|
لوضاقت الدنيا على راعي الطيب = يبقى شذا طيبه على الناس طايـــب ولاكل يعـــــدي على صيدتــه ذيب = وماكل من يسمع عوى الذيب هايب في كل يوم تشرق الشمس وتغيب = يبقى خوي الطيب والكل غايـــــــب |
مادمت لي صاحب ترى الراس مرفوع = ماهمني طيب العرب من رداهـــم منت من اللي طيبهم شهـــر وسبــــوع = ومن عقبها تلمس بوادر جفاهـــم تراك ياروحـــــي لي نـــور وشمــــوع =في وقت فيه الناس مدري شبلاهم |
قلوبنـا لهــــل المواقف دواليب = فيها الوفاء بين الضماير نكنه يبقى مع الطيب زمانك تعاجيب = يفوح طيبه عقب هيله وبنـــــه الطيب له وجه ومبــدا وترتيب = والمدح للوافين مافيه منـــــه |
غصبٍ علي يـادار ماهـوب يـدي
.....................................ابعـد واسافـر واتركـك تذكرينـي يانـجـد انــا والله مـاكـان ودي .......................................استسمحـك ياديرتـي واعذريـنـي في وحدتي اشكي دموعـي لخـدي ......................................وفي كل ليله تسهـر الليـل عينـي وفي كل يومٍ زايـد الشـوق عنـدي ........................................الغربه زادت مـن عنـاي وحنينـي اشتقـت لـك يانجـد ياحلـم وردي .......................................واشتقت اصلي في الحرم ركعتينـي واشوف بحرك بين جـزرن ومـدي ..........................................واشتقت ألعب بالرمل فـي ايدينـي مليت مـن كثـر السفـر والتحـدي ..........................................وتعبت اقاوم لهفـة الشـوق فينـي رغم ابتعادي .. واشتياقي .. ووجدي ............................................باكر ابرجع لـك انـا واحضنينـي تسلمين اختي اخت القمر موضوع راااااااااااااائع والى الاماااااااااااااااااااااام ومن تميز الى تميز وارجوا ان تتقبلووووووو مشاركتي |
مساءالخير معليش منقطعين عنكم بس أختبارات ياربع قلق
حبيت أشارك لكم بالقصيده هذي وهي احد مكتوبه كابدائه وانشاالله تكون حلوه وأبي رايكم باالامانه ياأخوانا وياأخواتي عادي أحب النتقاد القلب من البعد المحبين مشتان .. عزي لمن عشيره بعيد بلا شور أخفيت حبه لين قفن الأضعان .. وأبديت مكنوني وهو قبل مستور وصخرت الورق طرب بالإلحان ..وأنا على البعد أتلع الجيد مجبور ياليت حنا طول الأيام جيران .. ولا ولد عم أصبح بلاماه مسرور اقفي ولا أدري كان جاء باي الأحيان .. ياطول يأسي كم أبا أرجيه من دور أجاوب الورقاء على روس الأغصان .. وأقنب قنيب الذيب في عالي القور عليه عيني دمعها فوق الأوجان .. وعليه حالي كل يوم بحدور أنا طريح سهوم مدعوج الأعيان .. اللي جبينه ساطع تـقـل بلـــور بنت الرجال اللي رفيعة شان ... دايم أبوها على العز مذكور اللي ملكني بالهوى ملك سلطان .. أدعج عين وبكامل الزين مشهور |
اخوي سلطان الجبلي ..نورت صفحتي..وزدتها شرف .. و شي اكيد نقبل مشاركاتك ونطلبك المزيد ..
تشبه الليل يمكن في هدوءه في سكاته=بس فيك من النهار الصدق واشياء كثيره تشبه الطيب آسف قصدي انت الطيب ذاته=ليت مثلك بس واحد بنشره في كل ديره |
اخوي هشام الظويفري .. الله الله عليك ..ابدعت ياخوي وفالك التوفيق .. صح لسانك ..
الى الامام ولا تحرمنا جديدك..
الله يجيرك من سهوم الصواديف =وارجي عسى سود المنايا تعداك
|
مالي غرض مير اشتهي هرج الاجواد=اللي يدلهني عن الهم ساعه
|
كل المشاعرفي غيبتك حزينه..=وكل البنات في حضرتك مالهم دور.. من قالك إن القمر تشبهينه؟=عمر القمر مافاح منه عطور.. إنت القمر! والفرق بينك وبينه ؟!=نورك طبيعي!!والقمر مكتسب نور!! |
( ما علموك بغيبتك وش جرالي؟ )
ما علموك بغيبتك وش جرالي؟ ............................................... حتى ( الخبل ) لا شافني قال عزاه مافيه شيِ موحشٍ ما طرالي ............................................. ولا فيه ضيق الا تعانقت وياه هذا مداه وضاق صدر الشمالي .......................................... تقولليّ وش جاه؟ واقول وش جاه؟! عزيز قوم وبهذلَتْه الليالي ............................................ كبا. به حصانه وخانت به خطاه شف حالتي والصبر ما سرّ حالي ........................................ بين اصدق الاحساس واللأ مبالاه تعبت اقول ان ( الامل ) راس مالي ........................................ واشوف ثوب الصبر ينشق وارفاه (الياس) حمله فاق كل احتمالي ......................................... نوب اتعثر به ونوب اتخطراه يرسم على وجهي ملامح ظلالي ......................................... واحاول ارسم بسمتي واتحداه |
من زود حبّك جيتك بكل ذاتي
واشكي غيابك يابعد كل مزيون خلّك رحوم بحالتي يامناتي طال الغياب وضاق بعيوني الكون ليه الجفا واأنت الوحيدة بحياتي مدري تغلي أو دلع منك وفنون يازين أرحم حالتي ياغناتي يكفي تعذّب واحدٍ فيك مفتون حرمتني حتى الخشوع بصلاتي وأسهرتني يوم الأوادم ينامون |
اهلا .. اخوي واثق الخطوه شرفت..
يالله عسى سود المنايا تجنبك=وتبقى عزيزن بين ربعك وناسك
|
يالغالية لو في وصالك وفاتي
راضي ولا أقبل غير قربك وممنون الموت عندك راحتي وامنياتي ومعك الدقيقه تنشرى بألف مليون ترفّقيبي لين اكتب وصاتي واطلب سماح اللي يبي منّي ديون ومن بعدها لو تحكمين بمماتي عمري وكل اللي تبينه لك يهون باقي القصيده |
تـصـدق انـي مـن كـثـر مـابـي احــزان ... !!
حـتـى عـدوي لــو شـتـمـنــي شـكـرتــه ... يـاشـيـنـهـا لا صــرت مـاتـلـمــح الــوان ... !! الا الـظــلام لـيـا رقــيــت ...وحــدرتــه ... |
ليت الليالي" يازمن دوم تنعاد" .. وترجع ليالينا " وجمعات الأصحاب":
|
منكــ وعـــليك الهـــم من وين مــا روح
. . . . . يمـــشي معـــي ياشــــاغـــلي مثـــل ظــلي |
لو يغيب الليل في كف الهجير=ما تغيب بوسط روحي طلتك أنت وحدك مالك بقلبي نظير=لو يغيب الكون تبقى دنيتك مدري كيف العمر من دونك يسير=كل يوم أسأل وأكلم صورتك عاشق تاهت به دروب المصير =بين قربك وبين نار محبتك |
يا رسايل خبريه :
" مستحيل أنسى غلاه" واضحكي له ودلليه "وسولفي دايم معاه" حيل أعزه علميه "طار قلبي في سماه" كل شوقي سلميه "واسهري صبحه ومساه" هو (عيوني) دلعيه "اللي قلبي ما نساه " |
فينـي سجنتك .. والسجن إنفرادي
وغيرك عجز ويَّاي يرضي غروري يا مزعج أفكاري ترى البال هادي طوَّلت لك بالي .. ورتَّبت أموري إنتَ الوحيد اللي , خضع له عنادي من كثر ما أحبك وفت لك سطوري وينك ..؟ تعال الحين .. ملِّيت أنادي إن ما سمعت الصوت إسمَع شعوري كل الأصايد في عيونك .. [ تمادي ] إهداء منِّي بـ صوت : مروان خوري أسأل متى بتروح وأقول : عادي وإنتَ وجودك في حياتي ضروري |
قل لمن يحمل هما ان همك لن يدوم = فكما تفنى السعادة هكذا تفنى الهموم
|
خذا بعض الأسى بعضي وبعضي وين منِّي راح ؟!!
وقلبي قاتله حزنه ( سَ قَ ط ) ..... مقتوله أفراحه !! أجيهم .. نيِّتي بيضا ويجُوني في شكل أشباح ! لأجل راحتهم أتعذَّب .. عذابي عندهم راحه !! تصدِّق ..؟! حيل متضايق ( خساراتي ) لهم " أرباح " ..! ضحكت وكانت الضحكه من الصدمات و [ السَّاحه ] ..!! إذا ربعك مثل : ( غابه ) .....؟! أنا ربعي مثل : [ مسباح ] .. وأنا شخصٍ .. عجز يجْمَع ( نَثِر ) حبَّات مسباحه ! |
يا زين لا يطري على بالك فراق !=إياك تتركني بليا خطيه "أنت" الطبيب لخاطري كل ما ضاق =وأنت الدوا لجروح قلبي الخفية "كانك" تظن البعد سهلن وينطاق=فأنت نويت إعدام نفسن بريه |
كم سؤال حير أقلام الكتابة=وكم إجابة صارت اشبه بالمحال السؤال يضيع ما يلقى إجابة=والإجابة تنتظر طرح السؤال والسؤال اللي عجزت ألقى جوابه=""ليه أحبك كثر حبات الرمال ؟!! "" |
يا ( سيِّدة شعري ) أنا .. قومي إرقصي بين السطور
في داخلي شوق / وعذر .. والله يعين المبتلي ..! زعلانه مني ! وتنهدم فيني ملايين القصور لأنك طموحي .. ورغبتي .. وتخطيطي لـ مستقبلي ! " بركان " شعري .. ما هدى وخايف مع المُده يثور ! في غيبتك .. شفتي الشعر وشلون فيني ينغلي ؟ |
اجمل " زمن في ظل حبك قضيتـه=واحلى قصيده قلتلها فيك ولهـان والعين " تهوى" كل درب مشيتـه=والرجل تاطى لك شعوب ووديـان " حبك " هو اللي في الحياة أرتجيه=وعرفت في قربك"غلا" كلمة انسان |
على طاريكْ كِلْ لحظه .. ولا أحتـاج للتذكيـر
حَريصْ القلب ما ينسَى عيونِكْ , لا توصينـي مَحَدْ يِقْدَر يعَوِّضْنِي لأنِّكْ .. في عيُوني غيـر ومَهْمَا شِفتْ أنا الفرحَه .. بدونِكْ ما تسلينـي |
طــوينا صفحــه الماضي وتبنا =خــذينا اللــي كفـانـا وانـتهينـا وعــن قــولة نبـي نصبر تعبنا=وعــن مـن لا يراعـينا ..سلينـا |
ضحيت بالواقع على شان الاحلام=وضحيت بالغالي على شان غالي حتى الغرام اللى كسر قلبي العام=ماني بحاله كان ماهـو بحالـي ما بنحسب عمر البنادم بالاعوام =بعض السنين نعيش فيها ليالـي وجه التشابه بين وجهك والايام =القلب خالـي والليالـي خوالـي |
جيت عِندكْ شايلْ عتاب وملامه
وقلب مُغرم فِيكْ عالشُوفه شفوق كان غيري حقَّقْ بوصلِكْ مرامه هَمْ أنا .. في شوفتِكْ عندي حقوق الفُضَا قلبي .. وشُوقِي لِكْ ( حمامه ) ما تطُبْ الأرض , دُومْ إطِّير فوق |
عهد قطعته لو مضى العمر منساك=إلا إذا صادفت لحظة وفاتي جايز أحبك، أفقدك واتناساك=جايز تغيب وتنسى حبي وغلاتي بس أنت تدري كيف أنا احس وياك=وتدري إذا غبت بحياتي كيف أحاتي؟ |
كـتـبت الحرف لـجل انـسى هـمـوم الـبارحـه والـيـوِِم=لـقيـت الـهم فـي حرفـي تـربـع يـوم خـطـيتـه !!
|
دنيتك هذي , مبادىء تلبس إثياب الخـداع
وكم شجاعٍ ضلْ عاري والملابـسْ داسَهَـا يا رئيس إلهامْ فكري لا تخافْ .. منْ الوداع شاعرك يبقـى قـويٍ والقصيـده حاسَهَـا إيه أنا عايش وميّتْ والحقيقه مـا تُشـاع الحَطَب صار الصراحه والكِذِبْ هـو فاسَهَـا |
"من شافني يقول وش هالغرور"
"وحلاتي باينه بعيون الحضور" "هذا فاتح فمه وهذاك مبهور" "وهذي غايرة مني دون شعور" " الصراحه يحق لهم كل هاللي يدور" |
ان قالوا الزين فهو عندي=وعلى طاري الاخلاق محد مثلي وان جينا للحلا تراه حولي وجنبي=و الطيبه تنقط من قلبي و ان قلتوا لي مغرورة بنفسك= بقولكم والله يحق لي |
عيونك نامت بـ عيني وظنِّي للأسف / خايب !!
______ أظن ترجع وما ترجع أظن وما يجيني نعاس ! أنا ما قلت لك مخطي ولا هم قلت لك صايب ______ أبيك الحين ترجع في حياتي .. شمعة الجلاس !! مريض وأرفض الراحه لأنك لو تجي طايب .. ______ علاجي بس لو أسمع من لسانك [ عسى لا باس ] ! |
فيني من الحظ .. يا إستاذتي غصَّه
خِتَمْت كل " الدراسه " بمنهَج آلامي ياليت بعضي معاي و عندي الفرصَه أنساها , وأقدر أعيش فـ باقي أيَّامي تدخل حياتي , بلا إستئذان أو رخصَه حتَّى ولو هي سبايب / جرحي الدامي يا إستاذه .. قولي لها الشَّعَر لا تْقِصَّه طويل يبقى , وقولي لـ عينها : نااامي القلب نصَّه غلا والـ " ها " في نصَّه يعني [ غلاها ] على النصين مترامي تسرق قلوبٍ ولكن ماهي بـ ( لِصَّه ) غريبه .... لكنَّها تستوطن أوهامي ..: في عينها تقول : تسمَح لي بهالرقصَه ؟ ومن [ وجهها ] صرت ألمَح كل إلهامي يغار قلبي عليها ,,,,, وإفهموا القصَّه ما أبي يسولف معاها .. شخص قدامي |
كبرت ونظرة الطفله=تعيش بداخلي فطرة
|
يا خوك همي هم وجروحي أجروح =وشلون أبنسى والليالـي جروحـي ضايق وانا من زايف الوقت مجروح =ومن لوعة الأيام عايـش بروحـي ما ودي أحكي عن همومي ولا أبوح =إلا لولي العـرش سـدي وبوحـي تخنقني العبرة على صوت مبحـوح =وأكنهـا دمعـه بعينـي تفـوحـي وأحسها دله علـى جمـر وتفـوح =وتذوب من حر المعاليـق روحـي |
لو طريقك يتعِب القلب أسلكك
_______ بعد صوتك ما يعوِّض أيّ صوت !! أدري يا قلبي .. غيابه / يهلكك .. _______ داخلك عايش .... وفي حالة ثبوت ! |
شخبار جرحي معاك وآخر طعوني ..?
عطني جديدك .. وعلِّمني عن " أفكارك " مجنون خِلقهـ وإنت .. تزوِّد جنوني ! محروق قلبي وإنت .. تزيد في نارك !! |
| الساعة الآن 09:12 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
