كـريــم يــابــارق يــنــوض حــــدري =واللـي سـرى بالغـداري يقتـدي بــه
والـلـي ضــرب وادي خــلاه يـجــري =عسى طروش البـوادي ترتـوي بـه

البارحه لليلي هموم وكوابيس=وابعد من الجوزا علي الوناسه
مغير ان والليل والهم وابليس=وكلن على الثاني يبيله رياسه
مدري ظروف اوحب ولاهواجيس=او الثلاثه كلهن فوق راسه
او ان عقلي صاير فيه تنكيس=وللعقل في بعض الامور انتكاسه
يالايمي لاتلومني قبل لاتقيس=اللوم للميس يزود بياســـــــــــه
هذا يموها بهرج وتلاميس=وهذا تجاهلها عناد وخساســــــــه
وهذا يغرك مظهره بالملابيس=وهذاك يلبس لبس ماهو لباســــه
وهذا تذعذع له هبوب النسانيس=وهذاك تقل مغمغم له بطاســـه
وللناس في الدنيا حضوض وقواميس=اللي يغرف بدرام واللي بكاسه
وانا معي عقل ومشاعر واحاسيس=وعيون واخلاق وقلب وشراسه
لاكن حصلي من زماني عواكيس=عجزت هذا الوقت لعرف لناسه

سريا قلم مالي على الصبـر طاقـه=صبرٍ تعدى الحد مـا عـاد ينطـاق
اكتـب لمثلـي قصتـه واشتياقـه=في خطك الواضح على بيض الأرواق
قصة حزيـن صافـي المـر ذاقـه=ليا ذكر ما صار له خاطـره ضـاق
باقوا به الأصحـاب والوقـت باقـه=وصار الضحية بين بايـق وبـواق
يمشي وهو ما حس في كسر ساقـه=أمسى على ساقين وأصبح على ساق

من ماحترمني ما أعتبرته من اعداي=ولاكل صاحب يستحـق احترامـي
عثرات نفسـي ماتبـدل سجايـاي=ومطيـح غيـري مايعلّـي مقامـي
أصيب وأخطي و أتْعلّـم خطايـاي=وارمي ولو قدامي الفيـن رامـي