عودتني كل يوم .. اسمع انا صوتك =عودتني لي ضاق صدري .. ما تخليني
والله وغيابك طال .. مدري وش اسابه=وان غاب صوتك .. خيالك باقي بعيني

تحز بخاطري شوف الدموع اليا اعتلت رجال =........... يبيها تصير مكتومة وهي مـا جتـه مكتومـة
وفقير(ن) يشتكي جوع(ن) يقطع داخله اوصال =......... رغيف الخبز في دنيـاه شكـل اكبـر همومـه
وبنت(ن) يوم زفوها غصيبة جـرت الولـوال =........... تمنت افـرس البيـدا واخذهـا تـرف نعومـه

اشتـاق فيـه لشوفتـك واتنبّـه=للي نسيته من مواقف ونظـرات
لا استانس الخافق ذكر من يحبّـه= ورجع يراجع فالوناسات ما فـات
يا مرتع القلب الحزيـن ومربّـه=يزيين بك مثل الذهب صدر الابيات
هيهات ينسى القلب شخص ٍ لعبّه=وهيات يدله خاطري منك هيهـات

راكب اللي ما تجيبه وكالة بالبيد =ولا يجيبه بهبهاني ولا وضيحي قطر
ادهمٍ وسم الجميح على جنبه جديد =مهبل اللي يوم عرض يحسبنه شفر
جمس شكمانين ملقبينه بالوليد =من سرابه ما يغبط القصيبي والجبر
كاتبينٍ في ضمانه حديده ما يبيد =تمرةٍ قاري عليها حفيد ابو بكر
كن وجهه لا نطحته تشعشع صبح عيد =وان قفيته كنه السيل لا سال وحدر
وان عرضلك في مزاياه من عنق الفريد =وان ركبته تحسبنك على سطح القمر
دقته نغمة عبادي على سلم فريد =لا عزف الاول وجاوب على عاشر وتر
لا شتغل قالت شكامينه اركد ياحديد =والقزوز تقول للقاع روح يا فقر
كن في الشكمان الايمن صدى عبد المجيد =وكن في الشكمان الايسر صدى نايف صقر
والبلوف تقول للكهربه هل من مزيد =والسيور تقول للمروحه اين المفر
تحت كبوته من الفن طيران وعبيد =ما يغنون المسافه ولا طال السفر
كل اغانيهم على الدرب واصل ياعنيد =لين تلفي قصر شيخ على العليا شهر
سايقه من صلب ربعي وله باس شديد =ما يخاف البعد والليل والموت الحمر
من صناديد ال عرجاء هل العلم الوكيد =لابةٍ من جن تمشي على هيئة بشر

حـزين مـن الـشتا والاحزين من الظما ياطير"=" دخـيل الـريشتين اللي تضفك حل عن iiعيني
دخـيل الـما ،وملح الما،وحزن الما قبل ماتطير"=" تـهيا لـلهبوب الـلي تـصافق فـي شراييني
دخيل الغصن والظل والهزيل وهفهفات إعصير "=" دخـيلك لاتـشح بـنجمتي والـليل iiمـمسيني
تـرفرف يـافقير الريش ضيقه والنهار قصير ii"=" عـلامك كـل مـاليل جـناحك جيت iiساريني
انـا مـاني بخير وجيت يمي وانت مانت iiبخير"=" وانـا يـاطير فـي مـن الـهجاد اللي مكفيني
تـرى لو شفت لي ظل ومهابه في عيون iiالغير"=" تـرى كـل الزهاب اللي معي جرحي iiوسكيني

الـبارحة كـل رمـش سل شلفاه ii" = " وانـا عـلى نـيتي ساهي وشارد
مـسرح وجـمهور مـتبلد وملهاه ii" = " يـوم انت تطعن حشاي بدم iiبارد
يـاسيدي مـن يقول الموت مأساه ii" = " والـموت بـغضايتك خيل iiتطارد
مـاعندك الا حـلالك وحـلا لاه " = " لي اركيت قلبي على سود iiالمبارد
الـرمش طـاغي وانا ماني بوياه ii" = " صدرت ضامي غلاك وجيت وارد
شـبيك لـبيك قـلب الـعبد لـله " = " بـين اصـبعينك غدا خادم iiومارد
اطـلب وتـدلل فـداك اللي تمناه ii" = " لو تطلب الشمس وسهيل iiوعطارد

جـيتك بـقايا حي كل اكثرة مات ii" = " وصلت لك با اخر رمق من iiحياتي
جيتك خوي الخوف في رحلة الذات " = " بـين الـرجا وظـروفي iiالقاسياتي
جـيتك مـن الـفرقا كثير التلفات ii" = " جـيت انتحر في نجلك iiالناعساتي
جيتك مزيج جروح ودموع وأهات ii" = " نـديم لـعيون الاسـف iiوالشماتي
جـيتك شظايا تشتعل شوق iiبسكات" = " ما ادري حزن مدري سعادة iiاسكاتي
جـيتك لـوانتي سابع iiالمستحيلات" = " الـلي يـحبك يـصنع iiالمعجزاتي
جـيت استجيرك من شمس iiالمتهات" = " -عـيت تـظللني تـحتها iiعباتي
وابـا أتـعفى عقب عذاب المعاناة " = " عـلى رصـيف اشواقك iiالدافياتي
تـلقفيني مـن ايـدين الـتشتات ii" = "صـيري بحلاة الروح قارب iiنجاتي
هـلى غـلا يمحى كدر كل مافات ii" = " يـامزنت افـراحي ومـنبع iiهناتي

على فرقا وليف الروح هل الدمع يا ثامر=وانا مدري عيوني كيف تجرا تنثر الدمعه
صبرت اقول يا ثامر يجي باكر يجي باكر=نهار السبت واعدني يجي في ليلة الجمعه
وجاني يطلب الفرقا وانا في عينه اناظر =على هونك ترىياصاحبي ما تنفع السرعه
وخلاني وانا اردد مثل بين العرب داير =مصير الحي يتلاقى ويمكن ينوي الرجعه
بقضي العمر في ذكراه يا ثامر وانا ناطر=مادام ان العمر شمعه بعدها تطفي الشمعه ..

صبحكم الله بالرضا

حنا مطير بسم أبونا عرفنا =يعرف لقبنا في ثلث الجموعي
حنا بحمران النوظر وصفنا =لاثارة الهيجا ولبس الدروعي
الناس تكره حربنا من صرفنا =لنا فعولن بالمعارك تروعي
من قو شدة باسنا ماولفنا =يهابنا بالحرب مسلم وشوعي
لا شافوا الفرسان زينت عطفنا =تشاورو مابينهم بالرجوعي
كم راس شيخن من جواده حذفنا =عليه هلن البنات الدموعي
ماجد عجز ماردنا عن هدفنا =هو والذي جمعلهم من فزوعي
حماي بيض الحباري عرفنا =وأقفا عن الصمان من غير طوعي
حنا على غير الأراضي حلفنا =مايسكن الصمان بالقبر دوعي
حناا لعكفان الشوارب وقفنا =منزال بين محقبا والسموعي
حامينها الدوشان من كل عفنا =بمهنداتن تجعل الصلب طوعي
ألأ لقومن من منهو بطرفنا =سلنالهم عاني بمان الرتوعي
حنا ليامنا من خصم شفنا =خيانتن نجزاه بنوع نوعي
حنا على سلم العرب مختلفنا =ريف الدخيل و للخوي مانتوعي
ومن خان خويه لراسه خسفنا =ونصلخ وجيه مخسبقين الطبوعي

أبن كويعب يعتزي بالطويلات=قرمن ولد قرمن خواله قرومي
له لابتن شجعان ربعه قعيمات=عدوهم يوم اللقا مايقومي

هاك كل القصايد .. هاك وأقريهن "=" لاتقولين وش آخرهن وش iiأوّلهن
كلّهن فدوةٍ لك هاك قولي ii"=" في لسانك ترى iiلسانك..يجملّهن
غيبتك أثّرت في حال راعيهن ii"=" قطعة أيام عيّا iiلايتحملّهن
بس يمكن ثلاث أيام غبتيهن ii"=" لعنبو..هالثلاث iiأيام..ماأطولهن
طالعي في فعايلهن وشوفيهن ii"=" تحت عيني تبيّن لك iiفعايلهن
ماارحمنّي بعد ماطحت في يديهن ii"=" بهدلّني جعل ربي iiيبهدلهن
ماهقيت أني اسلم من بلاويهن "=" كان سيئ معي جداً iiتعاملهن
وتهت حتى القصايد قمت اعنّيهن ii"=" يكملن..وانسى واعوّد iiواكملّهن
والمعاني غريبة قمت أنقّيهن ii"=" عقب ماكنت من قبل iiآتحايلهن
وقلت مادامهن جنّي برجليهن ii"=" باتشرّط عليهن وآخذ iiأجملهن
إتركي هالثلاث أرجوك خلّيهن ii"=" سولفي بأي iiحاة..بنتجاهلهن
إنسي أيامهن وإنسي لياليهن ii"=" همّليهن وأنا مثلك iiباهمّلهن
لاتجيبين سيرتهن وطاريهن ii"=" أنزعج حيل..لاقمت iiاتخيّلهن

صبآحگ ورد .. صبآحگ خير يآ ناسي=عسى صبحگ تجي لهـ شمس !
عسآهـ آجمل من [إحسآسي]=أنا مآذاقت عيوني طعم رآحهـ في ليله أمس
وقبل حتى يجيني أمس=وبع ـــد قبلهـ ..
من الآخر .. أنا من غبت عن عيني=وصبآحي { برد
صبآحگ ورد يآخلي = صبآحگ ورد .. }

الي يقول الحب موجـود كـذاب=شغلات ممنوعه يسمونها حـب
ولي يقول اسهرني العشق نصاب=ويعرفله نصابه معلمته النصـب
ماشافت اعيوني مواليف واحباب=والعشق ماخطى بقلبـي ولا دب
اكتب غزل كذا علشان الاعجاب=ماهو علشان الهوى كل ماهـب

عزتي في السما برق ومزون = ماوصلها قبل هذا بشر
وكان تسأل أنا منهي أكون = فارسه ولاأهاب من الغدر

فديت وقتن حط في دربي صديق=واحدن يضحك معي وأضحك معه
واحدن لاصار وسط القلب ضيق=بالسوالـف والمزايـح وسـعـه
وإن حكى بأسلوبه العذب الرقيـق=يسرق من الجوف قلبـن يسمعـه

خلك معي لااصير جسم بلا روح=خلك معي حتى اني اشعر (براحه)
شوفك يعزيني ولي فيه مصلوح=وتصير دنيانا علينا (براحه)
وان غبت ون القلب واتبعته الروح=وصفقت بالكفين راحه (براحه)

شفني على حالي بكيت وتندمت=وأكبر دليل اليوم شاهد عيوني
أدركت قسوة واقعي وماتكلمت=الين ماوصل صدى الهم كوني
ظلمت نفسي بالخطاء ماتعلمت=وجاملت غيري وبالأخير اخذلوني
مابحت للواقع ولافادني صمت=مدام كل الخلق... ......مايفهموني
تدري المصيبه وين دامي تكلمت=هاك الجواب وخلهم يجرحوني
تدري وش اللي منه صحت وتألمت=وضع البشر لامن تشوفه عيوني