ان ضاق صدرك وصار الوضع به رجه =عـلـيك باللـي هـمـوم العـبد يفـرجـهـا
وان صار وقتك صعيب ومرتكز عجه =ضحكتك بوجه الليالي السود يزعجها
اقهر بلاوي الزمن بالضحك والسجه =واضرب برجلك دروب العز واسهجها

صاحبي والله الصـدر مْتضايـق=دخيلك لا تزيد الهـم فينـي

حملـت همـوم لو ترقـى الجبـال الراسيـه اختلـت =انـا مـدري على همـي وش اللي مصبـّر أعصابـي

مدري خذاك البطا والا خذتك السنين =مدري بديت ارجع لحزن ٍ بدا يشتهيك
الصبح يضحك ويضحك في عيوني جبين=واذوب كلما سمعت " الله يرضى عليك "
قلّي فديتك علام الناي عندى حزين ؟=قل لي علام القصيد أصبح حزين ويبيك ؟
يا كبر ذنب الفراق وغالية تستعين=بالواحد اللي مع الأيام ماله شريك
شفني مثل ما انت خابر ما تغيّرت لين=لين أصبحت كل عين تشوف حلم وتجيك

لي قلب ما يدري وش الغلا لــــولاك=ولـي عيـن يغنيـها وجودك عن النـــور

الله من هم بروحي سهجها=في خافي ضميري في كميم الحشا لاج
احر من نار توقد وهجها=منها خطر روحي على سلك ديباج

سقى الله أمسي العاطر ..زمان الخالي المسـرور=زمـانٍ لابغيـت افـرح.. ألّمـح بـس لشفاتـي
زمانٍ لابغيت اكتب شعـوري ماحسبـت سطـور=يفيـض بكيـف مايبغـى يحـرّر قيـد خجلاتـي
ولا أعرف بحور الشعر أو قولة: شطر مكسـور=أكسّـر مثـل مـاودّي مـدام بتوصـل ابيـاتـي

ماهي غريبة لو حكوا فيني النـاس=اللي غريبة لـو بحالـي تركونـي
ولاني بسائل عن عديمين الاحساس=وانا مثل لون ابيض الغيـم لونـي
من هرجهم مايزعج الفكر هوجاس=لولاي مثمـر كالشجـر مارمونـي

على كثر الهموم اللي فقلبي ماشكيت الحال =على كثر الجروح اللي تمادت أكتم العبرة
رضيت أبقى تحت مر الزمان اللي غدا همال=مدام الله كفل عبد(ن) تصبر واحتسب اجره

يامطير ياهمـن على كل نمرود = ياعزوتي لا جار وقتي وضامـا
سلام مني عد ماهبت النود = وعداد ماغنت طيور الحماما
سقم العدا ومزبنه كل مضهود=وخصيمنا تصلاه نار الندامــا

قلت ياحظي وش فيك مايل = قال اسكت بس لا انبطح

النفس تامر وانا مانيب طايعها = الله عن العيب والمنقود يحميني

آه ياجور الحزن وياي وفي الفرحه شحوح =ضايعـن بهمـومي الغبرا بوسط المعمعه
اشتكي لوسادتي دنيـاي واسمعها تنـوح =كنها بعضي و بعضي ويـن هو منهو معه
مختلط في عبرتي حبر الشقا ودم الجروح =ومستوي في نظرتي غرب الوجود ومطلعه

درب ٍ مشيتـه مـا تمنيت ممـشاه = صـار الوفا مع جاير الحظ نـدّي

من كثـر مـا شفـت في حيـاتـي مـن أنـذال=بـديـت أشـك إن النـذالـه .... فضيـلة

إنت متضايق عشانك .. وإلا متضايق عشاني=اسالك بالله يا بحر ويش المصيبـــــــــه؟

تتناثــر احلامـــي ويتناثــر الــدرب=ويركض على ذبحة خفوقي خفوقـي
إن جيتني ياصعب وإن رحت ياصعب=منتاب واصـل نصـف او ربـع شوقي
كــل المرامــي مبعـده تذبـح القلب=ومغاربــي يا ما تحــرث شــروقي
أظما عيونـك وانت توعدني الشرب=وأشـرب تعب وتذوب فيني عروقي

المراجل ما تهيا هالسويا= كود من عض النواجذ في سنونه

ضايقه بالحيل محتاجه اشكي =لولا طبع فيني يمديني شكيت
بس ادور عذر عشان ابكى =لو يدوسون بطرف ثوبي بكيت
وش بيدي افعله غير احكي=قاصره خطوات رجلي لو مشيت
اسرعي يانفس موتي واهلكي=صرتي همي يوم بالدنيا شقيت

فيني ألم ما مر في قلب مطعون= فيني حزن ما مر في عيون الأيتام
عاقل ولكني طحت في وقت مجنون = حطمت في همي أنا كل الأرقام
والهم سجاني وأنا فيه مسجون=وان قام حظي طاح وان طاح ما قام
أصحاب أنا والهم وأحباب ونمون= ما هي صداقة يوم ذي عشرة أعوام

وش بقى من حلمي الماضي القديم؟؟=غير ذكرى تقتل الخافق قهر..
وا عـذاب القلب من حظن خصيم،،=إن طـلبته صــد عني وإعتذر..
صارت أحلامي مـثل لولو نظيـم=إنـقطع خيطن يـلمه وإنـتثر...

الضحك ماهو علامة مستريح=والبكى احيان مايوحي بحزن
خذ مثل مني انا قلبي جريح=وابتسملك من غرابيل وشجن
وان بكيت يجوز ابكي من صحيح=من جرح,من ظلم ,من صدمة زمن
او يجوز ابكي على شان استريح=او نتيجة شوق او حزن وندم

ياللي تغرك ضحكتي بعض الأوقات=أحيان بعض الضحك معناه موتي
أوقات تلقاني أحاكيك بسكات=يوم الكلام يموت داخل سكوتي
يوم الحناجر تحتضر فيها الآهات=واعجز عن الشكوى ولو طال صوتي

خانت الأيام شخص ما يخون=ولا هقيت إنه كذا طبع الزمن
كيف أصبر وأعيش مغبون=كيف أدفا طالما حظي اندفن
بس ليه أشكي وأحسب للظنون=ورأس مالي تالي الدنيا كفن
ذي بداية والنهاية وش تكون؟=هو يزول الهم عني؟مـا أظــــن.

انا من معشر الأنس الأوادم أولياء الله = واعيش بعالم الجن اتعوذ من شياطينه

رمـح الشمـّـال اللى طعن مهجة الغيـــــم = شق السـحاب وسالت الشمـس منــه

مساء الخجل في وجه طفل خانه التعبير =رمى نفسه على بنت الضيوف وقال: يايمه

قالو هبيل وجايزلي هبالي= اهبال طيب ولا صحاوت رخامه

تلعب بقلبي لعبة الطفل بالطير=الطير ميِّّّّّّت و الطفل ما درى به