|
( صياديــــة السمــــــــــــكـ )
:)
صيــاديـــة الـــســـمـــك: اولا اعتذر عن عدم تنزيل هالطبخه وذلك لمروري بظروف صحيه قويه .. ثانيا هالطبخه طلبها اخوي احمد اللويمي ووعدته انزلها وهذا انا اوفي بوعدي .. اعتقد انكم تعرفونها ياأهل الإمارات بس يمكن الأسم يختلف عندكم .. لكم الطبخه وهني على قلوبكم وكبودكم .. صحيح انها متعبه بس لذيذه جربوها .. المقادير: 5 بصلات مقطعة حلقات رفيعة ومقلية في الزيت. 3 كاسات رز يغسل وينقع في ماء مغلي. 1 كيلو سمك مقطع حلقات 1 فنجال سكر. البهارات: 2 دارسين 2 ليمون أسود 5 مسمار 3 هيل 1 مكعب ماجي 2 فلفل أحمر حار ملعقة كزبرة ناشفة. أ- ( ملعقة صغيرة كمون - رشة كركم – 4 ملاعق خل - ملح ) ب- التتبيلة في الخلاط: ( عصير ليمونتين - ملعقة بهارات - 3 فصوص ثوم - 2 فلفل أخضر ) الطريقة: 1 - يفرك السمك (من دون الرؤوس) بالمقدار (أ) ويترك مدة ساعة ثم يغسل خفيف لازالة الزفرة .. 2 - يتبل السمك بالتتبيلة (ب) بعد خلطها في الخلاط.. 3 - تؤخذ رؤوس السمك وتنظف وتغلى مع مكعب ماجي والبهارات في ماء مدة3/1ساعة .. 4-يخلط 3/2 مقدار البصل المحمر في الخلاط مع قليل من الماء ثم يصب في قدر .. 5 - يذاب السكر على النار حتى يذوب ويحمر ثم يصب عليه كأس ماء ويحرك ثم يصب في القدر مع البصل المخلوط .. 6 – يحمس 2/1 كأس من الرز ( رز ناشف ) في تاوة على النار حتى يصبح ذهبي اللون ثم يصب عليه قليل من الماء ويضاف للقدر مع البصل والسكر .. 7 - يصفى ماء رؤوس السمك من الفقرة 3 - ويضاف على البصل والسكر فيصبح في القدر (4) أشياء: 1 البصل المخلوط ، 2 السكر المذاب ، 3 ماء السمك والبهارات ، 4 الرز المحموس .. ثم يوضع الرز المنقوع من قبل عليه ويترك عل النار حتى ينشف الماء .. 8 – يوضع 2/1 مقدار البصل المحمر الباقي على وجه الرز اذا نشف .. 9 - يرفع السمك من تتبيلته ثم يقلب في الدقيق ويقلى في الزيت ويحمر من الجهتين. 10 - تنكب الصيادية في طبق التقديم وتصف عليه شرائح السمك النقلي ويرش عليه باقي البصل المحمر .. ملاحظه هامه : يمكنك زيادة النكهة - حمس 2 فص ثوم مهروس في 4/1 اصبع زبدة ثم يرش به وجه الرز اذا بدأ يتناشف .. وبالعافيه على قلوبكم .. برعاية الله .. (*قمرهم*) |
تسلم ع المرووور اهم شي الطبخ عيبك و جمره > انا نباتيه صعب اني اطبخ هالاكله اسفه ما اكل سمج منفوق العشر سنين |
قمرهم ماشاء الله
المقادير والطريقة بالتفصيل وحبة حبة صحيح ان مافي صور بس المقادير مفصلة مو بحاجة صور يعطيك الف عافية ياقمرهم وفيتي بوعدك *_* |
اقتباس:
المشاركة الأصلية كتبت بواسطة ريم العين http://www.aljblan.com/vb/dc.net.sa-...s/viewpost.gif السلآم عليكمـ عدت بعد غيااب كمين يووم و عدت و في جعبتي طبخه قمييله الطبخه اهدااااااااااااااء ل بنت دار زايد و مسير بن شبلااان و بعيد الهقااااااااااااااوي اول شي المقادير 1- بيض > من ثلاجه بيتكم 3- ماي اتحط الماي في اليدر و تحط اليدر ع الضو و تفر البيضه ف اليدر و خلاف تتريا ربع ساعه و عقب هالربع ساعه بتشوف الماي يفور تظهر البيضه و تاكلها هنا و عافيه اي استفساااااااااااااار حاظرين للطيبين و الحلوين فقط :) :j::j::j: ماشاءالله طبخ حلو والله لايكون هذا غداء وعشاء ابو الشباب بس؟؟ :ee: |
ياعيني ياا روووم حركات
^ _ ^ قمررهم تسلم يدينك على هالمقاادير وبالتفصيل بس لو في صووره كملت صج تسلم يمينك |
احيان بنص الليل الواحد يحس بجووع
ومايمدي تطبخ طبخه سنعه ^ _ ^ من الاكلات البسيطه واللذيذه البيض تكمله لطبخه ريووم بس زيدو عليها زيت زيتووون وزعتر والله لو هالزعتر طبيعي مو جاهز من حق الجمعيات ^ _ ^ لذيذه ومغذيه وبنفس الوقت سهله http://www.ii1i.com/uploads6/140600bd86.jpg http://www.ii1i.com/uploads6/5bd3be6cf6.jpghttp://www.ii1i.com/uploads6/1e58af4ead.jpg http://www.ii1i.com/uploads6/39dab70bed.jpghttp://www.ii1i.com/uploads6/621f282ad7.jpg جربيها ريووم سهله ^ _ ^ |
تسلم يدينك ياجمرة
شكلها غريب بس ماادري عن طعمها واذا على نص الليل اشربي لبن وكم تمره وانسي الجوع *_* |
مرحبا جمرة
وطبختك هذي ناقص فيها شي من المقادير غريبه ماحطيتيه ناقص يدر( قدر) لان طبخة ريم حاطه فيها ضمن المقادير يدر . يقول لكم فيه شباب كاشتين واخذو رفيقهم المصري المهم بعد ماوصلو مكانهم المراد الخروج له وبعد ماطلعو عزبتهم تذكرو انهم ناسين الملاس وكل واحد يعاتب الثاني ويقول نسينا الملاس وليش ماذكرتونا بالملاس والملاس والملاس عاد اخيرا طبخو بدون ملاس وعقب ماتعشو سألو المصري وقالو وش رايك بالعشاء؟؟ قال والله ممتاز بس ينأصو(ينقصو) شويت ملاس. |
هههههههههههههههههه
حلو نقصو شوي ملاس اشكرج يا ريم العين على ذبيحه يعطيج الف عاااااااااااااايه يا قمرهم بس استغربت انه في الطبخه سكر |
حلوه يا احمد
جربهاا بعيد هذي مو طبخه هذي تصبيره بس وحنا ماعندنا يدر عندنا جدر ^ _ ^ |
| الساعة الآن 09:16 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
