|
حسب علمي تحبيني
وبين قلوبنا ميثاق وإذا قصدك تثيريني ليالي البعد ماتنطاق وينكـ يادفا سنيني ؟ تعب قلبي آلم وفراق خريف البعد يطويني وتبكي حولي الأوراق تعـالي حيل ضميني بعـد عمري انا مشتاق تقر بشوفتك عيني وتهدا بروحي الأشواق |
حي منِّي لا ذكرتهـ دريت إنِّي بخير
صاحبٍ لا شافني ضقت منَّهـ { ضمِّـني } ..! . يشتعل بي لين يطفا على العرق الأخير وأنتثر له شوق وإليا إنتثرتـــ " يلمنِّي " ..! . مابي الدنيا أبيك أنتــ لأنك أنت ( غير ) .. جيت فـ أحضانك طفل وإنت [ أبوي ] وسمِّني .. |
وش مشغلـگِ .. وأنا حياتي .. عيونـگِ
وش مشغلـگِ .. وأنا خفوقي .. فقيرگِ ؟ لو كان لي قدره على العمر .. دونـگِ ما كان شفتيني بقلبگِ .. أسيرگِ ضامي .. ولا سال المطر من مزونـگِ ظامي .. ولا لي غيـر لاهب هجيرگِ أميرتي .. لا تستثيرگِ شجونـگِ ضما خفوقي ما لـه إلاّ .. غديرگِ لا تصدقين اللي يقوله "جنونـگِ" لا تصدقين إلاّ "سوالف ضميرگِ" تدرين وش "أغبى" من أني أخونـگِ ؟! تفكيرگِ .. إنّي ممكن أحبّ غيرگِ |
[]
لو تطلب اسنين العمـر .. مـن فدايـاك سلمت لك عمري .. براحـت .. يمينـك |
تِصَدِّق وإلا ما تِصَدِّق .. أنا عَاجِزْ عَنْ التفكير تعَالْ وشُوفْ في عينِكْ غِيابكْ وشْ عَمَلْ فيني حبيبي ما بُقى عِندي صَبرْ .. يتْحَمَّلْ التأخيـر رَحَلتْ .. وعِقبكْ الدنيا غلاها طاح مِنْ عينـي |
رجلي منول على الممشى تسابقني واليوم ماعاد أوطيها ولاارفعهـا بالجبس لفت وهاذا اللي مضايقني والليل ماأمسيه كلها من تجزعهـا |
شعر وخواطر سطرت بكتابـي قدمتها لأغلى وأعـز أحبابـي وله وفاء همس أحتـواء ولهفـه لـك كلهـا يالغاليـه تنسابـي |
على خير أشوفك كان حنا من الحيين /// //مصير الليالي تجمع الحـي مـع حيـه تموت القلوب الخاوية بين زين وشين // ///وتعيش القلوب اللي على الحب مبنيه |
الله
يشهد غلاك بخاطري جمره ينفخ بها ريح شوق وتشتعل ناري ؟؟؟؟ ؟؟؟ ؟؟ ؟ |
ترى البعد بعد القلب مو بعد العيـن /// //اذا صار من ودعك يوعـدك بالجيـه |
يواسيني وانا الميت وحالي يجبر الدمعات تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى الي يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات انا مقوى ابكيك اذا انتي تبكيني |
يطول البعد
وألا ما يطـوّل غلا الغالين ثابـت ماتحـوّل تزيد مع المسافه نـار حبـه ويزيد الشوق له أكثر من أوّل ملكني بالغلا من غير ما أدري وأعلن فالحشا حظر التجوّل ؟؟؟ ؟؟ ؟ |
تلف هآلدنيآ علـى آلنـآس وتـدوور .، والا آلزمـن عنـدك تـوقـف ولآدآآآر .." آدري مقصر بس لآصرت مـجـبوور .، ودي تسآمـحـني على حكم آلآقـدآر .." كني بدونك .. عقد لآصـآر منثـوور .، وش يـجـمع آلمنثور دآآم آلزمن جآر .. |
غيب عني وان بغيت الجد عني لاتغيب = لاتورّدني على المضماه بارضٍ قاحله
هو صحيح انّ المفارق ماهو الشي الغريب = عند من قامت حظوظه فالوصال تناحله لكن الطعنه ليا من جات روحي من قريب = من على روحي بعده استامنه وارتاح له وانت ياللي في عيوني شايفك اغلى حبيب = ناظر بجسمي وشوف الجسم وشهو ناحله من ثلاث سنين اعيش بوضع مشبوه ومريب = همّي اشبه بالبحر وضلوع صدري ساحله ولو اعدّدْ لك جروحٍ بالحشا عيّت تطيب = نحت نوحة من ينوح وكلّ حي ٍّ ناح له لكن اسمع ياعديم الوصف يالغض الرطيب = ياملوعني على مرّ السنين الراحله لاتْحَسْب انّي بخونك وانت لي شفُّ وطليب = دام عطر الحب غيرك فالبشر مافاح له وانت لو تطعن وانا من قسوة طعونك صويب = قلت زيد وسوّ ماتبغا وماترتاحله لكن ليامن بغيت تغيب تكفا لاتغيب = في غيابك موت من يعشقك بارضٍ قاحله |
وصاتي لك من بعدي تموت فيها على شـاني ....... ابيها تعيش وتحيا بك واضل بالذاكره مفقود
وصاتي لك تنسيها ملامح وجهي وتنــساني ....... وتعزف لها قصيده حب على عكس عزف العود وصاتي لك تبعدها عن اشعاري وقيــــفاني ......... تراها مغرمه بالحيل ويشهد لي عدد الردود وصاتي لك تسايرها ترى فيها من احزاني .......... طلبتك لا يضيق بالك طلبتك والطلب مردود وصاتي لك تناديها حياتي وعمري وازماني .......... انا عودتها دايم ادلعها وانا موجوووووود وصاتي لك تعاملها بطيبه قلب واحسان .... .........تراها تذرف الدمعه ودمعتها بليا حـــــــــدود وصاتي لك تحفظها سور وايات قرآني ................ وتخبرها عن الميت رحل ولايمكن بيعوووود وصاتي لك ترسمها على قبري و اكفاني ............. ابيها لوحه تبقى على طول الزمن محـــــــدود وصاتي لك تقهويها من دلالي وفنجاني ................ ترها تعشق السمرا ويكفيها دخون العود وصاتي لك تركبها على خيلي وعلى حصاني ......... وربي فارسه من قلب شهاده ماهي لشهود وصاتي لك تسفـــــرها بلاد الشام ولبناني ............ ترا يحلى لها تقطف ورده من بلاد ورووود وصاتي لك تراقصها على الحان رحباني ............. ترا فيها عرق خاله وفيها من جنون السود وصاتي لك تحــــــببها فبونوره بعد هاني .............. وتنسيها ندم غلطه انا فيها ترا المقصود وصاتي لك تكرهها في تاريخي وعنواني ............. ابيها تلعن اللحظه وتعلن كل فرح موعووود وصاتي لك تكلمها من المجني ومن الجاني .......... وتخليني انا الظالم وانا من حرق الاخدود وصاتي لك تشبهني بدم احــــــــمر فــــاني ........... وانا القاتل السفاح مجرم من عصر نمروود وصاتي لك تحلـــــــفها تتوب تجــدني ثاني ........... ترا يكفيــــــها ماعنت ويكفي حيلها مهـــدود وصاتي لك تنسيها وصيه قالـــها انساني ............ انا اخبرك موقـــــف وانت قدها وقــــدود صديقي مالقيت غيرك يعرف وشلون تنساني ........ امانه ضمها بقلبك ترا فواز رحل ولابيعود |
مفتون واللي زان فيك طبوعك لو كان غبتي فالغـلا ماغابـي أشعل شموعه لي ونور دربـي ماكنه ألا في سمـاي شهابـي |
ابيك تحب ابيك تحن ابيك توله مثل الاول
ابي عينك تناظرني وتترقب لجياتي ابيك تحس ابيك ترد ابي البعد مايطول ابيك تشوف حبي لك مع قلبي وفي ذاتي ابيك تلومني لين غبت ابيك تثور ابيك تزعل وابي ارضيك بخضوعي معك وبكل غاياتي تعال قولي انت غلطان ابيك ماتخجل تعال بلهفة العاشق تعال اسمع مناجاتي تعال قول انا احبك ابي عروقي بها تنبل ابيك تكون لي الدرب واقرب مسافاتي تعال اسقيني من حبك ترى جسمي بدى يذبل تعال وشوف كثر الهم بدى يظهر بنظراتي تعال اشكي لك همومي خلاص ارجوك لاترحل انا محتاج لوجودك يجمع باقي شتاتي ابيك النور ابيك الشمس ابيك الليل ابيك الضل ابيك انت تكون لي الدنيا وتكون اخر محطاتي واذا تاخرت بجياتي ابيك تنطر ابيك تسال ومهما غبت عن عينك ابيك تخاف وتحاتي واذا ماتت الفرحه وخان الوقت وتبدل ابي ايدينك تلازمني وتمسح كل دمعاتي واذا تحت التراب جسمي يبقى حبي ويظل معاك دنياي انا فيها ومن دونك نهاياتي ابيك تبكي على موتي وابي حزنك علي يطول وابيك تذكرني وتذكر كل رغباتي....... |
تخيل لو تفرقنا وعشنا في هوانا أغراب ... تخيل لو تناسيتك وقلبك صار ناسيني
تخيل لو تباعدنا وكل شوق جمعنا ذاب ... تخيل لو تجي صدفه عيونك يوم في عيني |
ليتك تمر اليوم عندي وأحاكيك ...
وأقولك من كثر شوقي اعلومي ... حتى القمر لو تطلبه قال لبيك ... يخضع وتخضع من وراه النجومي ... ماسر قلبي غير حبك وطاريك ... أشتاق لك حتى وأنا في احلومي ... جيتك وانا ماني بتايه الراي .. جيتك وانا مدري وش اللي بغيته.. وان كان تنشد ليه انا جاي .. ابشرك برد يقنعك لا قريته ..ان مر يوم بالعمر منت وياي . اشتاقلك شوق المسافر لبيته .. لاتلومني لا جيتك كلي من اقصاي .. |
لبى فؤادك يامنى الروح
وين انت ..؟؟ ياللي حياتي دون وصلك ولا شي أقسم برب الكون مشتاق لك انت..!! |
تذكر صاحبك وإرجع
تقرب له ولول بالصوت على آخر نفس واقف تجيه والا يجيه الموت وأشوف إنك تبيه يموت وأخاف إنك بعد موته تحن وتفتح التابوت وأخاف من القهر تزعل وتبكي يوم يفوت الفوت |
نعشق بالذوق ونغيب بالذوق تعكس مشاعرنا حقيقة هوانا يفرض علينا الوضع ياسيدي حقوق وقيود تشعرنا بقيمة عطانا باحساسنا نبعد مسافات وفروق وبعنادنا نرسم نهاية خطانا |
هي سلوتي هي فرحتي داي ودواي
هي شف قلبي هي هـواي وحنينـي لعـل لايمنـي بهـا يتبـع خطـاي ويسلـك دروبٍ تاليتهـا الونيـنـي ويـذوق ماذقتـه ويفهـم لمعـنـاي |
وربي لو كشف قلبي عـن الخافـي بصناديقـه صرختـي باكيـة يكفـي ولا كفّـى عباراتـه يحب حرفك يحب عزّتك ولك اعطـى مواثيقـه على بوحك رسم بوحه وتخلّـى عـن مثاراتـه رفيع(ن) ماجد(ن) لاصب حبّـه مـن اباريقـه زلال(ن) ما اختلط بالخون ويسكب لك من افراته |
قلبك يذوب وخافقي لك ذابي هبي عواصف من غلا همساتـك واجتاحي اسواري وهدي بابي سلينـي بريـح الغـلا ياروحـه |
يا هاجسي شق صدري واكتب بحبري للغالـــــي اللي يداويني من اهدابـــه |
مرتاح احبك ولا علمت *** حتى انت عييت ابين لك
والبارحه يوم انا سلمت *** شكيت لو عيني تدلك برق لمع بالعيون وخفت *** مواجع القلب توصل لك عساك في ناظري ماشفت *** كيف المعاليق يومن لك من خوفي لااحترق جنبت *** هربت من شمسك لظلك |
صباح الورد ...
مالك أمل أرجع لك ألا بشرطين!! نفذ شروطي كان تبغاني.. أرجع! ((الشرط الأول)) رجعتي.. مع فلسطين؟! ((والثانـــي)) خل الشمس بالـاـيــــل.. تطـــلع؟؟! |
لا..لا تواعدني تجيني
وما تمــر؟! قلنا: وعــدنا بالثـمان! صارت تســع تسع و عشر عشر و تسع عشر و عمـر عشر و عذاب عشر و أماني تحتضــر؟! حتى عقـارب ساعتي صارت تحاشي نظرتي ملت تفــر؟! لا تجرح عيون الثواني بالصبر؟! لا.. لا تواعدني تجيني وما تمــر؟! |
صباااااااااااح الفل ميت ضحك من شعر قوتشي اللي قبل هذا البيت يالليل ياللي شلت هم المـــلايين .................. شفتك تجي وتروح ما شلت همـــي |
تدري إني موت أحبك
وان مالي غير حبك... واللي ينبض في ضلوعي ما هو قلبي هذا قلبك.. تدري يا فرحي وهمي.. من كثر مانت في دمي كل ما تنظرك عيني عيني من عيني تسمي.. |
مممممممممممم شنو قصدك يا سعود ؟؟؟!!!!
تعال اظلمني بلا ذنب وحساب ................ظلمك؟!!! ولا عدل الزمن في غيابك |
انا اسف وضحك من البيات مو منك
لانها فيها شي مستحيل على غزير الدمع ضميت الأهداب صديت لين الدمع يجفي سحابه بعض الأوجاع يمكن تداويه الأعشاب وبعض الأوجاع ياويل منهو صطابه |
اهاا .. وانا اضحك ... وعادي ... انت تموووووون ...
من غلاك صاحت جروحي غلا ياهلا بالجرح دامه في رضاك في عيوني غير حبك ماحلا وادعي الله لا يبدلني غلاك من سكنت القلب ماعنك سليت شفت كل السعاده في هواك كل ماتقبل اناديلك هلا وكل ماترحل رحل قلبي معاك |
مسائكم ورد جوري ....
لاهنتوا جميعا على الابيات الحلوة ..
الطايش اللي محتمينه .. ما ولوه = كل العيون اللي تحـبه .. باعـته أكبر شهوده ساع مابيع .. جحدوه = وأغلا شموعه .. يوم قفا ماعـته ياهل السخافة واللقافه جنبوه = خلوه يخطي دامني شماعـته خلوه يجمد ويتبعثر كل ابوه = مادامني في حكمه وفي طاعـته لانّه .. خليط من التغاضي والنّبوه = ومواقفه تبنى .. على قناعته قاسي ولو اتضايقه ماقال (أوه) = وقساوته آخر دلع .. مياعته مدلعن خلقه وناسه دلعوه = والنفس ماتشبع به اليا جاعته يغيب .. ويدري ان المعاليق فقدوه = ويرجع بصـوتن جعلني ما ناعـته لبيه ياكلماته .. ولا فضّ فوه = أموت في ضحكته واستمتاعته لاتنشدوني ليه أحبه .. انشدوووه = حبّه .. محببني سبب .. ودّاعته من كثر ماحبه احب امّه وابوه = بالمختصر .. أحبهم جماعته |
كل ما اقفيت ناداني تعال=و كل ما اقبلت عزم بالرحيل وكل ما اجنبت واعدني شمال=يا اهل الحب ضيعت الدليل الحقيقة غدت مثل الخيال=هو عدوي وهو اوفى خليل |
كل ما قلتله ياابن الحلال =المحبه عطا وانت بخيل التفت يمي وهو عجلً وقال :=لذة الحب في الشئ القليل |
صباحك عسل ياقمووره
الشوق يغلي والمشاعر تناديك تعال واسمع ماجرى في غيابك باول غيابك انكسر قلب مغليك وبثاني غيابك دمعي يبكي جنابك وبثالث غيابك بالغلا قمت اعزيك في موت قلب هام بك وابتلى بك |
اهداء خاص للي فوق فديتها ..
تشيل همي دوم كني أنا إياك=صارت ظروفي مو ظروفي ظروفك وشلون مااحبك وهـذي سواياك ؟=وشلون مااهديك عمري في كفوفك ياقلب قلبي وش حياتي بلياك=تسلم عيوني دامها هي تشوفك |
ياناس أحبه والمحبة مقادير =هذا هوى نفسي وهذا قدرها الحب ماله يااهل الحب تفسير =قلبين والله بالمحبة امرها |
| الساعة الآن 11:05 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
