|
طماع في خوة طويلين الأشناب=وابخل بنفسي لادعاني هلامه من ذاق ماذقته بخوتك ماتاب=يغزي ولو ماله وراها سلامه وانا اشهد ان المرجلة سر الاعجاب=واقبل من المشتاق صادق كلامه |
شكرا لك ياخوي الجارح .. والابيات للامانه منقوله موب انا اللي قلتها .. بس الوكاد ان اللي قالها جبل .. ولا يهونون القبايل الثانيه ..
أنا بنت(ن) لها تاقف سلاطين البلاد حشـود=جمعت الزين وجدود(ن) تدوس الموت والهيه جدود(ن) تشرب الدم الحمر وتثور البـارود=تدك البيـد ماجابـت دروب المجـد عانيـه |
ادري انها منقوله
بس بجد رائعه جدا جدا افكر اخليها توقيع هههههههههههههه مشكوورة على اختياراتك الجميله اختي اخت القمر
الوقت علمنا القسى والخشونـه=لاشفت واحدنا الى كنه الذيـب نموت مانرضى الردى والمهونه=والموت قدام المهونه هو الطيب |
نكتب ونرجع ماكتبنا نعيــــده
احساسنا... مهما شرحناه ماتــم لا الجرح يبرا ولا المعاني تفيــده تبكي الحروف وتنتثر همومنــا دم ؟؟؟ ؟؟ ؟ |
الجارح ياخوي اي والله الابيات يصلحون توقيع ... بنشوفهم عن غريب بتوقيعك .. << دبستك ..هههههه
جمره ... الجارح .. لاهنتوا .. صباحكم سكرررر الجميع ...
عذروب خلي حسنه الفتان= يازين خلي ومحلى عذروبه يرعاه ربي وهو عظيم الشان = من كل مكر ومن دنى صوبه |
الله يعزى الحكومه ويحفظك ياصباح =-= انتم ولات الامر .. والفرعي نبنلغيه :)
واسعـــد الله صبـأحكم |
حياك الله اخوي ملكع
اخت القمر ... والله جازلي بجد وابخليه توقيع بعد اذنك طبعا . بس منهو قائل هالابيات عشان حفظ حقوقه
تغرق شهيد أرحم من الموت عطشان=طيحة شمـوخ ولا وقـوف متمايـل
|
اذنك معك يالجارح ... وقائل القصيده هو محمد التميمي ...
ياعالم الذكـري وياموجـة الغـم=يالدفتر المجنون يـاراس مالـي
|
مـا أخطـاك مـاصـابك ولو كـان راميـك=والـلي يـصيـبك لو تـتـقيت مــا أخطـاك
|
عز الله انك لو ترديـت غالـي=امشرع لك باب الاحباب تشريـع عيت تعزينـي طـوال الليالـي=الله بلاني فيك ما اسمع ولا اطيع |
دام الغلا فنجال ينظح بة الهيل = اقلط تقهوا خذت موتك وما جاك ما واللة ازعل هالعيون المظاليل= ما دمت انا حى فجمل العمر يفداك |
نزهتا عن قول في وصفها قيـل=مافيه داعـي والفريـدة فريـده يكفي أقول : الكدش ماتلحق الخيل=هالشطر يكفي عن كتابة قصيـدة |
يا هني من عاشر من الناس شرواك =في ذمتي يعيش والراس مرفوع تبقى عزيز وتعجبني مزاياك = ياللي بيمناك اجزل الطيب مطبوع عسى البلاوي والمصايب تعداك= وتصيب ناس عنهم الطيب مقطوع |
لي لابة ٍ يشهد لها كل ميـدان=لطامة العايل جـزال الفعايـل مركاضهم يشّبع نهم كل سرحان=بالكون تروي ظاميات الصقايل |
فلّ الحجاج وخلّ عنك التصانيف=كلٍ يموت وحاجته ما قضاهـا
|
كل شي يجيني منكـ أحسهـ لهـ ذوق وحلا ..
وكل كلمهـ يرسلها قلبكـ لها في روحي غلا .. |
لا عزي لمن مثلي ضحك وبخاطره آهات
اجامل كل من حولي وعيني تحبس العبره وإذا سجيت بأفكاري همومي كلبوها جات تتابع مثل طلقات ٍ تدني القلب من قبـره |
شي طبيــعي نـختــلف ونتــفـارق =اللي غريــب انـا بيــــوم اجتــمعنا تطيح شمس وغصن الايـام وارق =وتموت كلمة شوق وتعـيش معنى ماتسعف الغرقان صيحات غارق =عاجز .. وعاجز كيف بس اجتمعنا؟! |
أكبر خطأ!،، نسيان من يذكرونك!
..وأعظم وفا!!،، ذكرى حبيبا يجافيك،، أكبر عناد !!،،،تخون شخص يخونك ..اجمل أمل،، حب جديد يناديك!،، أصعب سؤال؟! أللي تجيبه ظنونك ..أكبر غبى !!،،أ نك تغير مباديك،، أتعس حياة!،،عيش والحزن لونك ..لا صرت هم وصار حزنك بناخيك |
يا ضايق الصدر بالله وسع الخاطر= دنياك يازين ما تستاهل الضيق الله على ما يفرج كربتك قـــــــــــادر= والله له الحكم في دبرة مخاليقه |
انا ماهمني حزني ولاني للفرح مشتاقـ ... بس ليهـ يا دنيا إذا بضحك تبكيني !!! |
صبحكم الله بالخير لاهنتو
لبـااااه لعيونـه يالبـى يالبيـه=من حد رمشه لين حـد الخصيّـر رعبوب فيه من الحـلا مايحليـه=ماهوطويل كثير ولاهـو قصيّـر ولا ذبحني كون حظـرة تعاليـه=لكن قلبه قلـب صافـي وخيّـر أهيم في بحـره واغنـي بواديـه=وفي ذمتـي ذمـه ابـد ماتحيّـر |
@@@
روحي ثمينة والله إنـه ثمينـه=وبالوضع هذا خايف أدفع ثمنها الهاجس اللي شالني في يمينـه=أقفى بقلبي بين كف ورسنهـا أنت الهوى وأنت البلد والمدينه=والروح دونك تغترب في وطنها @@@ |
صباح النور
الله الله صح لسانك ولسان الشاعر يابكيفي على هالابيات لبااااه لعيونه يالبـى يالبيـه من حد رمشه لين حد الخصيّر رعبوب فيه من الحلا مايحليه ماهوطويل كثير ولاهو قصيّر ولا ذبحني كون حظرة تعاليه لكن قلبه قلب صافـي وخيّـر أهيم في بحره واغني بواديـه وفي ذمتي ذمه ابـد ماتحيّـر من شاعر هالابيات هذي؟؟ |
عسى مازعلتك البارح وزودت الجراح جراح= عسى مامرت الدمعه على اهدابك من اسبابي
|
وانا من قمة سخائي افـدي بروحـي اخيـه = واعتقد اني مقصر حتـى لـو هـذا سخائـي وانا من بـاذخ عطائـي مااتعامـل بالاسيـه = يعني لامني عطيته مـا انتظـر رد لعطائـي وانا في صمتي عزائي مالي بهـروج الرديـه = السكوت ابلغ واصدق هذافي صمتي عزائـي |
مسائكم ريح عنبر و مسك ....
الجميع لاهنتوا ....
تربية حرً عزيز كيف يعني تجهلون ؟؟=اني انثى في الملامح وبالفعايل مرجله
|
ليت الوفا للناس مثـل العبـاده=ليته ركن ثابت من اركان الايمان حتى يجازى المجتهد لاجتهـاده=ويعاقب العاصي على كل عصيان |
بعض البشر لا غاب ماعنه منشود = وبعض البشر لا صد يوجع مصدة
|
ماني من اللي يرخص النفس لاضاق = ولاني من اللي يرخص اليوم غالي
|
أمد لك ( قلبي ).. و ( روحي ) .. و ( يدي ) ..
أمد .. كلي لك .. ولا تسـأل ..! ( أشتقت ) .. جيتكـَ .. بعد .. ما وقف ( الوقت ) .. ضدي .. معاهدكـَ .. لا تصير ضدي .. مع ( الوقت ) .. ؟؟ ؟ |
الطير بالجنحان ما احلى رفيفه
......... وايلا انكسر حدى الجناحين ما طار يمنى بلا يسرى تراها ضعيفه ......... ورجل ً بلا ربع على الغبن صبار |
لا طاح قدرك من عيون الخلايـق
لا تحسبنه يا أبيض الوجه طيحـه ماهي فضيحـه وانتبـه للحقايـق طيحتك من عينك هي اللي فضيحه ؟؟؟ ؟؟ ؟ |
حلفت لاضحك لو الدمع بعيوني= والحزن في داخلي يصعب عليا لمه. .ماهمني لو جميع الناس يجفوني = اصلا تعودت اشيل الجرح وأضمه |
أحب دهن العود وأنواع الأطياب= وأحب ناس ماتعرف الخديعـــــة أحب كل إنسان راقي وجذاب =صدوق في حبه ونفسه رفيعــــــة ترى الوفا بقلوبنا ماله أسباب = فطرة خلقها الله وصــــارت طبيعـة |
كيـف ابنسـى ليلـة زعزعـت قلبـي مـن مـقـره
انـفـرت كـبـدي وخفـاّقـي غــدا قـبـر iiونصـايـب هـلـت دمـوعـي وحلّفـتـك بـربــك الـــف iiمـــره يابـن آدم خـف مـن الله مـاورا ذبحـي iiكسـايـب أنـت شخـصٍ ماقـدرت استوعبـه خيـره iiوشـره مـن عرفتـك والدمـوع دمــوع والخـفـاق iiذايــب لا تـصـدق كـذبـة الايــام فــي وجــه iiالمـسـره بسمة في عين طفل ودمعة في عيـن iiشايـب وان تذكـرت الهنـوف اللـي علـى صوتـك iiتشـره ضمها فـي صـدرك الموحـش وعرّضـه iiالهبايـب ؟؟؟ ؟؟ ؟ |
لاهنتوا ...
ضد ( الوفا ) ماهو ( خيانه ) علــى طوووول !!=طالع .. ترى ممكن يجــــي ( قل حيلة ) ..!
|
أصرف من الدمع واقيد على حسابك=واقول يـومٍ مـن الايـام يوفينـي مبلي وياويل مـن يازيـن يبلا بـك=يصير مثلي عسى ربـي يعافينـي |
إن كنت خايف من الهجران يالغالي=اسمع كلام الذي ظنك علي ظنه وشلون أبنساك ياللي شاغلن بالي=تبيني أنساك حلم إبليس بالجنه ... |
اعالج لوعة المغرم وتكبر لهفة المشتاق = بحسن رضاي اسوق خطاي اقدم رجلي وافهقها الا يا كا ملين المعرفه سلك الغرام دقاق = الا صاب القلوب الله يعافينا يخرقها انا لي صاحب خده ورى الشيله كما البراق= بعرض المزنه الي مثل شمس الظهر بارقها اذا عرض علي ااقف مثل وقفة كسير الساق = وساعات الوداع اسسرع من الكدلك دقايقها |
| الساعة الآن 04:23 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
