|
الـعــام أجـيـهـم مـــن حـســاب المـسـايـيـر.....والــيــوم حــــال عــــداي ويــنــه وويــنــي خـطــاي تـعـلـيـق الأمــــل فــــي الـمـدابـيـر.....الــيـــن راح وشــفـــت حــقـــري بـعـيــنــي صــبــرٍ جـمـيــل وخــابــر إنـــــه مـقــاديــر........والله عــلــى تـخـفـيـف حــزنـــي عـويــنــي ذي حالـتـي لـيـن اتغـبـا الشـمـس واصـيــر........مـعـطـى سـراحــي عـقــب مـانــا سـجـيـنـي واذا امـتـلـى جـــوف الـشـجـر بالعصـافـيـر........طــلــبــت مــــــن رب الــعــبــاد يـهــديــنــي يعتـقـنـي الـمــذن عـقــب ضـيـقـة عـصـيــر........اللي على سجن الفراق اتحديني |
عزت علي النفس لاقول مشتـاق خوفي تذوب الروح مع كل غيبه انا اشهد ان لك داخل الصدر خفاق وان لك بقلبـي احتـرام وهيبـه يجذبني لك ذوقك مع حلو الاخلاق وعجزت الاقي فيك شين أعيبـه (*قمــــرهم*) |
وين هالغيبه عسى ماهي إفراق ليه تبخل بالمجي خلّك كريم خابر أن الجرح لا صابه حراق ما يفيده طبّ والله العظيم إن بغيت فراقنا هاك الفراق وش نبي بالحب دام الحب ضيم ؟ (*قمــــرهم*) |
ما لنا إلا الظاهر من القول ولاّ من الملامح ..!! النوايا .. يعلم بها الرب علاّم النوايا ..!! افرد يدينك / وظن الطيب / وابتسّم / وسامح ..!! الحياه أجمل بدون أعداء / وأسرار / وخفايا ..!! (*قمــــرهم*) |
؟؟؟ اغنم حياتك ترا عمر ابـن ادم قصيـر لا راح ثلثين عمـرك مـات وجدانهـا ما تدري اني بدونك صرت مثل الصغير اللي فقد حضنـه الدافـي وسلوانهـا الى ذكرتك يفوح الصدر فوح السعيـر والعين يهمل علـى طاريـك ودانهـا وشلون بالله تتركني وحالـي خطيـر وأنا شرحت الحقيقـه لـك وبرهانهـا ما ودي ابدي خفايا النفس مهما يصير واخاف تبطي وابيـن للمـلا شانهـا لا تحدني للقصا وارفع مقـام الكبيـر اما اكسب ارهانها / ولا اخسر ارهانها (*قمــــرهم*) |
مل قلبن تتله فالمحبه مضاوي / تلته من معاليق الحشا في غنجها
|
{..
شفني معك .. واواصلك لكن .. ! اخاف ! بكره تفرقنا .. ! ( ظروف و مقادير ) لو في ظروف اهل الهوى نصف الانصاف ما كان ضقت و قلت : تصبح على خير ! |
{..
من كثر ما أسرفت في حبك من اشعاري ، اليوم ادور شطر واحد .. ما عينته ! حبك .. وضح في قصيدي عند زواري ، وانا لو انه على كيفي .. ما بينته ! |
{..
إن طاوعك قلبك على النوم ، رح نام ، لا ينشغل بالك .. و يتعب شعورك ! عرفت بـ إني قاسي و راعي خصام ، عشاني .. أكرهـ منك -> قلة حضورك |
{..
في غيبتي .. لا غبت .. مخطي و معذور ، زله .. و تغفر لي ! مع الوقت .. زله ! الشعر ما هو دايم .. يترجم شعور ، بعض الشعور .. أكبر من الشعر كله ! أحيان .. أحس اني مثل بيت مهجور ، من ذكرياته .. ما بقى غير -> ظله ! |
|
{..
الله يكتب لك الخيره بـ ما اخترت , لو كان الاقدار .. غير اللي تمنيت , جيت ورحت وعزالله ما قصرت , حتى بـ فرقاك .. ( كفّيت و وفّيت ) ! |
^ ^ ^ تايم اوت .. ذائقه رائعــــــــه .. اخت القمر .. تدهشيني دائما بأختياراتكـ .. صبحكم الله بـالادب والـذوق والشعـر الجزيـل من شاعر(ن) صدره يسعى مكه ومن يسعى بهـا شاعر شمالي وقفته عـن لابتـه تشفـي الغليـل يدرى زعلهـا ويحمـى عنهـا ويخشـى عتابهـا في ميله عقاله ثقـه وبفطرتـه صبـر(ن) جميـل يحسب مسافـه صيدتـه واليـا رماهـا صابهـا (*قمرهم*) |
بعض الخطايا تجرح القلب وتصيب ............ وبعض الخطايا( طيبنا) يحتملها ,, والكلمة اللي قلتها بالظهر عيــــــب ............. لاشفتني حزم ضلوعك وقلـــــــها ,, (*قمــــرهم*) |
عيشتني باحلامك وقلتلي ياليت >>> وبنيت لي من المحبه بيت
رديت روحي يوم لي رديت >>> بعدها رحت ومني مليت تركتني بكل قسوه ومااهتميت >>> خنت انت المحبه ومشيت |
اختنقت من الوجود ولك لفيت كني مصخـن وشـاف العافيـه عن تفاصيلك حقيقـه ماسليـت وين ابسـلا والمشاعـر دافيـه لاختفيت من الوجود ..ولك لفيت اشهد ان جوك يجيـب العافيـه (*قمرهم*) |
شاغل انت الفكر ايام وشهور
يصعب على قلبي ينساك ويجفاك وللي يقترب من قلبي تراه محظور يكفي انه ترك قلوب الناس وجاك |
ذبل ورد الكلام وجف ينبووع الحكي وأيقنت بأن الصمت في بعض المواقف يعتبر حكمه ! (*قمــــرهم*) |
نبي نفرح و لو شلنا من الدنيا أسى و جروح .. مثل ما علمتنا " لا " !! " نعم " حنا نعلمها .. ؟ |
|
لبــّيــه صوتٍ يستحي لا تكلمت = = =و تقول كن الشــــــــمس جوى خدوده
مشمش يذوّب صخرتي ما تحكمت = = =يصــعب عــليّــه لو أجاري نــفوده عطرٍ يسيح بداخلي لا تسلهمت = = =و اسرع سكوني يوم اسابق جموده لبيه قلبٍ يحتوي حكــمــة الصمت= = =ينسف جـدار الــروح حــتى يــزوده ما يعرف التاريخ من داخله عمت = = =ضميت قلبه .. وين ألاقي حدوده ناديت روحه يا هواي و تلعثمت = = =مدري انادي ضــحكته أو ردوده يا شيخ قلبي عذبه لو تكرمت = = =حبه و سبه و انتـــهي في عضوده ضمه و غمه .. علّمه ما تعلمت = = =بوسـه و حوسه عانــده في عنوده لبـّيه شمعٍ ينـتـثـر ما تلملمت = = =من وين بأرجع و الوعـد في حيوده ولهان صوتك عذبه دووم ما دمت = = =محفل ضلوعي يحـتفي في حفوده اعلان للعذال يا عاذلي نمت = = =ابشر بنوومة مووت مــــــــا فيه عوده ما همني لو قمت أو نمت أو قمت = = =محجوز قلبه و الخـتم من وروده |
ما همني لو قمت أو نمت أو قمت
محجوز قلبه و الخـتم من وروده |
غلاك بضميري واضحٍ ماعليه غبار تشيل الغلا نفسي وأنا عاجز امنعهـا يقولون ماودعّك قلت الفراق وصار والإنسـان روحـه تنسلـب مايودعهـا ؟ |
جتني تقهويني .. وانا خاطري شين ! والهم راح وكنّ ما فـــ الصـدر شــيّ تاكل حلا.. واقول وش لـه تحلـّين بس إبلعي ريقـك / وعقبـــه تقهـويّ وانا بشوفك بس يا غاية العــــــين وإن جعت راح أقدع من إخلاصك شويّ |
غسّلي رمشك .! وخافي على عينك وإضحكي .. دام المقادير دوّاره والزمان اللي مضى بيني وبينك اخذي علومه وهاتي لي اخباره إكتبي لي لا خذاني الجفا .! وينك وفي الوصل ما ابغى من حروفك اعباره مير قولي لي على ملمس يدينك أحسد الكيبورد .! والا أحسد الفاره ؟ |
لاهنتوآآ ..
ما انت بـ ( عادي ) .. لا علي الملازيم ، يا ملهم العاشق .. و [ جل إهتمامه ] ..! من كثر .. ما غيرت فيني .. ( مفاهيم ) ، معك .. شعرت : إن الحياة .. [ إبتسامه ] :) |
{..
لا تزيد التغلي .. ترى ما هو كذا ! لو يهون غيابك انت .. وش اللي ما يهون ؟ الكلام .. أصغر من احساسنا دايم ، لذا ! أكثر العشاق .. ما يعرفون .. يعبرون |
يابنت ياللي مسكنـك بالعليـا=انا ترا مسقط ادماغي اللصافه الديره اللي حبهـا بالمحيـا=وترابها في وسط عيني نظافه |
{..
أجيك لا شفتك تقول : انت وين انت ؟ و أغيب لا شفتك .. تقل إهتمامك .. ! |
{..
البعد / يزعجني .. لو اللوم / يزعجك و انآ / هواويه .. و قلبي / هواوي .. ! لـ الوصل مااحوجني ولـ الوصل مااحوجك مقدار .. حاجتنا .. لـ بعض .. متساوي ! |
{..
لسانك .. ينقط عسل يا حياتي ، و سوالفك .. أحلى من الشعر كله ! و عينك تشتتني و تجمع شتاتي ، من لـ (...) لا تدلعت ، من له ؟ ! |
{..
بان اشتياقي .. غبت والا تبينت ؟ فالحالتين .. اقول : لله درّي ! انا هنا .. والا انت ! بالله وين انت ؟ درّي وله .. يا مزنة الشوق درّي |
{..
هالوقت بالتحديد ..مشتاق لك زود والله ما ادري ليه ! بالذات هالوقت ! يمكن عشان اغلب عباد الله رقود و حسيت بالوحده .. وعانيت واشتقت ! |
{..
ان قالوا اللي حوالينك و ما قالوا ليه إتضايق ؟ حرام بصدرك الضيقه ! ان حطوا من الكلام شوي وان شالوا طيقه عشان الهوى .. يا صاحبي طيقه ! الشك زايل ، لو العذال ما زالوا ، يبون واللي يبونه .. صعب تحقيقه ! |
{..
انا احسب ان الشوق .. ممكن يقاوم ؟ واثره .. على حال المشقّى .. بلاوي ~ |
{..
( ياقلب ) :- هذا اللي تركك وتناساك , يا كثر .. ما صوّت له ( ما استمع لك ) , آحتجته .. بـ ضيقك وروّح وخلاك , وش فيك ( تفرح فيه يومه رجع لك ) ؟ |
نسيت إنساك ..!
قالوا شعر ... قلت : الشعر أغلبـه هـم يلوي ضلوعـي ليـن يبحـث خفاهـا قالوا : أخو ... قلت : الاخو لاكبرت/زم بلـوى زمانـي مايتدسـس وراهــا قالوا : حبيبة .. قلت : ماعاد لـي فـم الصمـت أبلـغ مـن كـلام ايجفاهـا قالوا : رفاقة ... قلت : ضميتهـم ضـم أطيبهـم اللـي خنجره ـبـي نساهـا |
{..
تدري وش اسوي الى ضاق صدري اتذكر احلى وقت معك انت بالذات ! |
{..
على كثر ما ابني من بيوت الاشعار , لقيت ( كل بيوتي ) -> مسجله لك ! |
تدري متى الجرح يبطي وقعهـ ويألم ؟!
لا جاكـ من ناس .. إنت اللي تعالجها |
| الساعة الآن 04:43 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
