أحبك ايه أحبك ولجلك اشتعل نيران =عساني احترق يمك ولا تقولين بردانة
فداك الروح ياروحي وقلب العاشق الهيمان =لعينك بسهر ايامي ولا تباتين سهرانة

لجل حبك عفت انا كل الملا =واحتضنت الشوق في ليل السهر
الله الله لي ذكرت اسمك انا =يمتلي كوني على ذكرك عطر
انت محبوبي بهالدنيا ولا =انظر لغيرك من العالم بشر

حلفت باللي غيب الشمس منساك =والصبح بأمره يظهر الشمس منا
إن أسعد الأيام شوفك ولقياك =وإن أقشر الأيام لاغبت عنا
ودك تلاقيني وودي بلقياك =لكن ظروف الوقت ماساعدنا

قلب ذبحته بالغدر صار ينساك =والنفس عافت من عذابك وعدها
أنا الذي تلعب بقلبه وخلاك =وأنا الذي عنك المواجع حشدها
باحرق بقايا مابقا من خطاياك =واطوي صروح بالحشا تعتقدها

تذكر صاحبك وأرجع =تقرب له ولو بالصوت
على أخر نفس واقف =تجي وإلا يجيه الموت
وأشوف الموت أحرص منك =وأشوف انك تبي موته
وأخاف إنك بعد موته =تحن وتفتح التابوت
وأخاف من القهر يقفل =بوجهك باب تابوته

.. ماجيتك حتى تعلمني وش هي اطباعي ..=.. اوتشرح ابعاد حلمن طال تفسيره ..
.. جيتك من اقساي لاغافي ولاواعي ..=..اشيل حمل الزمان بشره وخيره ..
.. جيتك وكلي امل لو تفهم اوضاعي ..=.. يرضيك نخسر بعضنا بسبه الغيره ..

على المعاني تذوب قلوب=وأنا معك ذبت بسهولة
كامل ولا أشوف فيك عيوب=والغير تظهر لي عيوبه
ولعتني فيك يا المحبوب=يا جنة الحب ودروبه

مدري وش اكتب فيك احترت وياك = كل القصيد اللي مضى ماعجبني
ودي بقصيده تفتخر في مزاياك = وتقول طيبك ياحياتي نهبني
تدري وش اللي ساقني في سواياك = قلبك كبير وبالمحبه سلبني