حاولت انام ولا تهياء لي النوم=النوم والهاجوس ماهم ولايف
ماتستريح العين والبال مهموم=ولايستقر الحال والقلب خايـف

كم تعلّـم مـن شديـد البـدو وش معنـى الرحيـل=وكم تعلّم من غروب الشمـس وش معنـى الـوداع
وكم تعلّم من سحاب الصيف وش معنـى الحصيـل=وكم تعلّم مـن ليـال البـرد وش معنـى الضيـاع
ايه انا هذا طريقي ( موحش وصعب وطويل=وانت لامنـك تعبـت .. العالـم فجوجـه وسـاع
اعتبرنـي فـي بدايـة سكّـتـك عـابـر سبـيـل=و رح وانا قلبي معك من ويـن وجّهـت الشـراع

ما عاد لي بمطارد الصيد حاجه=الا غزال صادني قبل اصيده

أنا للعز بنت وعزتي تشمخ= شموخي عزتي وسهيل عنواني

شامخة مثل الثريا بالسما = من شموخ اهلي توارثت الشموخ
رافعين الراس حامين الحما = مامشينا للمذلة والرضوخ
جبليه والعروق بوسط ما = لابتي من سابق الدنيا شيوخ

يموت الشجر واقف وظل الشجر ما مات=رياح الدهر تصرخ وهي تجرح جنوبـه
لك الله شجر للموت ما ترخي الهامـات=بقت وقفتك يا رافـع الـراس مهيوبـه

شامخة مثل الجبال الراسيات = لو أطيح يقول مبدأي : أصعدي

تدري من أنا؟؟بنت الشيخ اللي بعيد عن العيب =وعشر الاصابع بالمراجل بصمها
واخت الصقور اللي بروس المراقيب= افعالهم بالطيب كلن نشرها..
واخوالي اللي عارفين بالمواجيب=افعالهم بالجود كلن ذكرها

انا الشموخ و ما رضيت البهاذيل = كسرت خشم الوقت من قو ذاتي