|
.
أنا بجــوفي جرح أبكم للحكــي شفقــان أكـــابر بس روحي أتفه الأسبـاب تبكيهـا |
.
بعض المواجع ماتنفع لها الفزعه ............ ..........كلما جرعت الحزن رد امتلى كاسي عودت نفسي اساير هزة الفجعه ........... ........وان دست جمر الزمن ماينحني راسي . |
.
يحســـبون [ ـألصمـــت ] .. مثل ـأولـــ .. علآمــــهـ للــرضــآ’ .. يعلــــمـ اللهـ ماسكت لهالـــــــزمنـ إلا [ قهــــر ] !! . |
.
هذي تناهيدي .. وهـذا عذابـي والشايب اللي مرتكي ذاك همّـي عفواً .. نسيت آعرّفك من جنابي أنا الحزين ابن . همّي .. وغمّي إجلس على قلبٍ من أيّـام طابـي وخذ راحتك والبيت بيتك . ياعمّي . |
ياليتني قبل أختلط بالناس فتشت القلوب.
,,,,,,,,,,و!وعرفت وش تخفي ورى جدرانها وأبوابها |
.
يلعن ابوه .. شعور .... لابوه إحساس لاجيت أسوي من جراحي / حديقـه !! |
.
الصبح ودع ... والمساء يحضن الشمس والارض تنزل ... والسماء ترتفع فوق عيني على بكره ... وقلبي مع الامـس فيني تناقض ... مـا لقيتـه بمخلـوق |
أنا بجــوفي جرح أبكم للحكــي شفقــان
أكـــابر بس روحي أتفه الأسبـاب تبكيهـا |
ثلاثيني تعدّت والهقاوي خانها التعبير
انّوخ هقوتي تاره ... وأشد ركابها تاره انوّخها واشّد ركابها .. وبعير بأثر بعير واشوف الوقت يطحنّي رحاه بجاير اقداره . . . ليا اشتّد الهجير نقول .. هين تاليته عصير رجال ٍ ما جزعنا من عجاج الوقت وغباره وعزّ نفوسنا كنه يقول .. اللي يصير يصير على العزّه مفاطيم .. وعلى الأقدار صبّاره تكون بفمك تمره .. والنصيب يسوقها .. للغير كذا .. طبع الزمان اقشر .. كذا .. الأيام دواره زمان ٍ عقّب النشمي على المركى بنافخ كير وتشوف اللي يبيعون الدجاج اليوم صقاره وانا .. رجل ٍ لمح برق ٍ .. فهلّل واكثر التكبير وصلّى عالرسول احمد .. نبي الله ومختاره جهره النوض واستبشر يباسه بالمطر والخير بذاك الصيف .. واثر اكثر.. بروق الصيف غدّاره لقى ثروة شبابه بأيد حظًّ يعشق التبذير رمى باحلى سنينه للهموم وكثرة اسفاره غرس نخل الصفاري بأرض ناس ٍ يزرعون شعير وفي جني الرطب عيّوا عليه يجنّي ثماره وانا مانيب من يسكت على ضيم الغبينه مير اشوف ان الحصاني هالزمان تناطح نماره يقولون العرب .. خلّ التعجّل واحسن التفكير وانا راسي لعب فيه الصداع وشتت افكاره ولو هدّتك ياقلبي سنين الهم والتعزير تحمّل .. لاتكدّر .. سدّ مآرب هدّته ... فاره بسيطه ياذنوبي لو تخونك شرهة التكفير عسى ضيم السنين اللي مضت بالعمر كفاره ثلاثيني تعدت ... حلم .. ماحصّلت له تفسير انّوخ هقوتي تاره ... وأشد ركابها تاره |
ليلة البارح .. رقد بعضي ينازعه أغلبي
ليلةٍ بآخر ليالي الحج غدراً مظلمة كنّي اللي نايمٍ ما بين داب وعقربي هي حقيقة ؟ هي خيالٍ سجّ ؟ هي حلم احلمه ؟ |
تقهويتك وله ... لوما تقهويتك بصفر دلال
تهيلتك هواجيس .. وقصائد حب منثوره اهيجن لك .. بطرقٍ .. غار من مسحوبه الموال حديت اغلى مغاتير الغرام .. وجتك منحوره |
حبيبي ... عاشقك معذور والله لو يجيه هبال
اليا صار العشق شيخٍ يسير العاشق بشوره احبك ايه احبك ياغنى عمري وراس المال لك بقلبي بساتين .. ومشاتل حب ممطوره لطيفك من سموم القيض في عين الوله مقيال واذا قصّرت .. يعذرني .. ترى كلن وميسوره أهلّي بالجروح اللي غدا صدري لها مدهال واقلّطها بروحٍ من رداة الحظ مقهوره واداري حيرة العبرة .. واكابر واقهر العذال واذا طرّوك قدامي .. نخيت وقلت .. أخو نوره انا والله لزومات العواذل والرجال رجال وهل الأمثال قالوا .. يبخص القناص بطيوره ماحد يقدر يعلّق في خيوط العنكبوت جبال ماحد يقدر يهدّ ديار لك بالقلب معموره يجونك ناس والدنيا .. معاك ريال تسوى ريال واجيك ولا معاي الاّ... قصايد حب منثوره |
احدى قصائد سعدون العواجي
قـالوا تـحورف قلت يالربع نجاع=قـالو تـقيم وقلت يالربع ما قيم قالوا علامك قلت من قل الافزاع=صـيحة خلا ما عندي الا الهذاريم إلـى بغيت الحق من شامخٍ ضاع=يـطرّم عـليّه دايخ الراس تطريم يـبعد عن القالات طقّه بالاصباع=مـن قـلّة اللي يضربه باللهازيم ليا صار ما توفي عميلك من الصاع=ما ينقعد لك عند حصن النّواهيم شـبرٍ من البيدا يعوّضك الافزاع=وسـود الليالي يبعدنك عن الضيم |
.
كم هقوة ٍ ضاعت على سكة الغـيّ وكم حلم ف( تراب ) الحقيقه قبرته واقف .. وطعنات الزمن كلها فـيّ وساقي لو انه كلّ منـي / كسرتـه بعد ماعاش الياس في احساسي الحيّ اخوي .. لو هو صد عنـي عذرتـه |
.
أنا وين اروح وكل دربٍ مشيته هـمّ جميع الدرووب أمنين ماجيت مهمومه!! يقولون لاكثرت عليك الهمـوم فنـمّ تناسى همومك والمقاديـر مقسومـه!! خذلني زماني والزمن مابوجهـه دمّ يهين الانسان لين يتضايق من هدومـه . |
.
انا (وطن) تضيق به حتى الانفاس ارقى عبث وألقى جنوني يقينـي يومن كلٍ صار لاغصاني الفـاس همي-طويل العمر-جاء مشتريني . |
من قال مالك شي من فاقد الشـي=ماهو صحيح وفاقد الشي يعطيـه مثل الشجر يعطي لنا بارد الفـي=يعطي الظلال ولاهب القيظ يكويـه مثل القمر يعطي لنا برزخ الضـي=يعطي الضيا ومايندرى وش يغطيه مثل العذاري تسقي النازح المـي=تسقي البعيـد ونخلهـا ماتسقيـه مثل الطبيب اللي يداوي عن العي=لكـنّ ماهولاقـي احـدٍ يداويـه عطيتك التحنان من خافـقٍ حـي=يعني عطيتك شي انا منحرم فيـه أرويتك ابعضي وانا فاقـد الـري=مخفي ظماي وقلبي الحزن طاويه لي في عيونك لاح مستقبلٍ جـي=حلمٍ بعيد ٍ .. ساهر الليل يرجيـه |
لو صرخت. النار لاتحطب ضلوعـك=زادهـا وزنـادهـا مـنـي وفـيِّـه وان صرخت.. النور لاتوقد شموعك=في عيوني من غبار الشمـس فيَّـه وان صرخت.. الموت لاتنزف دموعك=مانـزف طاهـر كمـا دم الضحـيـه ليه تبني فوق رعش احـلام جوعـك=عرش عـراف المسافـات القصيـه وانت دايم سلمـك يرقـى طلوعـك=ماستـوى طينـك لتوطينـك هويـه كل منفـي داخلـك ملفـي ربوعـك=وانقطاعاتـك لطاعـاتـك عصـيـه اعص .. ولاّطيع عصيانك بطوعـك=لاتطفـي جمـرة آلمـا فـي يـديـه هاك نار القلـب لاتحطـب ضلوعـك=تحطب ضلوعك ونـار القلـب حيـه |
وعسى قلبٍ (يميل) وينتزع لك داخل الوجـدان
.............................تمثناه الرمـاح النافـذه فالصـدر ... (وتلـده) |
الله الله
آه يا قربـك ويـا بعـد المسافـة=اقرب مـن القـرب لكنـك بعيـد أنت عمر صب في عمري جفافـه=نصف نار ونصفـه الثانـي جليـد أنت نهر عندي استـودع ضفافـه=واعذابي لا افتكـرت إنـي وحيـد حزني ابسقف المسا يأخـذ كثافـه=ويتصاعد صبـح دخـان وحديـد وارتمي بيـن الحقيقـة والخرافـة=جوف صدري عذق وضلوعي جريد افتـح الدفتـر ويصفعنـي غلافـه=ويتساقط كل ما بـه مـن قصيـد وتختنق دمعه ويسقط حلـم تافـه=وارجع ارسم اكتب احلم من جديـد آه يا قربـك ويـا بعـد المسافـة=اقرب مـن القـرب لكنـك بعيـد |
فـضـفـضت لي عن سواليف امها اللي كدرتها"
والـحـزن مـثل الحسن لامر لازم ينوقف له جـت تـفـلـسـف طفلةٍ مكياجها من فلسفتها" "كـمـلـت عـشرين عام ولا تزال اليوم طفله يـشـبـع الـخـلخال والسلسال جايع برقبتها" "خـيـزرانٍ لـيـنـهـا بين انتباه وبين غفله ودي ادري لامـشت بشعور الارض اللي تحتها" وان تـثـنت قلت وين اللي يقول ان الترف له آه لـولا خـصـرهـا قلت اسرفوا في تغذيتها" جايع بـيـن النعيم ولا يبي من ينتصف له حـاجـةٍ تـطـري عـلـيها جايبتها جايبتها" نـسـمـة مـا تعترف بالباب والحارس وقفله قـلت وش ذا اللي خفق بين الضلوع من اولتها" "قبل اقول الضيف جاك اثره فتح كل الغرف له يـوم قـدمـتـه لـهـا لـيلة سرتبي سلهمتها" قـالـت اتـشرف بقلبك يافتى قلت الشرف له وطرت مع سرب الحمام اللي طلع من حنجرتها" ساعتين وهي تسوق الرمش وابصم واعترف له تـجـذل انـفـاسي والى حست دفاها كسرتها" واطـلـقـتـها للهبوب بكل طيشٍ تنجرف له لـيـن بـاخـر طيشها قصيت اظافر شيطنتها" لا تـشح بكيدها اللي كيدها ابن ادم ضعف له نـسـنـست عصرية الجمعه وهي تقرأ بختها" بـيـن جمع من العذارى كل شيٍ منكشف له كـل مـا جـن يـمشطن شرطانه اللي تعبتها" سـمـعوها من قصايد خلها اخر من عرف له ولـدت لـحـلـمٍ تـدور لـه وتنشد منظرتها" لـدت لـبـروازٍ اسـود دمعها ياما ذرف له لـدت تـوصـي مـكـاتـيبٍ قبل ما زرفتها" ضـمـنـتـها الغاليه دمعة وداع وعطر حفله قـلـت اراضـيها وجيت وجات والدنيا ملتها" والـغـزل دار ولقا المشتاق مشتاق يعزف له كـل مـا زودت وردي الـسـواليف اخجلتها" وكل ما زاد الحيا قلت الحلو وش ينكسف له؟ قـالـت امـي تـفـتكرني طفلة وتظلم بختها صـح انا ماني بطفله ؟ صح انا ماني بطفله ؟ ؟؟؟؟؟؟؟؟؟؟؟؟؟ |
عزي لمن قلبه المخلص وقف ضده مع واحدن مابعد جيتـه ولاجانـي توه يلمّح بهرجه عن خفـى سـده وانا من العام مخلص له ومتفاني ودي بـوده وكنـه ماهـو بـوده يصـد عنـي ولاقفيـت نادانـي حبل الرجا في يده يرخيه ويشـده يامر وينهى وكنه اكبـر اخوانـي ياهوه ماترحم اللي مللعـن جـده اللي متيم بحبـك أيهـا الجانـي |
نقل فؤادك حيث شئت من الهــــوى
ما الــحـب إلا لـلـحـبـيــــب الأول. |
ليلة مطر شق الرعد جـو الانفـاس=وامطر جنون العاصفه مـن حروفـي اعد واذكر ناس .. وانسى بعض ناس=اشباح ذكرى تسكن اطـلال شوفـي كان الزمان لصادق الحـب نبـراس=وكان المكان اطهـر مكـان لوقوفـي طفولتـي ياحلـم ياغربـة احسـاس=يابعد شـق بخنجـر البعـد جوفـي اصرخ ولكن تحتضن صوتي اقـواس=وجمرة قلـم مرتـد تشعـل كفوفـي كـل ماتكسـر للقلـم بيدرالـمـاس=حدر السنابل تورق اغصـان خوفـي وكل ماخرج من معطف الليل نسناس=احاول اخـرج مـن ثنايـا ظروفـي واكتب شعر تنزيل من وحي الانفاس=لعلهـا تقلـب حروفـي .. حروفـي |
رح يافقيد الروح مالك في وسط عيني سمـاح "
,,,,,,,,,,,,,,,,,,,,"والله يساامح عبرتـن طاحـت وغطتهـا يـدي |
سلام الله عليكم جميعاً . .
:) لا تكدر مزاجي ولا تقول البعاد . . وانت بالذات ذاتي بالغزال العنيد لا تغلا "عليٌه" خل عنك العناد . . ومدري وشنهو بعدها الوكاد ـــيد .. |
الشوق ماهـو علـى كيفـي .. ولا كيفـك
,,,,,,,,شف كيف خلاني ارجع .. عـن قراراتـي وشلون ابصوم .. وانا افطر .. على طيفـك ,,,,,,,من وين ما اروح .. اشوفك في مساراتـي يـا ليتنـي لا بغيـت اعيفـك .. اعيـفـك ,,,,,,,ما كان لجلك .. ( قطعت اقوى علاقاتي )..! |
باقي من العمر: حزن... وباقي كتابك
,,,,,,,,,,امّا أكتب الدمع/ امّا الدمع يمحينـي! فيني من الخوف: آووف وفيني غيابك ,,,,,,,,,,,يشدني لتحت/ يخنق آخـرك فينـي! |
كثيرة احلام واحلامي معاها إكــثرت \\ نسيت حلمي يوم اني جيت في كونها
ياللي تمرون شارعها لو انها اظهرت \\ هذي جروحي,, وابي منكم تورونها قولولها , البعد ماقصر ولا قـصرت \\ وانا على الله وحالي صعب من دونها ليل المفارق ألم ,, وجروحها مابرت \\ اخفيت جرحي ولكن صاحت طعونها اللــــــــــــــــــــــــــــــه .. يابو ملفي !! |
.
عـلـى .. / لابــآس : طيــــّب : مـــآعـَلـي يآصآحبــي و بخيـــر .. تـــــرى هــذي أجـــآبآتــــي .. إذا (حـــَــي ٍ ) ســــَــأَل عــــَـــنــــــّي .~ و أنـــــا مـــانـــــي بخيــــر .. و لانــــــّـــي بـــــ طيـــــّــب و لا لــي غيـر ســــوى رَبٍ كـريـمٍ .. آرتـــجــــي إنـــّه . يـــعــــآونــّي . |
.
هيهات لو تدري عن الحال هيهات ... ... قلبٍ جريح وضحكتٍ مستعاره . |
.
يا طول الليل في عين السهير اللي فقد غاليـه والا ياقصر ساعات السهر في عيـن راقدهـا . |
قال : احبك .. قلت : احبك .. قال : جداً .. قلت : جداً
قال : انا احلف قلت : انا احلف قال : والله قلت : والله :) |
ابشرك معاد يوجعني فراق... واقسى وجع فيني يزول بثواني...
|
خذني على شاطي العشاق وابحربي
سافر بقلبي على كيفك وغامر به لا غبت عني ترى ممكن تعذرني وان جيت ريحتني من لوعة الغربة يحسبني الليل ساكت يوم يسهربي سهرت حبك بكبره كيف ما اسهر به الليل ظامي ولا يقوى على شربي خله علي وانت نام ولا تفكر به اثري الليل او مدري تأثر بي كم لي وانا كارهٍ سلمه واي حربه يكفيني انك على ما قلت تشعر بي وهذا اللي ابغاه واللي دايم افخر به سربي على كيف سجات الهوى سربي قلبي قبل لا يعرفك تايه دربه ما هوب لازم اذا زليت تنظر بي رضاي لك يا حياة القلب يا قربه وما هوب لازم يحل الوقت لي كربي الموت مكتوب والتربة هي التربة ماجاك حاجة وقل للقلب يصبربي واللي عطيتك ابي روحك تعبر به تاصل نسايمك لو ما دغدع الغربي ان جيت طيفك معي وان رحت اهاجر به وان مال غصن الغرام وجيت في قربي غنيت لك زاهي الالحان مع سربه |
أنا أحبك ومن حبك له انه يفخر بحبك
حسين الوصف من قبلك جماله تل معلوقي ترى قلبك حكم قلبي وقلبي قلب من قلبك تصرف به على كيفك أنا مابيه ياشوقي مدام القلب يا قلبي بنبضه دوم ينبض بك وش ابغى فيه وأنت اللي تسير بداخل عروقي |
يا عين نامي وخلي للزمن همي
خليني ارتاح واسلي باقي ايامي متى على الله جروح الوقت تلتمي لا نيب راضي ووقتي يرفض احكامي يقلط علي الزمن جيعان ويسمي يشبع ولا رفرفت من جوره أعلامي أفز وانفض غبار خلفه غمي اقصى خضوعي كتاب يشرب اقلامي اضحك بعز العنا واظهر جلى جمي لا من تحروا دموعي سالت انغامي . . . . واللي وقف له زمانه وانثنى يمي والله لحقق لعينه صعب الاسلامي اقف لعينه قبل بيدينه.. يومِّي ولا اغيب يا لين يبري جرحه الدامي |
ماودي إني أجرحك و لا أبغى..نهايتنا ؛ عتب
لكن كذا و إلا كـذا لازم / هـوانا ،، ندفنـه حب ٍ نحـيله للـ فراق أسهل من إنـا نعلنـه مدمن بـ حبك وأعترف لكن حسافه وش كسب ما غير فرقا (جادلٍ) داخل عيوني مسكنه إلى متى يا [ غالية ] وأنا بـ حُبك ،، مغترب وأنتي غريبة تايهه ؛ مثل الثواني بـ السنـة |
ياصاحبي لاتنشد النسيان عن نقـض الجـراح "
,,,,,,,,,,,,,,,,,," دامي حفظتك حفظ منهاج الحروف الابجـدي |
الناس صارت بجرح الناس محترفه
,,,,,,,,,,,,,,,,,,,يارب سترك من الدنيا وبلاويها |
| الساعة الآن 04:29 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
