|
حيالله الدكتور عبدالمحسن ومع الاخوان حطوا ارقامكم للتواصل
وثانياً يابو فلاح ما اظن فيه جبلي مايدري عن اللي صاير الا اللي ماوده ؟!! وثالثاً مايحتاج تصوير حولات وفتح ملفات مالها داعي كل السالفه مر البنك وسو تحويل مجدول للحساب دايركت يتحول المبلغ مثله مثل القسط واذا احتجت او احتاجت اللجنة تسوي كشف حساب وانتهى الموضوع. |
بسم الله الرحمن الرحيم
تحية طيبة وبعد ،،، شكرا لكل من عقب على اللجنة المنظمة الموقره من اخواني اعضاء المنتدى ، اول يا اخوان الاعزاء حدث العاقل بما يعقل 1 _ ليس من المعقول ان لجنة الجبلان ترسل رسائل عبر الجوال لى 7000 جبلي هذي بحد ذاتها تكلفه على اعضاء اللجنة اذا كان سعر الرساله الواحده 20 فلس 2 _ من الصعب تبرع اعيان القبيلة وتجارها ولا احد يحرك ساكنا من اللجنة الموقره 3 _ من المفروض ان اللجنة الموقره تاتي اعيان القبيله وتجارها وتطلب التبرع وهذا ليس بعيب او محرم شرعيين 4 _ يجب جمع اسماء وعناوين وارقام الجبلان وهذا من مسؤوليات اللجنة وختامن اشكر اللاخ العزيز / سالم هزاع القريني على تبرعة للجنة وشكرا اخر للأخ العزيز / طرقي سعود المسيب على تبرعة للجنة وشكرا لكم على تحملكم لي وارجو ان يكون طرحي بناء وشكرا اخوكم / فلاح الجبلي |
صباحكم أخوة
يأخوان / أشوف كل مايخص اللجنة وخططها لجبلان الكويت وين الربع بالسعودية نحتاج إلى لجنة مماثلة ويكون هناك تعاون بين اللجان في الدولتين غالبية العوائل متواصلة اللي بالكويت لهم عوائل بالسعودية والعكس امل من الأخوان التعليق وعدم فهم استفساري بشكل خاطي وانا من هنا مستعد للتبرع وانتظر فقط رقم الحساب وان كان اللجنة موحدة لخدمة الطرفين انتظر التعليق من اخواني المسؤلين عن اللجنة عن الخطط المستقبلية لكلا الدولتين بن جغيثم ( محمد الرويضان) |
فلاح الحصيني
اللي شفناه في الملتقى ان اللجنة وزعت استمارة تعريفيه http://www.aljblan.net/vb/showthread.php?t=3408 وهذا لجمع ارقام وعناوين الجبلان .. اما بخصوص المسجات .. فميزانية اللجنة ( اذا التزموا الجبلان بالاستقطاع والتبرع لها ) بامكانها تحمل تكاليف المسجات ..خصوصا في مواقع على الانترنت .. يوصل سعر المسج 10 فلوس بن جغيثم مافي فرق بين جبلان الكويت وجبلان السعوديه ... واللجنة هدفها جمع الجبلان مو توزيعهم نصين ..سعودي وكويتي .. لكن في امور تخص الكويتيين ... مثل الانتخابات .. ماهو معقوله اللجنة تدخل السعوديين فيها .. اما الامور اللي مافيها فرق بين كويتي ولا سعودي فهي للجميع ... مثل الملتقيات والاجتماعات والمناسبات وغيرها من الامور العامه ؟؟ وبانتظار اللجنة .. |
العزيز محمد الجبلي وانا يخوك ماقلت ينقسمون انا قلت وشلون اللجنة اللي بالكويت تقدم خدمات للجبلان بالسعودية وضعت اقتراح تشكيل لجنة مساندة للي بالكويت تعمل بالسعودية ( لجنة ) او على لجنة الكويت تقديم اسلوب وألية عملها فيما يخص جبلان السعودية والاستعلام وطلب الفهم واجب لكل رجل عاقل ومدرك اتمنى ان تكون الصورة واضحة يابعد راسي واشكر لك حرصك |
انا اضم صوتي لبن جغيثم
وشكرااااااااااا |
ان معكم قلبن وقالباً المهم العزيمة الجاده يالله ابو فلاح
|
أنا أضم صوتي لبن جغيثم
|
وانا اقول مااااشالله عليكم
ويارب باجي افخاذ مطير يمشون ممشاكم وهذا اصلا الي لازم يصير من زمان عساكم عالقوه |
الله يجمعكم على خير وموده انشالله ,,,
عندي اقتراح يمكن يفيدكم وهذا الاقتراح مسوينا بني عمي الملاعبه وهي عباره عن قطيه كل موظف 10دنانير وتشكيل لجنه من الجماعه ونسلم لهم القطيه باليد , وبكل مناسبه نجتمع مثل العيد اول يوم عشا بصالة الهيفي رمضان بعد الفطور اول يوم ,حجاج الملاعبه نسوي لهم عشا وبالمناسبات اللي يبي يقصد ونحط كلمه دينيه وفرقه عرضه وبالنسبه للأفراح صارت عندنا بالمسجات والعزايم والعزا كلها بالمسجات والله يوفقنا وإياكم بما هو مفيد الملعبي |
| الساعة الآن 07:57 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
