سبحان من سوى الأوادم من الحور = أنا شهد ان الله هو اللي يسوي
زول ٍ خلق من نور وبخدته نور = نور من الخالق ماهو نور ضوي
أدعج غنج خده به الملح منثور = تقول بدرٍ بان بفتوق نوي
وعيون تذبح بالهوى كل منعور = سود ومضاليلٍ على القلب سوي
نيشانهن رمانت القلب ياسرور = وحرابهن من دم قلبي تروي
هو مسرفٍ فيه وانا فيه مجبور = حبه ملا قلبي وجوفي وجوي
من زود حبه كن كل البني عور = لا غاب عني قمت ادوج وأهوي
أبو جديل اشقر على المتن منشور = يا هني من بيديه فيه أمتلوي
أنكان شدوا يم وسمية الثور = واحسرتي لا قالوا البيت طوي
وان مت من مركوز الأنهاد معذور = اللي عليه هالزمان امتكوي
ولوهو عطاني صاحبي كبر الأظفور = قلت الدوا منك ، وعلى الله بروّي

البارحـه والنـاس بالنـوم نعـاس=بيـن الوسايـد والعواتـق عنـاقـي
حلمت لي حلـم عسـى خيرلابـاس=وفزيت وعيونـي غشاهـا الغراقـي
فزيت واللي سبـب الحلـم قرنـاس=شكي على مـن الهجـر والفراقـي
واخذت لي مع غبه الهـم مـرواس=وابحرت والمركب شراعـه رقاقـي
وسهرت لين الصبح والج للادمـاس=حلـم بـرى حالـي وزود ارهاقـي

كثير من البشر يسال عن اسباب الحزن فيــني=وكثـــير من البشر وده يعرف بدنيتي وش صار
وعـــــلام اللي يقابلني يشوف الدمع في عـــيني=وانا تــــــوي صغير السن حزين وشارد ومنهار

لايهمك حبيبي شف مكانك هنا =بين ضلعين قلبي يا حبيب العيون
كل ماقلت احبك قال قلبي وانا =انتخاشر غلاك اللي ذبحنا بهون

نثرت لك ياصاحبـي دمّـي=حرف الشجن والهجر واوجاعه
ناديت لك صوتٍ ملى فمّـي=روحي ترى مـ..البعد ملتاعه
ليتك تجاوبنـي وتجـي يمّـي=وتعطيني من العمر لـو ساعـه

لسان الناس ما يرحم جلدني وجاد بالجلـدات=وقالو هالفتى عاشق وجنّ الشّعـر باسبابـي
إلين اتكورت فيني هموم المنطـوي بالـذّات=وبيت الليل أسكن به عن الدّنيا أصـك بابـي