يوم الزمن يعطي حقوق الذيابه=اخذت حقي لين سموني الذيب

لــو التمنـــي ينفع إللي تمنــى ،،،
ما كـــان صـــرت اليوم نفسي شقيــــــه !!!


.

" صندوق الوارد "


مسيت يالفهد المسمى على خير ..

.. .. .. .. .. .. من بعد ذلك يا فهد ويش جالك !!


عساك يا نسل الرجال المناعير ..

.. .. .. .. .. .. تارد على العد العذي مثل حالك !!


تقطف من ازهار القصايد مشاهير ..

.. .. .. .. .. .. تتعب على القول الجزل ويعنالك !!


لين اتقدم بالمعاني طوابير ..

.. .. .. .. .. .. وتصير الاول في مجال المهالك :) !


مبطي وانا كنت أنتظر وانتظر مير ..

.. .. .. .. .. .. نبا الجديد اللي محضر ببالك !!





" الرسائل المرسله "


يا مرحبا ترحيبة الحر بالطير ..

.. .. .. .. .. .. من هاجس ٍ عبا من الما وجالك !!


أسبح بحر وآآرد على جمة البير ..

.. .. .. .. .. .. يوم ان غيري من عنا الوقت هالك !!


أطرح حمام الصبح وأشوي عصافير ..

.. .. .. .. .. .. وأبشرك " كايف " وطيب وسالك !!


أنشدك ياللي غبت عنا عسى خير ..

.. .. .. .. .. .. مهما يطول الوقت تبقى حبالك !!


ماخاشرك يا صاحبي فـ الغلا غير ..

.. .. .. .. .. .. " احمد " ولد خالي ليا جاء مجالك !!


والا انت لك عندي معزه وتقدير ..

.. .. .. .. .. .. الطيب لك والجود لك والوفااالك !!


:)

أنـا مانيـب حـرف جـر تجـرونة مـع الإعــراب

أنــا حـرفٍ جـزم نفسـه ومثلـي يصـعــب إعـــــــرابه





؟