سبحان من سوى الاوادم من الحور=أنشهد ان الله هو الي يسوي

لاتلومني لاجيت كلي مـن اقصـاي= مافيـه غيـرك لاتضايقـت جيتـه
جيتك وانا ماني بأنا تايـه الـراي = جيتك وانا مدري وش اللـي بغيتـه
جيتك وقلبي دقتـه تسبـق خطـاي = جيتـك اقـول مفارقـك ماقويتـه
دامك معي ماقصرت يـوم دنيـاي = دامي خذيتـك وش بقـا ماخذيتـه
وانكان تنشدني بعد ليه انـا جـاي= ابشـر بـردٍ يقنـعـك لاقريـتـه
جيت اعترف بالفرق يا اخر منـاي = بينك وبين اللـي عشانـك جفيتـه
اني ليامن جيت لك ( همك رضاي ) = واني ليامن جيـت لـه ( مالقيتـه )
لاتلومني لاجيت كلي مـن اقصـاي = مافيـه غيـرك لاتضايقـت جيتـه

هلا هلا يا أم العيون المظله=اللي بعيني ما لهنه حلايـا
فيهن تقول طراد خيل وسله=أما هل الردات والا الطنايا
ليا حذفوا عن المهار الأجله=وردوا لبيض كنهن الحنايا

يااابوي انت الونس حزت الضيق= وانت الذي يغنى عن الناس ظله
الطيب يرفع من مقام المخاليق= ونت بمقامك ترفع الطيب كله

كنت أفكّـر مره..ألقـى لـي بدالـه=دام وصله صعب..والأصعب وصوله
قلـت:يالله نفتـرق..كـلٍ وفـالـه=قال:يالله.قلت:لحظه!مـن يقولـه ؟!
أطري الفرقا وأنـا مامـن صمالـه=وادري ان فرقاه ماهـي بالسهولـه
كم عذولٍ قد عذلنـي فـي وصالـه=ومن عذلني قلت له نفس المقولـه:
مايخلـي حالـة الرجـال حـالـه..=غير بنتٍ فـي مواقفهـا رجولـه!!