*

عندي من الأصحاب .. ما فاق الأخصام

يبقى الأصل لكـن / يفنـى التشبـه !!

عن الخطأ شايم وبـ.. أشوم مـا دام :

من سبني .! ماني بـ.. مجبور أسبه !!

انت عندك كلام وماتكلمت
...........................لا متى وانت تخفي هالصراحه

مرحوم يامن مات والعين تنعاه**على فراقه يصلي القلب صالي
لاشك راح ومابقى غير ذكراه**ذكراااه تبقى لو تطول الليالي

اللي كساني ثوب الأفراح منساه**وأللي نسى قلبه من الحب خالي
عزاه ياقلبي من الهم عزاه**عزاه ياقلب رحل عنه غالي

الغالي الي شف عيني ملاقاه**عز الله انه ياعرب راس مالي
على فراقه موق عيني نثر ماه**وعليه اصفق باليمين الشمالي

اجاوب السرحان لا جر بعواه**واجض مثل ابل حداه الجفالي
على اللذي ماحنا لقينا له اشباه**لوله بدل والله لاسوق حالي

مرحوم ياللي ماتحسب عطاياه**عمره فنى ماقال ذا لك وذا لي
يامتعب في درب الإحسان يمناه**مرحوم ياللي عنك ماني بسالي

يامكرم العاني وجاره ومن جاه**يلقى الكرم ومبهرات الدلالي
يشدي لقصر يعجب الناس مبناه**به عن هجير الصيف حلو الظلالي

لاوالله إلى مالقينا حلاياه**مثل القمر بين الكواكب يلالي
لاشك في يوم الثلاثاء دفناه**والنوم عقب مفارقه ما صفى لي

هو مات لكن عيت النفس تسلاه**في كل ليلة صورته في خيالي
يالله أنا طالبك يالله يالله**يالواحد اللي للمخاليق والي

ياعالم في جهر عبدك ومخفاه**ياللي نشا بامرك حقوق الخيالي
يامرجع يوسف لمن هو تحراه**يامرجعه عقب السنين الطوالي

ياشافي ايوب من كبر بلواه**من عقب ماطبه عليه استحالي
يامنجي محمد الهادي من عداه**ياناصره بالحق اول وتالي

تجعل عزيزا مات بالخلد مثواه**في جنة الفردوس باعلى العوالي