ثوبها بعيونهم ثوب الزفاف=وثوبها بعيون خفاقي كفن
الزغاريد في فرحها والهتاف=التراب الي على حلمي دفن
والزهر والورد في دربه يلاف=كالنصايب عالي القبر انصبن

سيف الجفا في يديك ودوم تجرح به=سلمك تعذب وسلم القلب يدمح لك
تخسر ودادي ولا أدري كيف تربح به=اصك بابي ولا أدري كيف يفتح لك
إن جيت اسلي خفوقي عنك واسرح به=مايسمع القلب كلماتي ويجنح لك
ياصعب والله غرامك كيف ابنجح به=وانت الذي ماتسيل دمعتك كحلك
اجهل صباحي مع إني دايم اصبح به=وظلام ليلى يشادي قذلتك وأحلك
إن جاني الخير منك اشكرك وافرح به=وإن جاني الذنب منك اعذرك واسمح لك
لو إن نفسك علي ياصاحبي رحبة=كسرت حاجز عناي وجيتك اشرح لك
وإن كنت تدري بشفي ليه اصرح به=ياكامل الزين مايحتاج اوضح لك
ارجع لقلبٍ حنانه دوم يكدح به=ارجع لقلبٍ بنبضاته يلوح لك
ارجع لقلبٍ غريبة ماقضى نحبه=لاجيت بين الحنايا قام يفسح لك
له تالي الليل طاروق يطوح به=ليلى الهوى يسهر لانمت في رحلك
والموق دايم هبوبك سابق سحبه=والخد دايم يروّي لك ويجرح لك
ليه أنت ميزان قلبي دوم ترجح به=ليه الفرص ياحبيب القلب تسنح لك
ماقول بحر الهوى اللي طحت به طح به=اقول كيل الموده كيف يرجح لك

البارحه مابيـن وشلـون يمديـك=في يوم واحـد ياحبيبـي تغيّـرت
الليـل خلانـي وخـلا طـواريـك=تلعب بقلبي كـل ماداخلـي ثـرت
سويت شين حدني غصب ماجيـك=والا قبـل لاسيـر الليـل سيـرت
هدمت كل اللـي بنيـت بتجافيـك=هدمـت لا والله بالعـون دمـرت
خليتني ماقلت لي شلـون اخليـك=ليتك بحالي قبل مارحـت ناظـرت
الله كريم يصبـر اشـواق مغليـك=لاقـام ينثرنـي غـلاك وتناثـرت
والله يسامح قلبي اللـي مواليـك=اخذت كل اللي تبي منـه وانكـرت
منهار جيت العام تسبق خطاويـك=واليوم ماكنك قبل جيـت وانهـرت
في ذمتك لامن تذكـرت ماضيـك=من يطري في بالك اليامن تذكرت ؟
من كثر مافكرت وشلون اراضيـك=وياك في نفسي ولا يـوم فكـرت
على كثر ماكنت متمسكـن فيـك=وعلى كثر ماحتجتنـي ماتعـذرت
جيتك وعندي حاجتن بيـن اياديـك=والمشكله تقدر عليهـا وقصـرت
رح بشر اللي ملتفت لـك يناديـك=قله تركتـه لخاطـرك ماتأخـرت
صدقني انها غلطتي يـوم اداريـك=ولا انت لولا غلطتي كان ماصـرت
كبرتـك بعيـن البعيـد وحواليـك=ابيـك تكبـر والمصيبـه تكبـرت
حاولت اغيّر فيك من كثر مغليـك=قـدرت لكنـك عليّـه تغـيّـرت ..!!

خلاص يعني الأمل فيك مفقود = وأنا إللي كنت أحسب شعورك عشأني
حاولت ياما لكن الباب مسدود = الله يعوض حبي شوقي وحناني
كنت أحسبك في داخلي دوم موجود = مهما أروح بعيد أنت بكياني
كانت محبتنا أبد مالها حدود = كنت بحياتي دنيتي والأماني
وأنا بقربك عالمي كان محدود = كنت أحسب اللحظات ويا الثواني
ماأمل من شوفك أنا كنت أبا زود = وكل ماأشوفك قلت ربي عطاني
دايم أقول مثلك في هالكون معدود = كنت أحلف إنك أنت ثاني
كنت الأمل كنت العطر كنت الورود = كنت إللي أشكي له وأقول له اعاني
من كثر ماحبيت عيونك السود = كتبت لك أشعار وأهديت أغاني
ليش الألم ليش الجفاء ليش الصدود = بذمتك يعني صار غيري بمكاني
كفي بيبقى لك على طول ممدود = أبعد ليالي بس أرجع لي ثاني
صدقني تلقاني مثل أول وزود = بالعكس يمكن زاد فيني حناني
أكذب على نفسي أقول يمكن يعود = ومرات أصدق وأعترف وهو نساني
حاولت ياما لكن الباب مسدود = الله يسامح حظي إللي رماني
إن مت أنا في يوم بوصيك يا دود = لو زار قبري والا أنه بكاني
قل له يحبك ويعترف كان محسود = ولو كان عايش كان قال لك عشاني
لا تبكي دموعك ولا تنثر ورود = جيتك تكفي يا عسى تكون هاني
وقول له أمانه يروح عند ناعم العود = ذاك إللي خلاني بدونك أعاني
قل له يقول لك أنت بالحب موعود = دامه أخذك مني أكيد ما بيعاني
لأني أعرفك زين ما تكذب وعود = طيب وفي حساس راعي المعاني
كنت بحياتي أنت بس إللي موجود = كنت مستعد أموت وتبقى بمكاني
من كثر ما حبيت عيونك السود = أهديت لك عمري والعمر فاني

اقسم بربي مابقي غيرك انسان =افرح بصوته لا ملى الضيق صدري
مليت لك بالقلب منزل وبنيان =يامالك احساسي وروحي وعمري
اوعدك لحفظ حبك طول الازمان=ومنسااااااك حتى يدفنوني بقبري