صباحك نور ورضا

يا نجد الأحباب لك حدر القمر صوره= طفله هلال وبنت اربع عشر بدرا
حبيبتي نجد عيني فيك معذوره= معشوقة القلب فيها للنظر سحرا
فضة شعاع القمرفي نجد مسحوره= من شاف لمعة قمر في خدة سمرا

ضايقه بالحيل محتاجه اشتكي= لولا طبع فيّ .. يمديني شكيت
بس أدور عذر منشان البـــكي=لو يدوسون بطرف ثوبي بكيت
كل ماجيــــت اتريـــــح وارتكي= يزدحم في خاطري الفين بيت
ويش بيدي افعله غير الحكي؟= قاصره خطوات رجلي لو مشيت
أسرعي يانفس موتي واهلكي=صرتي همي يوم بالدنيا شكيت

للمبدعة / عابرة سبيل

من ماحترمني ما أعتبرته من أعداي = ولاكل صاحب يستحـق أحترامـي
عثرات نفسـي ماتبـدل سجايـاي = ومطيـح غيـري مايعلّـي مقامـي
أصيب وأخطي و أتْعلّـم خطايـاي = وأرمي ولو قدامي الفيـن رامـي

وش تنتظر يامحرق القلب بالنار=ماتستلم روحي وتقضي عليهـــا
أنا رمتني في محبتك الأقــــــــدار =والروح سو اللي تبي اليوم فيها

لو طال صبري يا هوى البال له حد =ماودي إنك توصل الصبـر حـده
رسمت لك شكواي والدمع يشهـد =عقبك خطير القلـب ينبـاح سـده
كيف أحتمل ياعزوتي عيشة الصد =أعطيك روحي والشقاء لـي تمـده

بطلبك يانـور عينـي كـان مافيهـا كلايـف =لا نويت الجرح فيني.... اطعن بحـد شطيـر
الغلا يا صاحبي ماهو حكي وسـط الشفايـف =الغلا لا صار سيفـك فـي معاليـق الضميـر

أنت يـا اللـي تقـدر تحطّـم كيـان=هاك قلبـي : حطّمـه وأقـرا عليـه
وأن قدرت تشـب جوفـه بالحنـان=أسأله بشويش : وش اللي يبيـه .. ؟
وبسألك يا صاحبـي / ليـه الزمـان=لا مسك له قلب ( يلعن واالديه ) .. ؟

![ كـيـف حألكـًٍُ ]! .. أجيك لعيون الغلا واعنالكـ=وأكحل عيونن نست لذة النوم
واوقف على دربن يجيبك لحالكـ=وأطيح لاشفتك من الشوق واقوم
وان جيت ابسأل يالغلا كيف حالكـ=يطري علي انك مع الغير مقسوم

مثل ما يموت الليل في مشرق الصبح ... =يموت همي لا سرحت وذكرتك!!!

توما شفـت غزيـر الزيـن عينـي=طارت الغدفـة وشفـت اللي تحتـها
الجـدايـل فـوق متنـه سبحتينـي=يا صباح الخيـر يا شـوف طخمتـها
بـس عـذروب الحبيّـب شارتينـي=مع سـواد عيـونها طـول رقبتـها
لعنبـوك إخـذي ذلولـي وامنعينـي=عندكـم تنفـع ولا عنـد طمعتــها

مثل البكا حبيبتي =تحتاجني .. تحت الظلام ..
ومثل الفرح .. حبيبتي= أحتاجها .. وسط الزحام ..
الحب علمها السكوت ..=والحب علمني الكلام ..
أرفض الصمت .. الحوار ..=بيننا خلف الجدار ..
أرفض المسافة ..والسور= .. والباب والحارس ..

صادفنّي ثلات إحترت ويّاهن ii"=" أبهرني صحيح وقمت iiأطالعهن
طولهن واحد ،،ولبستهن ،،وممشاهن "=" والله أعلم بعد يمكن iiطبايعهن
زاهياتٍ براقعهن ،، وتزهاهن ii"=" لعنبو جدهن ما أحلى iiبراقعهن
لا رضى ابوهن عن الناس خبّاهن ii"=" ولا بغى يدمّر العالم iiيطلّعهن
قمت أعدّد على نفسي مزاياهن ii"=" وقمت أردد على نفسي وأنا iiأتبعهن
هذي أحلاهن،،لالا،،هذي أحلاهن ii"=" لالا،،لاذيك لا،،لاماهي iiبمعهن
وإستدارن ،، بجنبي شخص ناداهن ii"=" قلت ذي فرصتي بأقصد iiوأسمّعهن
للقصايد مع إني حافظ أرداهن ii"=" إرتبكت وعجزت أتذكر iiأروعهن
والسوالف بعد خلني أنساهن ii"=" ضيعنّي صحيح الله iiيضيعهن
والدليل إني تخربطت ويّاهن ii"=" أبسلم عليهن ،،قمت iiأودّعهذن

كل ما اقفيت ناداني تعال=وكل ما اقبلت عزم بالرحيل

صبحكم الله بالرضا

ماجيـت ادوّر درع يابنـت الأجـواد=ولانيب شفـق(ن) للتميّـز و كاسـه
إن شيل ما نقّص وهـو قبـل مـازاد=وثوبي علـى قـدي مفصـل قياسـه
ولا ادور الشهرة على روس الأشهاد=يكفينـي إن الشعـر تقـراه نـاسـه
سمّيت مرضي القاف ولساني الضـاد=واحب في (معنى)القصيـد الفراسـة