياناس هـرج النواجيـس = دنيا بها نـاسٍ تجيـب ألعجوبـه
بعض البشر طبعه كما شقت الكيس = نقل ألكلام ألشيـن أٌهمّـه سعوبـه
طبعي أجنب من رجالٍ ملاحيـس = طبع الردى سِرجه عليهم سروبـه
الخاتمه وإعداد حمس المحاميـس = صلو على مـن للبشـر بِشّروبَـه

يا مال العافية يا فارس

وصح لسانك وكفو والله يا أبو قاعد

تقبل تحيتي