يشوقني قلبي لي حل طاريك =ياللي سوالفك الجميله تسلي
يالله عسى الرحمن لي يخليك=وآجيك بالأشواق والروح كلي
في محبتك محدن يجاريك=قدرك على حد النجوم متعلي
يعجز لساني لي جيت أسميك=ما أقدر أقول إلا إنك حبيبي يا بعد كل من لي

تخيل يوم عانقني خيالك خاطري وش قال..؟؟=تخيل قــبـــــل أسولف،،،،نشدني عنك وجداني!!!
نشدني لــــــيــــــــــــــــــن خلاني مدينة هزها زلزال!!=تــــخــــيـــــل ما هدأ حتى لقاك <<بوسط شرياني>>

لا تتغيبا وانت يا سيدي ذكي،،=مــا يـــلـــيـــق لراجح العقل الغبا..
مثلك بعرش الفهامة مرتكي،،=وبقصور أهل الفكر عــــــاش وربا..
يــــوه منك يالمحب الفبركي!!=في دواك احــتـــرت مـن ذاك الـوبـا..
يـمـكن إنـك بالغرام أغبى ذكي!=أو ذاك الفـــــــــذ نـــــابـع مـن غـبـا!!!

هلا وغلا بك لو مع الحلم مريت..=لو زار طيفك ناظري يوم صدفه..
ياواحد فوق الأماني تعليت..=قدرك بقلبي ياحبيبي تعرفه..
لولاك في دنيا البشر ماتهنيت..=الناس في كفه وحبك بكفه..

تحيه طيبه وبعد التحيه=احيي قلبك القاطع وصاله
مضت ايام بك وامضت عليه=سهر ودموع وهموم وعباله

لا عـاد تعنينـــي ولا اعنيـكـ=كلـــن بدربه وانتهينـــــــا
مــدام هي هذي معانيكـ=يالـــيت حنــا ما التقينـــا
على الخطا دايم خطاويـكـ=عن الخطا حنا اعتلينــــا
يشهـد على حاضرك ماضيكـ=لو بنتنــاسى مانسينــــا

خـفف عن مــابي رجيتــكـ=من قبــل تشعل قلبي بنــار
ارجوك تنسى الحب ليتـك=ان كان درب الهجر تختــار
لا تلوم قلبي لو نسيتك=هذا سبيــل احكام الاقدار
وحب مضى منه لغيتكـ=مشطوب مالك اي تذكار

يا ورد ابهديك للورد=سلم لي على ورد روحي
اهديه شوقي مغلف بالحب =و نبض بخافقي له ينوحي

مرات ربك يرزقك اخوة انسان = وحدة وتسوى في عيونك قبايل

لاشفت كلماتك على صفحة النت= أرتاح والمشكل يجي دونها حروف
ويش السواه اليوم يابنت يابنت= شوفي مع هالمشكلة حل واشوف

ياجارح القلب قلي وش بقى واعطيكـ=قلبي وروحي عطيتك والعمر يفداكـ
احاول اقريك بمحبتي وارويــكـ=رجلي خطاها هنا ورجلك خطاها هناكـ

تعـــــال اجلس بقلبي واستريح وخل هالطاري=ابي تنسى مواعيدك وتسكن داخل عينيهـ
تعال اجلس وسط قلبي وعيش بداخل افكاري=تعال ارسم ملامح عالم الحب وبلاويهـ
انا والله لو تدري عن اخباري وش اخباري=عرفت ان الحيا طبعي وانا دايم حيويهـ
احب اذوب في ليلي واحب الليل سماري=واحب ارويك يا حي الظما ياحي طاريهـ
ابيك اتغيب في قلبي وابيك اتذوب في ناري=وابيك اتحس بجنوني وابيك احلام ورديهـ
تصدق ليلة البارح تغني لك على اوتاري=لحن يشبه لحن قلبك في ليل ذاب في ايديهـ

ليه تحزن ياعمري والضياع مخلوف=شوفني متبسم والناس تكوي كوي
لان عندي درايه في الزمن ومعروف=السوي اللي يسبه شخص ماهو سوي
تدري ليه اتبسم لاشتموني الضعوف= لأن شتم الضعوف يدلل اني قوي

يالوعة المشتاق تصفق كفوفه =لين التفت ماشاف بالدار غاليه
كن العيون بكل شين محذوفه=والقلب كن جموح الايام ترميه

رح فمان الله والذمه من الذمه بريه=لاتخاف من المفارق..رح عليك الله والامانه
رح بعيد..أبعدمن الدمعه على العين الخليه=رح بعيد..أبعد من الشرهه على ضحك الميانه
وأبعدمن الحلم للي خاب ظنه في خويه=أبعد من الياس للي طاب حظه في زمانه
لوتروح أبعدمن حدودالسماوالجاذبيه=والله أن تبقى قريب..أقرب من القلب لحنانه
تنتشرفيني:شتات جروح...مثل الروح حيه=تختفي في كل عروق..ولافقدتك قال:عانه
يابعدعذر الفراق اللي قبل فرقا الخطيه=ويابعدذنب الزمان اللي قبل عذر الخيانه
ليلة وداعك..على كثر الحروف الابجديه=مالقى..من ودعك..حرفين ينطقها لسانه
قلت لي:ابنساك..قلت:الله يهنيك..وهنيه=واحدخلاك من رباك تنساني.عشانه
قلت لي:قلبك لاينسى..قلت:ليت القلب فيه=دوره وليا لقيته..وصه ورده مكانه
وص نفسك الاأنا مانيب في حاجة وصيه=واعتبرفرقاك أمانه..والله الله بالأمانه

وقت العتب راح لا ترجع تعاتبني =مات الامل والبقى في راس وجداني
ماني مثل ما انت خابرني وتحسبني=الشخص الاول اصبح واحد ثاني
خلاص مات الهوى لاتهدم ولاتبني=تركتني لين جاء النسيان ناداني
العام ادور سبب منك يقربني=واليوم ادور سبب عشان تنساني
بعثرتني في هواك اليوم رتبني=نسيتني الناس شفني صرت وحداني
كان السهر في هواك اللي محببني=والحين حتى السهر يكبر على اجفاني
اجيك يمحيني عتابي ويكتبني=مافيه طاري عتب يمر ماجاني
وارجع وانا اقول : وش للجرح جايبني=ادري بجرحك ولا ادري وش وداني
عن صدق الاحلام جاء الواقع وكذبني=وعن فرح الايام جاء حبك وبكاني
مليت اشيل الامل والدمع يغلبني=واقول بكره يجي للشوق يلقاني
ويروح بكره واجي والوقت قالبني=وارجع على وحدتي واحزاني .. احزاني
بكيتك العمر كله يامعذبني=وش فيك ماتبكي الليله على شاني
كتبت ماهو عشان تقول عاجبني=مليت من جزله وصح الله لساني
انا وطن شعر لو شعري مغربني=كتبت اجمل جروحي لجل تقراني
خلاص لا تتعب وترجع تعاتبني=انا نسيتك دخيل جروحك انساني

ذكرتك ليلة البارح سهرت ولا عرفت النـوم =طرى اسمك على بالي وطار النوم من عينـي
كثير الناس لاموني وزادونـي ألـم وهمـوم =وقالوا لي خلاص انسي تراك أصبحت ناسيني
أنا و شلون لي أنسى وحبك داخلي مرسـوم=وطيفك لو يمر لحظة مـع النسمـة يبكينـي

على ذاك الجدار اللي على حد البيوت الطيـن=وقفت وهاجس الذكرى ينفـــض غبـاره
وقفت أطلق مدى شوفي وأناظر مفرق الدربين=وأشوف الدار وعيوني تضم الدرب وجـداره
حجر لكن أحس أنه يحـس بفرحـة القلبيـن =أحس أنه نفس لكن غدى جامـد مـن أقـداره
ولكن الجدار اللي تركته مـن هـذاك الحيـن =عرفني يوم قابلتـه وبلـل دمعـي أحجـاره
وفي ذاك الجدار ثبت إن الآدمي مـن طيـن =تخيل يـوم لامستـه تنهـد مـن شفـا نـاره
سألني قال أنا أذكركم تجوني بالظـلام اثنيـن =بكيت وقلت صدقني رحل وانقطعـت أخبـاره

أحسه حلم يصعب مع مرور الوقت تفسيره =وأحسه شي لا يمكن يصير و صار بـأعماقي

تذكرتك وهاج الشعر يالغافي بوجداني=ذكرتك يابعد هالدار حاظرها وغايبها
زهت خيل القوافي سرجها والفكر ميداني=وبنات الفكر زانت لي وفلت لي ذوايبها
ذكرتك ما نسيتك يوم تعشقني وتنساني=ذكرتك يوم كلٍٍ بالوفا تذكر حبايبها