في خاطري كم كلمةٍ : عـن تجافيـك=وإن شفت دمعاتي إنزَلَت .. حط كمِّك !
إسمك حبيبـي ويـا كثِرهـا أساميـك=وقلبي يفز .. لا جابوا النـاس إسمـك
ليتك تحس في ضيقتـي يـوم أحاتيـك=أحرق لك أعصابي .. وما حَس دمِّـك

وا وجودي كل ماشفت زوله من بعيد=وجد منِ منَ زود مابه غبن عاف الحياة
وجد من صلى على أمه وابوه بيوم عيد=يوم صلى العيد مد الجنايز للصلاة
وجد عوداً قيدوه العساكر بالحديد=ذابحاً له نفس من دون عرضه والبنات
أصغر القصر بلغ ماعطا راسه عنيد=اقشر لاجاه جاه العرب قال الصفاه
وجد مجدور العرب بالخلا خلي وحيد=بعنته ماحوله الا الذيابه عاويات
وجد رجل اعمال عقب المعزة والرصيد=فل وحلت عليه العطيه والزكاه
اتوجد وادري إن التوجد مايفيد=وجد من مانال شفه ولاحصل نجاه