مساكم الله بالخير والرضاء

عمة عين الضما ان كان الضما يترجى انهارك=وعمة عين الهوى ان كان الهوى بيشتت اعصابي
تخاف القلب لا اظلم غلاه يموت بأنوارك=ابد لا تخاف متعود على طعنات احبابي
تجيني .. يعني وبعدين !! وش اسوي يعني لعذارك=تصوبني وترضي كل غرورك من ورا صوابي
اقول اسكت ولا تكثر ترا مليت اعذارك =طلبتك لين ما جفت عيوني من ورا عتابي
توكل ما بقى لك شي في عمري كود تذكارك=(( أو أسمــع )) حتى تذكارك كسرته داخل اهدابي

اعالج لوعـة المغـرم وتكبـر لهفـة المشتـاق=بحسن رضاي اسوق خطاي اقدم رجلي وافهقها

الطير بالجنحان ما احلى رفيفه= وايلا انكسر حدى الجناحين ما طار
يمنى بلا يسرى تراها ضعيفه= ورجل ً بلا ربع على الغبن صبار

ماجور ياقلب عن الوصل بقيـود=ناحيك عن لامـا الحبايـب بلايـا

عاين دموعي من على الخـد دفـاق=مثل الدهن لي صار في الصحن مدفوق
إعطف علي ياداعج العيـن باشفـاق=عساك ياخلـي مـن النـار معتـوق

ان شلت شعرك ويل ليل الغناديـر=كنك من الهيبة تشيـل العصاتـي
وان رحت راقي للنجوم المساهير=قال القمر هذي ترى من خواتـي
وان سلهمت عينك وقف لك طوابير=عطشا وعينك مثل شـط الفراتـي
اقبل علي بضحكتن يـه معاذيـر=قلبي يحبك وانت شمعـة حياتـي