|
لا والله الا حدّني للقلم شوق شوق القصايد والعتب جوف الأعماق سر يا قلم خط القريحه على ذوق واشرح مشاعر شاعرك فوق الاوراق وآحسرتي تجزيني اليوم وتسوق جملة خطايا تحرق الماضي إحراق حطيت لك منزل ومنزال مرموق ملفا ليا ضاقت وسيعات الافاق ما تدري اني كتلة إحساس وعروق ما تدري اني حرّ من نسل الأعراق |
يامل قلبَ يلوعه طاري الفرقا ,,
كما يلوع حمام الورق شيهانه ..! ان حولن حولت وليا رقن ترقا ؟ متعليتهن وحيل ضميا وجيعانه |
طوّل غيابك قلت ادوّر لك اعذار .............. وعجزت الآقي لك عذر أقتنع فيه يا كثر مالك في دواليبي اسرار ............. أهرب لها لا ضاق صدري واداريه ليتك تركت مصوّب القلب يختار .............. موته قبل لا يفضحنّه خطاويه لو جت على شح الليالي و الأقدار .............. مبطي وانا حبل الرجا ملتوي فيه أحبّـك أكثر منك يا سيّد الدار ............. يا اقسى عليّ من الحنين وطواريه الحُب مبصر لكن إيدينه قصار ............. والشوق يلعن خيّره مقدر أخفيه تعااال يالله ناطرينك على ناااار أنا وقلبي والرضا والمشاريه ..! (*قمــــرهم*) |
ماتطاوعني حروفي والقصايد ماتهاب ’’
والولهـ لو باح سره مايكفيه الورق ~ لك مكان لوعرفتهـ ماهني نومك وطاب ’’ ولك حنين في فؤادي من لهيبهـ احترق ~ ان بغيت اكتب شعوري انقفل للبوح باب ’’ ولاذكرتك بين ناسي غاب فكري وانسرق |
شاعر غلا وأكـرّم الشعـر تكريـم
لأن الشعـر يكـرم ليامـن كساهـا لحن المساء طعم الشهـد أول الغيـم عطر الصبا ريح الـورود وشذاهـ |
الحب من قلبى تمكن و سيطر إستعمره و الروح صارت رهينه أصبحت مشغول الفكر و اتفكر مما جرا في ما مضى من سنينه |
|
الله يقطع محبة راعي المنه !
والله يرحم حبن للغلا وافي |
دنياك حلوه لا تهمك ظنونك لاخير فيها كان خان القدر فيك وش نفعها ياقبلة الخلق دونك لعلها (...) دنيا تبكيك حرام أشوف الدمع .. يملي عيونك يامالي قلبي من الحب ... وشفيك تقول حظك ياحياتي ... يخونك وش قولتي في حظي اللي غدر فيك ترى شجوني زودتها ... شجونك خذ قلبي ... العب به لعله يسليك |
http://up.arab-x.com/July09/G4O66838.png
مآ أندَم علَى البآيعْ . ولآ أحْزٍن على اّللعآب...! ونآسٍ مآتقدّرني ... أطنشْهآ وٍ أجآفيهَآ ...! ؟ |
آه واجرحي اللي في ضميـري سطـا بين حدب المحانـي نـازف ٍ ما يخيـط ما يداويـه مـع مـرّ الليـال البـطـا كلّ مالـه بـزود ٍ بالحشـا يستحيـط من سبب صاحب ٍ ما احد ٍ بوصفه وطـا من ضفاف الخليج ليا ضفاف المحيـط لو بغيت اوصفه وصفي بحقـه خطـا ما اقدر احصي وصوف ٍ وصفها امر ٍ شطيط |
لا الصبر بدد وحشتي ولا القصيد أروى غليل
وعمر نفى المشكلـه ما حل وأنهى مشكلـه حسبي على الحظ الردّي الله وهو نعم الوكيل كآنه بصلفآت الحمول أشقى خفوقي وأثقله |
لي صاحبٍ يملا كفوفـه تراحيـب
........................... لولا الحيا من ضحكتـه مـا اعتبرتـه ., يا صاحبـي ماهـي عليـه مقاضيـب ........................... عذروبي انك ذخـري اللـي ذخرتـه |
منور يامتغلي ولاعاد تقاطع .. والله ما يصبر على خاين الود كود الذي قد خان أمانة خويه ..!! (*قمــــرهم*) |
تكفين كفي دمعتك وأرحميني
.............. قلبي من أسبابك يكفيه مافيه يكفيني الي بثه البعد فيني ...................... بن الرجا والياس وقتي مقضيه قلبي حزين وحسرته تكتسيني ..................... وش عاد باقي في يديني وأسويه خليت لجلك كل قاسي يليني ...................صادمت روسن لجلك الموت تشريه |
نصف الحلا متميزَ يوسفَ فيه !
والنصف الاخر وسط عينك سجيني |
ياصاحبي ولي خلق نعمة السامع !
انك هنا بين المعاليق ثابت |
لا الصبر بدد وحشتي ولا القصيد أروى غليل
وعمر نفى المشكلـه ما حل وأنهى مشكلـه حسبي على الحظ الردّي الله وهو نعم الوكيل كآنه بصلفآت الحمول أشقى خفوقي وأثقله |
شفني ليا مريت فالشارع العــــام ...
لديت من مافالظميــــــــــــر ودعيتك أدري بصوتي ماقطع عشرة أقدام ... وأدري بـــــــي أعـــــود وأنا مالقيتك ياشينها يامحني رأس الإبهــــــــام ... ما أقــدر علـى شوفــك وأنا عند بيتك |
ليل هاك الجدايل طال مسـراه
بين تفسير حلـم وبيـن امانـي يوم حد الغلا قلبي على أقصـاه شرع القلـب بيبـان المحانـي |
قفيت بالحالك ؟ ابدن ماانت بالحالك
خاوتك فرحة خفوقي وإبتساماتي |
كلآ قضآه يموت مره ويفدآك ..... وآنآ آموت آلفين مره عشآنك دنيآ رديه مآبهآ حي مآخآن .....حتى آلترآب آلي عشقته دفني دنيآ تضيق وفزعة الله قريبه ... وعند الفرج مآيخذ آلضيق سآعه |
أقسى شعور يخالجـك وأنـت هيمـان ..؟
لا صرت تشعر بالزعل وأنت راضي !! وأغبى شعور تحس به وأنت طفشـان ..؟ لا صرت تشعر بالتعب وأنت فاضي !! |
ايـه انا اللي عشت /بالدنيا غريب ما عرفت اللي أبي /وسط الزحام يمكن اتغلــّـى/ و لكن ما اغيب يمكن اتشـرّه/ و لكن باحترام ( ما هو اكبر هــم / ادوّر لي حبيب) و الطموح ابعد / من احدود الغرام شفني كيف ارمي يديني / " بالقليب " ما لقيت الا الصدى / وسط الظلام و الصدى ( جاوب) / و انا ماقدر ( اجيب ) و ادري اني ( لو ابي جبت الغمام ) كل من حولي / على افعالي رقيب و القرايب همــّـهم / بس الملام يحسبوني لا تردّا بي / نصيب برمي احزاني / على قلوب الأناام صرت اضـم ّ الجرح بعيوني / و اطيب و اجمع همومي / على صدري .. و انام يا قصيدي و انت لي / حسبة صحيب تفزع لهمـّـي / اذا شح ّ .. الكلام خلــّـك لأوتار حزني / عندليب دام بين الليل/ و الصبح انسجام لا تحط ّ اللوم /كله بالنصيب و لا تخليني / على حد ّ ..انهزام طبعي أغرب / و الغريب/ اني غريب .!! ما عرفت اللي أبي /وسط الزحام (*قمــــرهم*) |
كل ما سهرت الرياض | تقول لـ اجفاني :
ناااام, وكن صوتها | خانقته العبره .. الليل ~ ضيفٍ وكاد انه | تقهواني : والهم , لا دق باابي " وش هي الدبره " ؟! وش حيلتي ؛ لا ذكرت انه, " ت ن ا س ا ن ي " ! وش حيلتي لا بغيت انساه | وانتظره ؟! اقفااا , وجرحي ( هنا ) فاتح له احضاني و اغفا ودمعي, نفد من ضيقتي صبره ! ما شفته شلون / خان وبلل | اوجاني و أغرقني اليا اقتنعت البُعد له ~ سكره ! حبيت و ادري : .................... بـِ ينساني بـِ ينساني و آزريت, لـ انسى | بقايا صوته و عطره ! عااامين .. و أحس بأني فاقد | اوطاني .. و أبحث عن اوطان, للـِ منفى وللـِ هجره ! من في الى : دفتري والسبه ‘ احزاني من في الى : هآمش ‘ العشآق | و لـِ بكره ! ( الحلم وحده ) بقى واااافي : على شآني مثلي رماد - واماني جيته | جمره ! لو قلت : " عوّد " اخاف ؛ يعود | يلقاني بيني وبين .. الوفاة( ارق ) من شعره ! والموت ما هو غياب انسان عن : ثاني الموت يعني وفاة شعوووور يَاا .. طهره .. ! ياا ليتني لااا كتبت حروف .. اقراني قبل الامل مَاا يغيب : ووو يختفي | حبره ! كني طفل تايهٍ في وسط : وجداني وكن الحزن ( قش ش ! ) وامآل اللقاء ‘ابره |
مابين صدري والمقابر .. علاقات ...... بالاسم ../ والمعنى ../ ودفن الضحيه الفرق بأن المقبره تدفن... أموات ....... وانا دفنت اشياء بالصدر.. / حيه (*قمــــرهم*) |
جا يشوف الحـال كيفـه بعـد ماهـزه حنينـه وقبل يسألني سألته : كيـف حالـك يالحبيـب ؟ قال : انا كنـي غريـب ضيـع دروب المدينـه قلت : انا كني مدينـة تنتظـر رجعـة غريـب قال : اجل وش فيك تكره سيرة الحب وسنينـه قلت : أجل وش لون ما اكره سيرته دامك تغيب |
في غيبتك ما بالبشر واحد حي وش قيمة الساري بليّا دليله تكفى طلبتك لا تقول اصبر شوي لاغاب راس القوم ضاعت قبيله (*قمــــرهم*) |
يعيش الصمت في جو الغريب وتنولد ضيقه .. ويبقى الحب مشوآآر السنين وسالفة جرحين ..! تعبنا والهوى واقف هناك ونآآشف ريقة .. يسافر به صدى صوت الغرام ودمعة بالعين .. |
آن جيتٍ فيَ بآلگ .. تذگرنيَ بخيرٍ ,! ........... وآن مآحصَل بآلخيرٍ / لآ تنشغلٍ بيَ ! (*قمــــرهم*) |
يعني نموت من الحزن ما نلاقيك ؟! ونصير من بعد الغلا(غرب)، وأجناب ؟؟؟ يا حيف .. كنت أغليك، وأهواك و [ آبيك ] ! يا حيف .. ماعدنا حبايب، ولا أصحاب !! (*قمــــرهم*) |
مادمتَ تنشدْ ][ ياَصاحبيَ ][عنْ الحال َ ماليَ علىْ كتمانهأ عنكَ حيلهْ،، ! الصبر عن بوح َ "الآحاسيسْ " قتال والبوح في بعض المواقفَ فشيلهْ لو كل مايطريَ على "البالْ " ينقالَ ماكنتْ أحسَ أن الثقيلهَ ثقيلهِ . . ! |
http://img690.imageshack.us/img690/6007/wwkxn6.gif لاشك بعض الأوادم خبل .. .. .. و قلابه و أليا نصحته بلاك بكل ..بلشاته وإن قلت مخطي : عليك يشيل مصلابه وإن قلت هونت قامت معه شلاته وخبل العرب لوحشمت النفس ..تبلابه يبلاك والناس ماتدري .. .. ..بغاياته عاجبتني الصوره ^_^ (*قمــــرهم*) |
من يوم قفلت الحقايب وسافرت) والضيق يرسل للمحاني فلوله حتى الرياض بناظري مالها كرت صارت شوارعها الرحيبه ملوله خليتني مع ذكرياتك وغادرت (آسامر غيابك بعرضه وطوله) ماتدري بحآلي ألي من تذكرت (والليل موحش والدقايق خجوله (*قمــــرهم*) |
لا من طرالي [ صآحبي ] عفت انا الناس
......................... عفت المجالس وكل هرج يقالي ياويل منهو في دروب الهوى داس .......................... وشاف السعاده والغرابيل تالي حتى بنومي خفت لا ارقد مع الناس ................. خوفي اهذري في اســمه من هبالي |
ان غبت عني حن قلبي وتشره وإن جيتني قلبي حفظ كل تقدير لاشك في بعدك تغيب المسره اقضيها بالهوجاس ويذبحني التفكير وإن كان تغليني على النفس مره تراه غلاك يفوق بالوصف تعبير |
لو كان سرّك متعب القلب اعوام احذر تفضفض لو على انسان غالي بكره يلف الوقت وتعض الابهام وتندم ندم يا خوك بـ اول وتالي (*قمــــرهم*) |
كنت أحسبك إنسان رايـق وحالـم
وأثري عرفت انك تدور بي علوم ياليت بك نصفـي وتاقـع وتالـم وتشوف كيف الجرح تبرك له عزوم صح الله لسانك وعشـت وسوالـم الجرح ماتبريـه عـادات وسلـوم |
شاب الغلا ينزف على درب ذكراك ,,,, رغم الجفا لازال يرجـي حنينـك دونك حياتي كلها ضيـق واربـاك,,,,الواقـع اللـي ماتمنـاه عيـنـك مقدرعلى بعدك حشى كيف فرقاك ,,,, هذي الحقيقه خلهـا فـي يقينـك كل المشاعر في غيابـك تحـراك ,,,, تصرخ عليك من الوله حيل وينك؟؟ |
يضيق صدري بالعجل واقول صـدري مايضيـق استثقل اني انهزم وآخـذ مـن الهـم اثقلـه ومع كل هذا بسمتي مافارقـت عيـن الصديـق واللي يعرقل بسمتي أضحـك عشـان اعرقلـه ماعرف اكون الا كذا صـادق ولا احـب البريـق مثلي مثل أية بشر بالصيـف يرفـع منقلـه |
| الساعة الآن 09:40 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
