|
لأهـنتي يا قـمرهم على آلمـوضوع آلي جـدا مهمٍ
< يتـابع ويبـتسم بـصمت تقـبلو مـروري |
مرحبا يااختي قمرهم
مريت على هالموضوع بس بدون مااقراه بسبب الاتصال موضوع جدا جميل و اشكرك على هذا الطرح مو قايلك انك قلم قوي يحتاجه هذا المنتدى؟؟؟؟ بالنسبة للمقالده اللي اعرفه ان اسمهم ينطق بحرف القاف وبصراحه ماسمعت احد يقولها بحرف الجيم قدامي وحتى من اخوانا اللي بالكويت ينطقونها بحرف القاف عاد يمكن الشيبان اللي عايشين هناك ماادري عنهم لكن هذي مسأله تحليلة وعليك انك تطلعين الجذر التربيعي حقها لو قلنا انهم المجالده فالجذر التربيعي لهم اللي هو بيطلع اسم جدهم ((مجلد)) بخلاف لو قلنا المقالده فبيطلع الجذر التربيعي اللي هو اسم جدهم((مقلد))وهو الصحيح والاوثق<<<<مدرس رياضيات مو عضو بمنتدى ههههه واتوقع ان المسأله هي قلب الحروف لكن بطريقة شاذة لهاذا الاسم من باب التسهيل او خطأ في النطق وتوارثوا عوايل هالخطأ والله اعلم على كل حال اضرب لك مثال: كان عندنا دكتور يدرسنا فيزياء جزائري وكان في شي في الفيزياء الله لا يعيدها من ماده اسمه (ثيتا)<<من الدوال المثلثية وطقتها وكان عندي دكتور بالبيت مصري يدرسني وينطقها عندي (سيتا) وصرت انطقها زي المصري الى هاليوم واشرح لزميلي واقوله سيتا وهو صار ينطقها زيي *_* 8 8 مثال بسيط اما عن القعيمات فما سمعت عن جد للقعيمات اسمه قعيم او ماشابه ذلك لكن اتوقع في سالفه او سبب للتسميه وان شاء الله نسأل عنها ونفيدكم بها في ملاحظ في تسمية الاعنة بهذا الاسم او استفسار أأمل افادتي بها انتوا قلتوا ان جدهم عنان وهذا اسمه؟؟ طيب هل هم سموا على جدهم او جدهم له اسم مختلف وسموا بالاعنة لجمعهم اعنة الخيل؟؟؟ واذا طلعوا سبب التسمية على الثنتين فهذي صدفة كبيرة!! يعني بيطلع سبب تسميتهم مأخوذ من جدهم عنان وكذلك مأخوذ من جمعهم اعنة الخيل!! تحياتي لكم/أحمد اللويمي |
مساكم الله بالخير جميعآ.. أشكر الأخت قمرهم كلهم على طرح التساؤلات وان دل على شي يدل على اهتمامها وحرصها على معرفة تاريخ ربعها.. وان شاء الله اني اقدر اضيف للموضوع.. بالنسبه لتسمية ( الأعنه) بهذا الإسم هو لقب أطلق على احد جدود الأعنه كونه كسبله في أحد المعارك قرابة المئة فرس وعلق أعنة الخيل على عمود بيته ومن هنا أتت التسميه.. مع العلم ان هناك جد للأعنه اسمه عنان ولكن لاعلاقة لتسميه به الا ان كان هو من كسب تلك الخيل.. لأن تسمية الأعنه بهذا الإسم هو( لقب) لكونهم كسبو تلك الخيل الكثيره وعلقو أعنتها.. |
ياهلا ياسلطان .. اهم شيء انك مبسوط طال عمرك .. تابع وان شاء الله نحصل على جواب شافي .. كن بخير / (*قمرهم*) |
ابن شبلان .. يامرحبا ومسهلا .. وبيض الله وجهك على هالمعلومات الطيبه .. لاهنت .. وجزاك الله خير .. برعاية الله وحفظه.. (*قمرهم*) |
أحمد اللويمي .. مرحبا بك اكثر .. ومشكور على هالمسأله التربيعيه .. اجل ارثع فيك المصري .. وانت ورثت السالفه .. ^_^ اما الأعنه .. اتوقع انهم تسموا على جدهم عنان .. وعنان تسمى على جمع الأعنه .. وبكذا خلص موضوعهم .. شد حيلك وجب علم القعيمات .. مع ان واحد من الأعضاء بارك الله فيه اجتهد .. بس ماوصل لنتيجه .. وبجد انا مستغربه .. معقول مافيكم اللي بحث عن هالأمر ..؟؟ ومعقوله مافيكم اللي طرى في باله هالسؤل يوم من الأيام ..؟؟ لاهنت يااحمد مرور جدا رائع .. كن بخير/ (*قمرهم*) |
هوى نجد .. مرحبا مليون ولايكفون .. بارك الله فيك على هالمعلومات .. وجزاك الله خير .. وشكرا لتوضيح اللبس .. لاهنت وبيض الله وجهك .. كن بخير / (*قمرهم*) |
اعضائنا الكرام .. وبكذا نكون خلصنا من تسمية الأعنه والمقالده .. وبإنتظار من يعطينا معلومات عن القعيمات والعراقبه .... الشكر لجميع من شارك ومن لم يشارك .. يكفيني شرف المرور .. بإنتظار الجميع .. برعاية الله وحفظه/ (*قمرهم*) |
الاخت قمرهم انا حالين لاني بالكويت ولاني بالسعوديه وسبق وذكرت اني مازلت أبحث لاكن الاتصال بالتلفون ماينفع كلها يومين وطابين الكويت وناخذ العلم من الراس للراس وماراح ابحث عن القعيمات فقط بل سوف ابحث عن الخمس القعيمات العراقبه الاعنه المقالده اليحيا ونشالله نجاوب بالي فيه فايده والسلام ختام |
يامرحبااااا بأخوي عزيز بن لامي ... لاهنت على هالأهتمام .. وماهي بالشكه وانا اختك .. ادري انك مجتهد وحريص كل الحرص على اي موضوع فيه طاري الجبلان .. وانا واثقه انك بتجيب العلم .. وناطره والله ادري منت مقصر.. وعسى الله يردك سالم غانم وتجيب الخبر وابوه وجده بعد .. قدها يابو تركي .. والأخوان فيهم الخير والبركه .. شاكره لك ياعزيز .. وبيض الله وجهك .. برعاية الرحمن وحفظه / (*قمرهم*) |
| الساعة الآن 05:14 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
