صباحكم جوري جميعاً

ياما على الجاهل يفوتن الافوات = وياما على العاقل تصير البلاوي
ان كان ماتاخذ ومورك سياسات= يصير, عقلك ,والهبال, متساوي

وصبراّ على الشدة شجاعة وقوة بأس=لكن الظروف القاسية ماتطاوعني
ليا أجتمعت الثنتين حاجة وشيمة رأس=وهذي تنزلني وهذيك ترفعني
رفعت النظر والله عطاني نظر وأحساس=وهي ميزة في كل الأحوال تنفعني
أنا لو بدت لي حاجةٍ ٍ عند بعض الناس=أريد الكلام وعزة النفس تمنعني

تعبت يا وقت الشقا من يد نشيط بيد نشيط=لوإن عزمي اكبر من طويق وجبال ..السـراه
خلاّني استعبط مع العالم وانا ماني عبيـط=وادخل مع الابواب والمطلاع. مع باب النجاه
يخيط جرحي ..بالخفا ولاّ لعله مـا يخيـط=ان. طابت جروحي عسى وان طوّلـت ماقلـت آهـ

لو بغيت آصد عنك ماقويت=وان بغيت أفارقك قلبى خفق
من يقول اني على هجرك نويت =قله انى قلبي بحبك محترق
وقله اني فى محبتك اعتليت=رافع الهامه على خد الشفق
وقله انى في بحر حبك رسيت=فوق مجداف الهواء قلبى غرق

ياالله يا اللي ما خسر من ترجاك=ياللـي قـدرك يصيـر مــا فـيـه تشكـيـك
يا خالـق خلقه مـن امـشـاج بــدراك=يا اللي جميع الكون في قبضة ايديك
يا عالم بالغيب ما شي يخفاك=انت الكريم ولا تعدد حسانيك
يا الوحد المعبود مجري الافلاك=اللي لضاقت علينا نناجيك
ما خاب عبد في دجى الليل نجاك=يرفع إيدينه للسما طمعة فيك
]يا فزعة المحتاج للاذ بحماك=تنجيه من غبة سود التهاليك
يا اللي هزمت ببدر طابور الاشراك=وبحنين فككت الضرارات تفكيك
يا هازم الاحزاب رحماك رحماك =عبدك ذليل ومقبل لك يناديك
تقبل قيام وصوم عبد تنصاك =ما له مجيب الا انت واقبل يناجيك
عفوك وغفرانك ورحمتك ورضاك=يا مفرج الكربة وعقد الشرابيك
عبد ك سجد لك خاشع يطلب عفاك=وفي كل لحظه يبتهل لك ويرجيك
اليا ذكر يوم خطاطيفه اسلاك=سالت دموعه فوق خده دواليك
اغفر ذنوب اللي تهوله لضاياك=يوم عبوس الناس فزعه مرابيك
انت الرحيم اللي جزيله عطاياك=اللي ليا ضاقت علينا نناجيك